គោលនយោបាយ -ការរស់នៅ គោលនយោបាយ

21/04/2015 - 09:15

សកម្មកសាងជនបទថ្មី

ក្រុងកាម៉ាវ ខេត្តកាម៉ាវ កំពុងជម្រុញល្បឿនកសាងជនបទថ្មី ខិតខំដល់ឆ្នាំ២០១៦ ឃុំទាំង៧នៅជាយក្រុងនឹងសម្រេចលក្ខឋានកសាងជនបទថ្មី។

ថ្នល់ភូមិជនបទចូលទៅកាន់ឃំុលីវាុំងឡឹម ។

លោកង្វៀនហាញ់ភុក អនុប្រធានគណៈកម្មាធិការប្រជាជនឃុំលី វាំុងឡឹម ក្រុងកាម៉ាវ ឲ្យដឹង៖ ឃុំសហការជាមួយនឹងការិយាល័យសេដ្ឋកិច្ច ក្រុងកាម៉ាវ និងផ្នែកសមត្ថកិច្ចនានា ផ្ទេរជូនបច្ចេកទេសដល់កសិករ ដូច្នេះក្រៅពីការផលិតស្រូវ ដាំបន្លែ បង្ការកសិករថែមទាំងអនុវត្តទម្រង់រូបភាពចិញ្ចឹមត្រីកន្ធរ អន្ទង់។ល។ លោកភុក បង្ហើបឲ្យដឹង ខណៈពេលទើបនឹងចាប់ផ្ដើមដំណើរការកសាងជនបទថ្មី ទិន្នផលស្រូវសម្រេចត្រឹមប្រមាណ៤,២តោន/ហិកតា។ បច្ចុប្បន្នកើនជិត៦តោន/ហិកតា ហើយសព្វថ្ងៃនេះ វាលស្រែគំរូធំរបស់ឃុំលីវាំុងឡឹម បានកើនឡើង១.០០០/១.១០០ហិកតាក្នុងចំនួនផ្ទៃដីផលិតស្រូវរួមរបស់ឃុំ។

ទម្រង់រូបភាពវាលស្រែគំរូធំ ចងសម្ព័ន្ធទាំងបួន កសិករមិនសូវបង់កម្លាំងថែទាំ ចំណាយដើមទុនតិច បែរជាមានចំណូលខ្ពស់ជាងមុន។ ពិសេសក្នុងការចងសម្ព័ន្ធមាមីងមិនត្រឹមតែបានផ្គត់ផ្គង់ពូជជី ថ្នាំការផ្ដល់យោបល់អំពីបច្ចេកទេសប៉ុណ្ណោះទេ ថែមទាំងបានធានាច្រកចេញកសិផលដោយតម្លៃខ្ពស់ជាងតម្លៃទីផ្សារទៀតផង។ អាស្រ័យដោយកំណត់ទិសដៅផលិតកម្មត្រឹមត្រូវបានធ្វើឲ្យផលិតកម្មមានប្រសិទ្ធភាព ហើយឃុំលីវាំុងឡឹម បច្ចុប្បន្ននៅមានគ្រួសារក្រីក្រត្រឹមតែ៦៥គ្រួសារ ស្រូបអត្រាមិនដល់១,៧%ផង។ បច្ចុប្បន្ន ប្រាក់ចំណូលមធ្យមភាគលើមនុស្សម្នាក់ៗជាង៣៣លានដុង/ឆ្នាំ ប្រៀបនឹង២០លានដុង/ម្នាក់/ឆ្នាំ នៅឆ្នាំ២០១០។

អស់រយៈពេល៤ឆ្នាំ ខិតខំប្រឹងប្រែងកសាងជនបទថ្មី ក្រៅពីឃុំលីវាំុងឡឹម ក្រុងកាម៉ាវ នៅមានឃុំតាក់វ៉ឹង ក៏បានទទួលស្គាល់ជាឃុំជនបទថ្មី នៅចុងឆ្នាំ២០១៤។ ជោគជ័យជំហានដំបូងនេះ គឺជាកម្លាំងចលករ ជម្រុញទឹកចិត្តដើម្បីឃុំចំនួន៥ ក្រៅពីនោះនៅលើភូមិសាស្រ្តក្រុងកាម៉ាវ សម្រេចជាសារវន្តនូវការកសាងជនបទថ្មីដូចផែនការដាក់ចេញ។ តាមប្រសាសន៍លោកហូត្រុងវៀត ប្រធានគណៈកម្មាធិការប្រជាជនក្រុងកាម៉ាវ ឆ្នាំ២០១៥ នឹងមានឃុំចំនួន២ទៀត គឺតឹងថាញ់ និងអាងស្វៀង សម្រេចគ្រប់លក្ខឋានកសាងជនបទថ្មីទាំង១៩ និងដល់ឆ្នាំ២០១៦ ឃុំទាំង៧នៅជាយក្រុងនៃភូមិភាគនេះ នឹងសម្រេចរួចរាល់លក្ខឋានកសាងជនបទថ្មី។

លោកហូត្រុងវៀត ឲ្យដឹង៖" ក្នុងការកសាងជនបទថ្មី ដោយបានការស្រុះស្រួល គាំទ្រអស់ពីចិត្តរបស់ប្រជាជន និងអាស្រ័យដោយប្រជាជនជ្រាបច្បាស់ថា ការកសាងជនបទថ្មី គឺដើម្បីគ្រួសាររបស់ខ្លួនផ្ទាល់បានទទួលផល ទើបសាមគ្គីនាំគ្នាអនុវត្ត។ នៅពេលខាងមុខថ្នាក់ដឹកនាំក្រុងនឹងបន្តការណែនាំរាល់ឃុំ ដែលសម្រេចលក្ខឋានជនបទថ្មីលើភូមិសាស្រ្តបន្តរក្សារាល់លក្ខឋានជនបទថ្មី ដើម្បីផលិតកម្មចូលជាបែបផែនប្រសិទ្ធិភាពមានចំណូលលំនឹងជីវភាពប្រជាជនសម្បូរធូរធារ៕

ហ៊ឺវតុង-ពេជ្រសឿន

ចែករំលែកអត្ថបទ

ពាក្យគន្លឹះ