សន្តិសុខ - ការពារប្រទេស ការពារប្រទេស

03/06/2014 - 16:52

អនុសេនាធំកងទ័ពថ្មើរជើង៧ធ្វើតាមគំរូអ៊ំ

អនុសេនីយ៍ឯក ឡេវាំុងសាង លេខាគណៈកម្មាធិការបក្ស ស្នងការនយោបាយនៃកងវរសេនាតូច៥១១ឲ្យដឹងៈ ក្នុងដំណើរការផ្សព្វផ្សាយការ" រៀនសូត្រនិងធ្វើតាមគំរូសីលធម៌ហូជីមិញ" គណៈកម្មាធិការបក្សគ្រប់លំដាប់ថ្នាក់ នឹងមេបញ្ជាការកងអនុសេនាធំនៃកងថ្មើរជើង៧ តែងផ្តោត ការយកចិត្តទុកដាក់ហាត់ពត់ លត់ដំសីលធម៌ និងការរស់នៅរបស់កម្មាភិបាលបក្ខជន។

អនុសេនាធំកងទ័ពថេ្មីរជេីង៧ជូនអំណោយអ៊ំស្រីនាងខេ្វង។

ក្នុងការកសាងរបៀបរៀបរយ ទេសភាពបរិស្ថានវប្បធម៌ ឆ្នាំកន្លងកងអនុសេនាធំនៃកងថ្មើរជើង៧ បានប្រិតសំចៃពីថវិកាចំណាយជាប្រចាំ និងមូលនិធិបង្កបង្កើនផលចំនួនទឹកប្រាក់ជាង៧០លានដុងដើម្បីកសាងសួនច្បារ លម្អសម្រាប់អង្គភាព។ មកទល់ពេលនេះ ក្តារបិទប្រកាសផ្លាកសញ្ញា មានរបៀបរៀបរយនិងរៀបចំត្រូវតាមការកំណត់។ កាលពីមុន នៅទីនេះពោរពេញទៅដោយគំនរខ្សាច់ ក្រួស ឥឡូវក្លាយជាសួនច្បារ ដោយមានឈើលម្អគ្រប់ពណ៌ បង្កបានជាទេសភាពបរិស្ថានបៃតង-ជ្រះ-ស្អាត ហើយជាបន្ទាយមានរបៀបរៀបរយផង។ ម្យ៉ាងទៀតការងារ សម្ព័ន្ធយុវជននិងចលនាយុវជន ទន្ទឹមនឹងការជំរុញយ៉ាងខ្លាំងក្លានូវរាល់សកម្មភាពវប្បធម៌-សិល្បៈកីឡា-អប់រំកាយ សាខាសម្ព័ន្ធយុវជន ថែមទាំងអនុវត្តមានប្រសិទ្ធភាពរាល់ការចលនា អាស្រ័យដោយអង្គការ សម្ព័ន្ធយុវជនថ្នាក់លើបំផុសចលនា។ ពិសេស គឺអង្គភាពបានទទួលថែទាំ អ៊ំស្រីនាងខ្វេង នៅភូមិបាដែង ឃុំអាងកឺ ជាគ្រួសារឋិតក្នុងក្របខ័ណ្ឌ គោលនយោបាយ មានជីវភាពលំបាកពិសេស។ រៀងរាល់ខែសាខាសម្ព័ន្ធយុវជន បានចំណាយអង្ករចំនួន២០គីឡូក្រាម ទៅសួរសុខទុក្ខ លោកអ៊ំស្រីជារឿយៗ។ សកម្មភាពនេះបានរួមចំណែកក្នុងការរឹតបន្តឹង នូវចំណងសាមគ្គីរវាងកងទ័ពនិងប្រជាជន នៅកន្លែងដែលអង្គភាពបោះទ័ព។

អនុសេនីយ៍ឯកបម្រុង ឌិញវាំុងហាយ លេខាសាខាបក្ស ស្នងការនយោបាយកងអនុសេនាធំនៃកងថ្មើរជើង៧ ឲ្យដឹងៈ "អនុវត្តតាមពាក្យបណ្តាំរបស់អ៊ំទូន្មានអំពីប្រជាចលនា គណៈបញ្ជាការកងអនុសេនាធំនៃកងថ្មើរជើង៧ បានរិះរកវិធីផ្លាស់ថ្មីរូបភាពផ្សព្វផ្សាយ និងចលនាមហាជនជានិច្ច។ យោងតាមលក្ខណៈពិសេសនៃភូមិសាស្រ្តបោះទ័ព គណៈបញ្ជាការកងអនុសេនាធំបានផ្តោតការយកចិត្តទុកដាក់ ពិសេសទៅលើការរឹតចំណងសាមគ្គីជាមួយនឹងសហគមន៍ និងមណ្ឌលតាំងទីលំនៅ ដែលមានជនរួមជាតិខ្មែររស់នៅកុះករ"។ កាលពីឆ្នាំ២០១៣ ឆ្លងតាមរយៈការស្នើ និងឧទ្ទេសនាមពីសំណាក់ព្រះចៅអធិការវត្ត គណៈបញ្ជាការកងអនុសេនាធំបានចំណាយថវិកាពីមូលនិធិ ដើម្បីទិញសិក្ខូបករណ៍ជូនសិស្សក្រីក្រ និងជំនួយគ្រួសារក្រីក្រទាំងឡាយនៅលើភូមិសាស្រ្តដែលអង្គភាពបោះទ័ពនូវអង្កររៀងរាល់ខែពី២០ដល់៣០គីឡូក្រាម និងទឹកប្រាក់ជាដើម។

ទន្ទឹមនឹងនោះ អង្គភាពថែមទាំងផ្សារភ្ជាប់ជាមួយនឹងខ្លឹមសារនៃចលនា ប្រឡងប្រណាំង សាមគ្គីកសាងជនបទថ្មីទៀតផង។ យោងតាមស្ថានភាពភូមិភាគដែលបានបោះទ័ព រួចម្ចាស់ការស្នើថ្នាក់លើឲ្យអនុវត្តបាន ល្អនូវការងារប្រជាចលនាមានដូចៈ ជួយប្រជាជនលើកទប់ថ្នល់គមនាគមន៍ជនបទនៅភូមិពោធិ និងភូមិជើងគោ ឃុំអាងកឺ ដោយមានប្រវែងចម្ងាយជិត១គីឡូម៉ែត្រ ចំណាយពេលពលកម្មចំនួន៧៨ថ្ងៃ ជួយចាក់បេតុង លុបទីធ្លាសាលាមតេយ្យសិក្សាទូយធើចំណុះឃុំអាងកឺ ទៅសួរសុខទុក្ខជូនអំណោយដល់គ្រួសារឋិតក្នុងក្របខ័ណ្ឌគោលនយោបាយ មានជីវភាពក្រលំបាក និងធ្វើអនាម័យបូជនីយដ្ឋានយុទ្ធជនពលីនៅស្រុកទិញបៀង ក្នុងឱកាសទិវាយុទ្ធជនពិការ-យុទ្ធជនពលី (ថ្ងៃទី២៧ ខែកក្កដា)។ មិនតែប៉ុណ្ណោះ អង្គភាពនៅទាំងធ្វើសេនាធិការជូនសម្ព័ន្ធយុវជន មូលដ្ឋានស្នើថ្នាក់លើជំនួយគោ២ក្បាល ជូនកម្មាភិបាលសម្ព័ន្ធយុវជន ដែលមានជីវភាពក្រលំបាក គិតជាតម្លៃទឹកប្រាក់១៥លានដុង ជំនួយសមាជិកសម្ព័ន្ធយុវជន មានជីវភាពលំបាកពិសេសនិងឧបត្ថម្ភមូលនិធិ តបស្នងសងគុណ គិតជាតម្លៃទឹកប្រាក់ជាង៤លានដុង។

អនុវត្តទៅតាមពាក្យបណ្តាំរបស់អ៊ំ កម្មាភិបាល យុទ្ធជនកងអនុសេនាធំនៃកងថ្មើរជើង៧ បានអនុវត្តការប្រិតសំចៃទាំងអគ្គិសនី ទាំងទឹក ទាំងការចាយវាយបម្រើជីវភាពប្រចាំថ្ងៃ។ ព្រមជាមួយនោះ អង្គភាពក៏បានប្រើប្រាស់អស់ពីលទ្ធភាពនូវចំណែកដីនៅជុំវិញបន្ទាយ ដើម្បីបង្កបង្កើនផល លទ្ធផលប្រមូលផលបានបន្លែផ្លែនិងមើមជិត២.០០០គីឡូក្រាម និងសាច់សត្វគ្រប់ប្រភេទបានជាង៦០០គ.ក សម្រាប់ធ្វើម្ហូបអាហារក្នុងអង្គភាព បើគិតជាតម្លៃទឹកប្រាក់ជាង៣៣លានដុង។ ក្រៅពីនេះ អង្គភាពថែមទាំងអនុវត្តបានល្អនូវការគ្រប់គ្រង់ហិរញ្ញវត្ថុ ស្របតាមការកំណត់ និងប្រិតសំចៃក្នុងរាល់ការចាយវាយ។ "ឆ្នាំ២០១៣ កងអនុសេនាធំនៃកងថ្មើរជើង៧ ត្រូវបានថ្នាក់លើស្ងើចសរសើរជាអង្គភាពប្តេជ្ញាឈ្នះ២ឆ្នាំ បន្តបន្ទាប់ ហើយសាខាបក្សនៃកងអនុសេនាធំត្រូវបានទទួលស្គាល់ជាកងសេនាធំស្អាតស្អំ រឹងមាំ គំរូ។ គណៈកម្មាធិការប្រជាជនស្រុកទិញបៀង ខេត្តអាងយ៉ាង បានជូនលិខិតសរសើរជាអង្គភាព បានសម្រេចភារកិច្ចល្អក្នុងការចូលរួមសមយុទ្ធតំបន់ការពារស្រុក"៕

ង៉ុកហ្វិញ (AGO) ប្រែសម្រួលៈ លីសៀ

ចែករំលែកអត្ថបទ

ពាក្យគន្លឹះ