ត្រាវិញ ជាខេត្តមួយក្នុងចំណោមខេត្តដែលមានជនរួមជាតិខ្មែរ រស់នៅកុះករបំផុតក្នុងទូទាំងប្រទេស។ អាស្រ័យ​ហេតុ​នេះ ការងារជនជាតិ តែងបានគណៈកម្មាធិការបក្សខេត្ត គណៈកម្មាធិការ ប្រជាជនខេត្តយកចិត្តទុកដាក់ជា​ចម្បង។ ការយកចិត្តទុកដាក់នោះ ក៏បាននាំមកនូវប្រសិទ្ធភាពគួរឲ្យគាប់ចិត្ត។ល។

 ផ្នែកភាសាវប្បធម៌ សិល្បៈខ្មែរណាមបូរបស់សាលា មហាវិទ្យាល័យត្រាវិញ ទើបបានសម្ពោធ។ 

​យោងតាមរបាយការណ៍របស់គណៈជនជាតិខេត្តត្រាវិញ ឆ្នាំ២០១៣ រាល់គោលនយោបាយរបស់បក្ស រដ្ឋ សម្រាប់​បង​ប្អូន​ជនជាតិ តែងបានថ្នាក់ដឹកនាំគ្រប់លំដាប់ថ្នាក់អនុវត្តបានល្អ។ តួយ៉ាងដូចកម្មវិធី១៣៥ ប្រភព​ទុនជំនួយ​សរុប​ជាង២២ពាន់លានដុង កសាងសំណង់ចំនួន៣២ជួស ជុលនិងអភិរក្សសំណង់ចំនួន២០ សម្រេច១០០%នៃផែនការ។ អង្គភាព ភូមិភាគទាំងឡាយក៏បានអនុវត្តសេចក្ដីសម្រេច​៧៤/TTg​របស់នាយករដ្ឋ មន្រ្តីនៃរដ្ឋាភិបាលស្ដីពី​គោល​នយោ​បាយ​ជំនួយមួយចំនួន ក្នុងការដោះ ស្រាយបញ្ហាដីសង់លំនៅឋានដី ផលិតកម្មនិងដោះស្រាយការងារធ្វើជូន ជនជាតិភាគតិចក្រីក្រដែលមានជីវភាពជួបការលំបាក នៅតំបន់វាលរាបទន្លេគឺវឡុង ដំណាក់កាល​២០០៨​-​២០១០ ដោយថវិកាអនុវត្តសរុប​១២២​ពាន់លានដុង។ បន្ទាប់ពីការអនុវត្តន៍សេចក្ដីសម្រេច​២៩/TTg​ បណ្ដាឃុំ សង្កាត់ ទីប្រ​ជុំ​ជន ក៏បានជំនួយជាង​១២.០០០​គ្រួសារ និងពលករពលការិនីជាង​៦០០​នាក់ដោយចំណាយថវិកាជិត​១៦៩​ពាន់​លានដុង។ ក្នុងនោះថវិកាមជ្ឈិម ជំនួយជាង៦៧ពាន់លានដុងថវិកាភូមិភាគជាង៦ពាន់លានដុង  ឲ្យបុលទុន​អនុ​គ្រោះ​ជាង៩៥ពាន់លានដុង។ ឆ្លងតាមរយៈនោះ បានជួយដល់គ្រួសារដែលមានតម្រូវការខាងដីសង់​លំនៅឋាន​២.១៥៧ គ្រួសារគ្រួសារដែលមានតម្រូវការខាងដីផលិតកម្ម៧៣២គ្រួសារ គ្រួសារដែលមានតម្រូវការដោះ​ស្រាយ​ការ​ងារធ្វើ៩.១៦១គ្រួសារ ពលករពលការិនីមានតម្រូវការបណ្ដុះបណ្ដាលរបរ៦០២នាក់  ពលករ ពលការិនីមាន តម្រូវ​ការទៅពលកម្ម នៅប្រទេសក្រៅ៣នាក់ ។

ឆ្នាំ២០១៣ អនុវត្តសេចក្ដីសម្រេច​១០២​/២០០៩​/QĐ-TTg​ ជំនួយស្រូវពូជបាន​៥៧,៣០​តោន អំបិល​៨៦,៥៧​តោន​និង​ជំ​នួយប្រាក់ជាង​១១​ពាន់លានដុង ចំពោះគ្រួសារក្រីក្រចំនួន៣៦.៣៤៦គ្រួសារ។ ព្រមជាមួយនោះ នៅទាំងបាន​សហការជាមួយនឹងមជ្ឈមណ្ឌលទឹកស្អាតអនាម័យបរិស្ថាន ចំណុះមន្ទីរកសិកម្ម និងអភិវឌ្ឍជនបទផ្សព្វ​ផ្សាយ​សេច​ក្ដី​សម្រេច​៧៥៥​/TTg ដល់គណៈកម្មាធិការប្រជាជនឃុំ សង្កាត់ ទីប្រជុំជននានាដែលមាន មុខសញ្ញា​ទទួល​ផល។ ផ្ដើមពីនោះ ដាក់នាឡិកាទឹក៧.២១០គ្រឿងនិងសំណង់ផ្គត់ផ្គង់ទឹក ប្រមូលផ្ដុំចំនួន៧៣សំណង់ ដោយ​ថវិកា​អនុ​វត្តជាង​១១០​ពាន់លានដុង។ ទន្ទឹមនឹងនោះ គណៈជនជាតិបានរួមជាមួយនឹងធ នាគារគោលនយោយសង្គមសា​ខាខេត្តត្រាវិញ ចាត់ចែងផ្សព្វផ្សាយពិនិត្យផ្ទៀងផ្ទាត់ជ្រើសមុខសញ្ញាទទួលផលតាមសេចក្ដីសម្រេច​៥៤/TTg របស់​នាយករដ្ឋមន្រ្តីនៃរដ្ឋាភិបាល។ល។ អាស្រ័យដោយការវិនិយោគទុន​ព្រមៗគ្នារបស់រដ្ឋាភិបាល ម៉្លោះហើយមានគ្រួ​សារ​ក្រីក្រជាច្រើនដែលទ ទួលផលពីកម្មវិធីគម្រោងការនានា បានចាកផុតពីភាពក្រីក្រដោយចីរភាព។ បងស្រី គឹម​ធី​លិន នៅឃុំហាមយ៉ាង ស្រុកថ្កូវ ខេត្តត្រាវិញ ឲ្យដឹងៈ "អាស្រ័យរដ្ឋជំនួយដើមទុន ទើបគ្រួសារនាងខ្ញុំចាកផុតពីភាព​ក្រី​ក្រនិងសង់បានផ្ទះឥដ្ឋសមរម្យ។ ចំណែកកូននាងខ្ញុំ បានចូលរៀននៅសាលាវិទ្យាល័យជនជាតិអន្តេវាសិកហេតុ​នេះមិនបាច់បង់ប្រាក់សាលា" ។

ចាប់ពីការវិនិយោគទុនកសាងហេដ្ឋារចនាសម្ព័ន្ធមូលដ្ឋាន រហូតដល់ការអនុវត្តន៍គោលនយោបាយ សុខុ​មាល​ភាព​សង្គម មានផ្លូវថ្នល់តូចធំ រាប់រយខ្សែបានកសាងសម្រេចជាសារវន្តជួយឲ្យមាមីងធ្វើដំណើរទៅមក  បានងាយស្រួល កាត់បន្ថយគម្លាតរវាងជនបទនិងទីក្រុង។

លោកស្រីសុើងធីអាញ់ហុង អនុប្រធានគណៈកម្មាធិការប្រជាជនខេត្តត្រាវិញ ឲ្យដឹង មិនត្រឹមតែយកចិត្តទុកដាក់​ចំ​​ពោះជីវភាពសេដ្ឋកិច្ចប៉ុណ្ណោះទេ ជីវភាពស្មារតីរបស់មាមីងជនជាតិខ្មែរនៅលើភូមិសាស្រ្តខេត្ត ក៏បានយកចិត្តទុក​ដាក់​ផង​ដែរ។ វប្បធម៌ប្រពៃណីនិង​ពិធីបុណ្យផ្សេងៗរបស់ជនរួមជាតិខ្មែរ ត្រូវបានអភិរក្ស​និង​ពង្រីក​ដោយ​ឥត​ឈប់​ឈរ  ទំនៀមទម្លាប់ អត្តសញ្ញាណវប្បធម៌ជនជាតិបានលើកស្ទួយជានិច្ច។ បច្ចុប្បន្ន ខេត្តត្រា វិញមានមូលដ្ឋាន​សក្ការ​បូជាសម្រេចបទដ្ឋានវប្បធម៌ថ្នាក់ជាតិចំនួន៥   មូលដ្ឋានសក្ការបូជា សម្រេចបទដ្ឋានវប្បធម៌ថ្នាក់ខេត្តចំនួន​៧​និង​មូល​ដ្ឋាន​សក្ការបូជាសម្រេច​បទដ្ឋានអារ្យធម៌ប៉ែកខាងព្រះពុទ្ធសាសនា ចំនួន​៩៣​។ ព្រមជាមួយនោះ ក្រុមសិល្បៈ​រស្មី​ប្រ​ទីបតែងបានបក្ស រដ្ឋ​យកចិត្តទុកដាក់បណ្ដុះបណ្ដាលសិល្បករ សិល្បការិនី វិនិយោគទុនកសាងមូលដ្ឋាន​សម្ភារៈ មធ្យោបាយនិងបំពាក់គ្រឿងឧបករណ៍។  រឿងល្ខោន របាំ ក៏ត្រូវបានយកចិត្តទុកដាក់តម្លើងតាក់តែង ដើម្បី​ឆ្លើយតបតាមតម្រូវការទ ទួលផលខាងវប្បធម៌ស្មារតីរបស់ជនរួមជាតិ រួមចំណែកអភិរក្សនិងធ្វើឲ្យប្រសើរ​ឡើង​នូវ​អត្ត​សញ្ញាណវប្បធម៌ជនជាតិ។ សារមន្ទីរវប្បធម៌ខ្មែរ បានការពាររក្សានិងដាក់តាំងពិព័រណ៍នូវវត្ថុតាំង​ជាង​១.០០០​មុខ ដែលជាវត្ថុ​មានតម្លៃខាងវប្បធម៌ ប្រពៃណីរបស់ជនជាតិខ្មែរ។

អនុវត្តយុទ្ធសាស្រ្តការងារជនជាតិរហូតដល់ឆ្នាំ២០២០របស់បក្ស រដ្ឋ រយៈកាលកន្លង  ខេត្តត្រាវិញបានយកចិត្តទុក​ដាក់​យ៉ាង​ពិសេសដល់ការ បណ្ដុះបណ្ដាលប្រភពធនធានមនុស្សគុណភាពខ្ពស់ជាជនជាតិខ្មែរ។ មកទល់បច្ចុប្បន្ន ខេត្តត្រាវិញមានបុគ្គលិកសុខាភិបាលជាជនជាតិខ្មែរចំនួន​៧៥៦​នាក់ ក្នុងនោះវេជ្ជបណ្ឌិតឯកទេសកម្រិត​១​និង​កម្រិត​២​ចំនួន​១៥​នាក់ វេជ្ជបណ្ឌិត១១៦នាក់  គ្រូពេទ្យ​២០៧នាក់ គិលានុបដ្ឋាក២៤៤នាក់ និងឱសថការី គ្រូពេទ្យសម្ភព បច្ចេកទេស កម្មាភិបាល អ្នករដ្ឋការដទៃ ទៀតចំនួន១៧៤នាក់។ កងជូរគ្រូបង្រៀនក៏បានលើកកម្ពស់ខាងកម្រិត វិជ្ជា​ជីវៈ​ដោយឥតឈប់ឈរ ខេត្តត្រាវិញមានគ្រូបង្រៀនជាជនជាតិខ្មែរ​២.៩៨៦​នាក់ សម្រេចអត្រា២០,១៧% ប្រៀប​នឹង​ចំនួនគ្រូបង្រៀនទូទាំងខេត្ត៕

ហាថាញ់-ពេជ្រសឿន