សន្តិសុខ - ការពារប្រទេស ការពារប្រទេស

07/09/2015 - 16:36

បញ្ជាការដ្ឋាននគរបាលសមុទ្រទទួលកិត្តិនាម វីរកងកម្លាំងប្រដាប់អាវុធប្រជាជនក្&

បញ្ជាការដ្ឋាននគរបាលសមុទ្រវៀតណាម បានរៀបចំពិធីរំលឹកខួបអនុស្សាវរីយ៍១៧ឆ្នាំ ទិវាប្រវេណី (២៨/៨/-១៩៩៨-២៨/៨/២០១៥) និងទទួលកិត្តិនាម វីរកងកម្លាំងប្រដាប់អាវុធប្រជាជនក្នុងសម័យផ្លាស់ថ្មី- ដែលជារង្វាន់ដ៏ឧត្តុង្គឧត្តមដែលបក្សនិងរដ្ឋប្រទានជូន។

ជំនួសមុខឲ្យថ្នាក់ដឹកនាំបក្ស រដ្ឋ លោកប្រធានរដ្ឋ ត្រឿងតឹងសាង បានប្រទានជូនកិត្តិនាម
វីរកងកម្លាំងប្រដាប់អាវុធ ប្រជាជន ក្នុងសម័យផ្លាស់ថ្មីជូនបញ្ជាការដ្ឋាននគរបាលសមុទ្រ។

ថ្លែងសុន្ទរកថាក្នុងពិធីរំលឹកខួបអនុស្សាវរីយ៍ ឧត្តមសេនីយ៍ត្រី ង្វៀនក្វាងដាម បញ្ជាការនគរបាលសមុទ្រវៀតណាម បានរៀបរាប់ច្បាស់៖ មុននេះប្រមាណ១៧ឆ្នាំ ដើម្បីបង្កើនសុពលភាពគ្រប់គ្រងរដ្ឋបាលក្នុងការការពារអធិបតេយ្យ សិទ្ធិអធិបតេយ្យ សិទ្ធិយុត្តាធិការជាតិ; រក្សាសន្តិសុខសណ្តាប់ធ្នាប់ សុវត្ថិភាពលើសមុទ្រនិងខ្ពង់រាបសមុទ្ររបស់ប្រទេសជាតិនៅថ្ងៃទី២៨ សីហា ឆ្នាំ១៩៩៨ នាយកដ្ឋាននគរបាលសមុទ្រ (សព្វថ្ងៃជាបញ្ជាការដ្ឋាននគរបាលសមុទ្រ) បានបង្កើតឡើង។ ចាប់ពីពេលនោះមក នៅថ្ងៃទី២៨ សីហាជារៀងរាល់ឆ្នាំបានក្លាយជាទិវាប្រវេណីរបស់កងកម្លាំងនគរបាលសមុទ្រវៀតណាម។ ឆ្លងកាត់១៧ឆ្នាំ កសាងនិងរីកចម្រើន ថ្វីត្បិតតែមានអាយុកាលខ្លី ប៉ុន្តែកងកម្លាំងនគរបាល សមុទ្រវៀតណាម មានជំហានអភិវឌ្ឍដ៏ធំធេងលើគ្រប់វិស័យ ចំទិសដៅនិងកំពុងបោះជំហានរឹងមាំលើគ្រប់វិស័យ ធានាលក្ខណសម្បត្តិ ដើម្បីសម្រេចបានល្អនូវភារកិច្ចគ្រប់គ្រងការពារតំបន់សមុទ្រ។ សមត្ថភាពត្រៀមជាស្រេចដើម្បីប្រយុទ្ធ ពីមួយថ្ងៃទៅមួយថ្ងៃកាន់តែសុក្រឹត គ្រប់កម្លាំងដើម្បីឆ្លើយតបនិងតម្រូវការយាមល្បាត ត្រួតពិនិត្យគ្រប់គ្រង តំបន់សេដ្ឋកិច្ចផ្តាច់មុខ តំបន់ខ្ពង់រាបសមុទ្ររបស់ប្រទេសជាតិ;សហការស្វែងរកនិងសង្រ្គោះនៅតំបន់សមុទ្រឆ្ងាយបានទាន់ពេល និងមានប្រសិទ្ធភាព។ អស់រយៈកាល១៧ឆ្នាំកន្លង ទោះបីនៅទីណា ស្ថានភាពណាក៏ដោយគ្រប់ជំនាន់ កម្មាភិបាល យុទ្ធជននគរបាលសមុទ្រ តែងស្មោះស្ម័គ្រខិតខំប្រឹងប្រែង ម្ចាស់ការជម្នះការលំបាក ឆក់យកគ្រប់ឱកាសនិងលក្ខណសម្បត្តិដើម្បីឈានឡើងអះអាងតួនាទីជាកម្លាំងជំនាញការរបស់រដ្ឋក្នុងការរក្សា អនុវត្តក្រឹត្យច្បាប់និងធានាសន្តិសុខសណ្តាប់ធ្នាប់សុវត្ថិភាពលើផ្ទៃសមុទ្រ។ជាមួយនឹងយុទ្ធជ័យ និងស្នាដៃសម្រេចបានកងកម្លាំងនរគរបាល សមុទ្រ មានកិត្តិយសបានបក្សនិងរដ្ឋប្រទានជូនរង្វាន់ដ៏ឧត្តុង្គឧត្តមជាច្រើន មានដូច៖ គ្រឿងឥស្សរិយយសយុទ្ធជ័យ៧គ្រឿង; គ្រឿងឥស្សរិយយសការពារប្រទេស៥គ្រឿង។

ថ្លែងសុន្ទរកថាក្នុងពិធីអនុស្សាវរីយ៍ លោកប្រធានរដ្ឋ ត្រឿងតឹងសាង កត់សំគាល់ និងស្ងើចសរសើរនូវការប្រឹងប្រែងនិងខិតខំរបស់កម្មាភិបាល យុទ្ធជន កងកម្លាំងនគរបាលសមុទ្រវៀតណាមក្នុងរយៈកាល១៧ឆ្នាំកន្លង។ លោកប្រធានរដ្ឋបានសង្កត់ធ្ងន់៖ ឆ្លងកាត់១៧ឆ្នាំកសាង និងរីកចម្រើនគ្រប់ជំនាន់កម្មាភិបាល យុទ្ធជនយោធិនជំនាញ បុគ្គលិកការពារប្រទេសនៃនគរបាលសមុទ្រ ពង្រីកបានល្អនូវអត្តចរិតនិងប្រវេណីកងទ័ពប្រជាជនវៀតណាមវីរភាព តែងលើកកម្ពស់ស្មារតីប្រុងប្រយ័ត្នបដិវត្តន៍ ឈ្លាសវៃ ក្លាហាន សាមគ្គីសហប្រតិបត្តិការជម្នះរាល់ការលំបាក សហការស្អិតល្មួតជាមួយកងកម្លាំងនានា ផ្សព្វផ្សាយព្រមគ្នានូវវិធានការជាច្រើនធានាសន្តិសុខសណ្តាប់ធ្នាប់ សុវត្ថិភាព និងអនុវត្តក្រឹត្យច្បាប់;បង្ការប្រឆាំងឧក្រិដ្ឋកម្មគ្រប់ប្រភេទ និងអំពើបំពានច្បាប់នៅសមុទ្រ ពីមួយថ្ងៃទៅមួយថ្ងៃកាន់តែមានប្រសិទ្ធភាព; ការធានាបរិស្ថាន សមុទ្រ; ទន្ទឹមនឹងនោះអនុវត្តល្អការងារឃោសនា ផ្សព្វផ្សាយអប់រំច្បាប់; ការសង្រ្គោះនិងទំនាក់ទំនងសហប្រតិបត្តិការអន្តរជាតិ។ នគរបាលសមុទ្រវៀតណាមបាននិងកំពុងបញ្ជាក់នូវតួនាទីជាកងកម្លាំងស្នូល ជំនាញការរបស់រដ្ឋ ក្នុងការគ្រប់គ្រងសន្តិសុខសណ្តាប់ធ្នាប់សុវត្ថិភាព និងធានាអនុវត្តក្រឹត្យច្បាប់នៅតំបន់សមុទ្រ និងខ្ពង់រាបសមុទ្ររបស់ប្រទេសជាតិយើង។

លោកប្រធានរដ្ឋជឿជាក់ថា ក្នុងរយៈកាលខាងមុខ កងកម្លាំងនគរបាលសមុទ្រវៀតណាម និងបន្តការរក្សារឹងមាំនិងពង្រីកប្រវេណី" ប្តេជ្ញា ក្លាហាន ជម្នះការលំបាក សាមគ្គី សហប្រតិបត្តិការរក្សាតឹងរឹងក្រឹត្យច្បាប់" មិនបង្អង់ខិតខំប្រឹងប្រែងឈានឡើងបង្កើតស្នាដៃឲ្យបានច្រើន ជាងទៀតសក្តិសមជាមួយនឹងក្តីជំនឿស្រឡាញ់រាប់អានរបស់បក្ស រដ្ឋ និងប្រជាជន; សក្តិសមជាកងកម្លាំងជំនាញរបស់រដ្ឋក្នុងការគ្រប់គ្រងអនុវត្តក្រឹត្យច្បាប់លើតំបន់សមុទ្រនៃមាតុភូមិ និងតំបន់ខ្ពង់រាបសមុទ្ររបស់ប្រទេសជាតិ៕

ង្វៀងកឿង (ទីភ្នាក់ងារសារពត៌មានវៀតណាម) ប្រែសម្រួលៈ វ៉ានតិន

ចែករំលែកអត្ថបទ

ពាក្យគន្លឹះ