ក្នុងប៉ុន្មានថ្ងៃថ្មីៗនេះ នៅតាមឃុំ សង្កាត់នានានៅទីក្រុងកឹងធើ បានចាត់តាំងព្រមៗគ្នានូវសកម្មភាពរំលឹកនឹកគុណយ៉ាងកក់ក្តៅ និងមានន័យជាច្រើន ឆ្ពោះទៅកាន់គ្រួសារគោលនយោបាយ និងអ្នកដែលមានសគុណចំពោះបដិវត្តន៍។ ផ្តើមតាំងពីពេលបាយរំលឹកនឹកគុណ ការជួសជុល និងកសាងផ្ទះ រហូតដល់ការពិនិត្យជំងឺ និងជូនអំណោយដល់គ្រួសារគោលនយោបាយ និងអ្នកមានគុណចំពោះបដិវត្តន៍... បានរួមចំណែកលម្អបន្ថែមនូវប្រពៃណី "ផឹកទឹកនឹក ប្រភព" និងប្រែក្លាយការដឹងគុណទៅជាកម្លាំងមហាសាមគ្គី និងជាការទទួលខុសត្រូវជាប្រចាំ បានរីកសាយភាយយ៉ាងខ្លាំងក្លាក្នុងសង្គមទាំងមូល។
គិតគូរបានល្អជីវភាពសម្ភារៈនិងស្មារតី
ពាក់កណ្តាលខែកក្កដា កម្មាភិបាល និងមាមីងជាច្រើន បានមកចូលរួមអបអរជាមួយគ្រួសារអ្នកមីង ង្វៀង ធីធូ នៅភូមិហ្វាឡើយ ឃុំអាងឡាកថូង នៅពេលដែលផ្ទះមហាសាមគ្គីរបស់គ្រួសារ បានបើកការដ្ឋានសាងសង់ជាផ្លូវការ។ ប្តីរបស់អ្នកមីងធូ គឺលោក ដងវ៉ាំងបៃ ធ្លាប់បានចូលរួមក្នុងសង្គ្រាមតស៊ូ ហើយបានទទួលមរណភាព។ កូនស្រីពៅរបស់គាត់រងផលប៉ះពាល់ដោយជាតិពុលគីមីឌីអូស៊ីន មានសុខភាពខ្សោយ ត្រូវការសាច់ញាតិមើលថែ។ ថ្វីដ្បិតតែមានអាយុច្រើនក៏ដោយ ប៉ុន្តែអ្នកមីងធូនៅតែទៅធ្វើការឈ្នួលដើម្បីផ្គត់ផ្គង់ជីវភាព។ ផ្ទះចាស់ទ្រុឌទ្រោម គ្រួសារគ្មានលទ្ធភាពជួសជុល។ អ្នកមីងធូបានរៀបរាប់ដោយរំភើប៖ “ពេលឮដំណឹងថាទទួលបានការឧបត្ថម្ភសាងសង់ផ្ទះ ខ្ញុំអររហូតស្រក់ទឹកភ្នែក គេងមិនលក់ជាច្រើនយប់។ មានផ្ទះរឹងមាំ ម្តាយនិងកូនខ្ញុំមានអារម្មណ៍ធូរស្រាលក្នុងជីវភាព” ។
អ្នកតំណាងទាំងឡាយធ្វើពិធីបើកការដ្ឋានសាងសង់ផ្ទះមហាសាមគ្គីជូនកូនបង្កើតរបស់អ្នកចូលរួមសកម្មភាពតស៊ូ ដែលរងផលបះពាល់ដោយជាតិពុលគីមី នៅឃុំអាងឡាកថូង។
ស្របឱកាសរំលឹកខួបអនុស្សាវរីយ៍ ៧៩ ឆ្នាំទិវាយុទ្ធជនពិការ - ពលី ឃុំអាងឡាកថូង មានគ្រួសារចំនួន ៤ ជាកូនបង្កើតរបស់អ្នកសកម្មភាពតស៊ូដែលរងផលបះពាល់ដោយជាតិពុលគីមី បានឧបត្ថម្ភសាងសង់និងជួសជុលផ្ទះ (សាងសង់ថ្មី២ខ្នង និងជួសជុល២ខ្នង) ដោយថវិកាសរុប ២១០ លានដុងពីមូលនិធិ "ដើម្បីអ្នកក្រីក្រ" របស់ទីក្រុង។ សមាគមអ្នករងគ្រោះដោយជាតិពុលគីមីឌីអូស៊ីន ទីក្រុងកឹងធើ បានឧបត្ថម្ភបន្ថែម ៥ លានដុង សម្រាប់គ្រួសារសាងសង់ថ្មី និង ២ លានដុង សម្រាប់គ្រួសារជួសជុលផ្ទះ។ តាមលោក ផាង ឡុងឌឹក ប្រធានគណៈកម្មាធិការប្រជាជនឃុំអាងឡាកថូង ភូមិភាគបានពិនិត្យយ៉ាងល្អិតល្អន់លើករណីនីមួយៗ ដើម្បីធានាឱ្យចំគោលដៅ ព្រមទាំងកៀរគរធនធានបន្ថែម និងកម្លាំងពលកម្ម ដើម្បីឱ្យផ្ទះនីមួយៗបានឆាប់សម្រេចរួចរាល់ និងរៀបចំបានស្អាតបាតជាង។
ឆ្នាំ ២០២៦ ទីក្រុងកឹងធើ បានអនុម័តឧបត្ថម្ភសាងសង់ថ្មី និងជួសជុលផ្ទះចំនូន ១៤០ ខ្នង សម្រាប់កូនបង្កើតរបស់អ្នកសកម្មភាពតស៊ូដែលរងផលបះពាល់ដោយជាតិពុលគីមី ដែលកំពុងជួបការលំបាកអំពីលំនៅឋាន។ ផ្ទះនីមួយៗដែលបានសាងសង់រួច មិនត្រឹមតែជួយឱ្យគ្រួសារមានកន្លែងស្នាក់នៅសុវត្ថិភាពប៉ុណ្ណោះទេ ប៉ុន្តែថែមទាំងបង្ហាញពីការចែករំលែកចំពោះអ្នកដែលកំពុងរងគ្រោះដោយផលវិបាកនៃសង្គ្រាមទៀតផង ។
ខែកក្កដាមកដល់ ផ្ទះរបស់អ្នកម្តាយវៀតណាមវីរភាព ង្វៀន ធីអ៊ុកចក នៅភូមិទ្រឿងហ្វា ឃុំទ្រឿងឡុង កាន់តែមានភាពកក់ក្តៅជាមួយនឹងកម្មវិធី "ពេលបាយជាមួយអ្នកម្តាយ - មនោសញ្ចេតនាខែកក្កដា" អាស្រ័យដោយសមាគមនារី នគរបាលទីក្រុងកឹងធើ សហការជាមួយសាខាសម្ព័ន្ធយុវជន សមាគមនារីមូលដ្ឋាននៃការិយាល័យសន្តិសុខបណ្តាញ និងបង្ការប្រឆាំងឧក្រិដ្ឋកម្មបច្ចេកវិជ្ជាខ្ពស់ ការិយាល័យបច្ចេកទេសព្រហ្មទណ្ឌសហការជាមួយសមាគមសហព័ន្ធនារីនិងសាខាសម្ព័ន្ធយុវជនឃុំទ្រឿងឡុងចាត់តាំង។ នៅជុំវិញស្ពកបាយដ៏សាមញ្ញ បានស្តាប់សាច់រឿងដ៏ស្មោះស្ម័គ្ររបស់អ្នកម្តាយវៀតណាមវីរភាព ង្វៀង ធីអ៊ុកចក រៀបរាប់អំពីកូនប្រុសដែលបានពលីជីវិតដើម្បីមាតុភូមិ បានធ្វើឱ្យអ្នកដែលមានវត្តមាននៅទីនោះកាន់តែយល់ជម្រៅពីតម្លៃនៃសន្តិភាព និងឯករាជ្យ។ អ្នកម្តាយវៀតណាមវីរភាព ង្វៀន ធីអ៊ុកចក និយាយដោយរំភើប៖ “បានកម្មាភិបាល សមាជិក និងមាមីងមកសួរសុខទុក្ខ រៀបចំស្ពកបាយនិងអុជធូបរំលឹកដល់កូនប្រុសខ្ញុំ ខ្ញុំមានអារម្មណ៍កក់ក្តៅណាស់”។
.png "អត្ថបទបញ្ចប់៖ ដិតដាមដោយមនោសញ្ចេតនា")
ពេលបាយកក់ក្តៅជាមួយអ្នកម្តាយវៀតណាមវីរភាព ង្វៀន ធីអ៊ុកចក នៅភូមិទ្រឿងហ្វា ឃុំទ្រឿងឡុង។
"ពេលបាយរំលឹកនឹកគុណ" ដែលកម្មាភិបាល សម្ព័ន្ធយុវជន និងសមាជិកនៃសង្កាត់អាងប៊ិញ បានរៀបចំនៅផ្ទះរបស់លោក ង្វៀង ថាញហា - កូនប្រុសរបស់យុទ្ធជនពលី ង្វៀង វ៉ាំងម៉ាវ និងអ្នកមីង ត្រឹង ធីតាម អ្នកមានសគុណចំពោះបដិវត្តន៍ នៅមណ្ឌលមីឡុង បានប្រព្រឹត្តទៅក្នុងបរិយាកាសយ៉ាងកក់ក្តៅ ពោរពេញដោយមនោសញ្ចេតនា។ ជាមួយនឹងការរៀបចំយ៉ាងប្រុងប្រយ័ត្នរបស់យុវជន និងសាច់ញាតិក្នុងគ្រួសារ ស្ពកបាយបានលើកឡើងដាក់លើអាសនៈរបស់យុទ្ធជនពលី ង្វៀន វ៉ាំងម៉ាវ ដែលបានពលីនៅឆ្នាំ ១៩៦៩ ក្នុងសង្គ្រាមតស៊ូប្រឆាំងអាមេរិក។ អុជធូបរំលឹកគុណ រឿងរ៉ាវរបស់លោក ថាញហា អំពីឪពុកដែលបានពលីនិងម្តាយដែលធ្លាប់លាក់បំពួន ការពារកម្មាភិបាល និងយុទ្ធជនបដិវត្តន៍ បានជួយឱ្យជំនាន់ថ្ងៃនេះយល់កាន់តែច្បាស់អំពីការលះបង់ និងការរួមចំណែករបស់គ្រួសារ។
កម្មាភិបាល និងសមាជិកនៃសង្កាត់អាងប៊ិញ រួមជាមួយគ្រួសារលោកង្វៀង ថាញហា (អ្នកទីពីររាប់ពីស្ដាំ) ជួយសំអាតផ្ទះសម្បែង និងរៀបចំ "ពេលបាយរំលឹកនឹកគុណ"។
នៅឃុំធើយអាងហូយ ថ្នាក់ដឹកនាំនៃគណៈកម្មាធិការរណសិរ្សមាតុភូមិវៀតណាមឃុំ រួមជាមួយកម្មាភិបាល និងសមាជិកានៃសមាគមនារីឃុំ បានចុះទៅសួរសុខទុក្ខ និងជូនអំណោយដល់អ្នកម្តាយវៀតណាមវីរភាព ត្រឹង ធីអ៊ុក អាយុ ៩០ ឆ្នាំ នៅភូមិសមដុង ២ ។ អ្នកម្តាយវៀតណាមវីរភាព ត្រឹង ធីអ៊ុក មានប្តីជាយុទ្ធជនពលី ដាំង វ៉ាំងភឿក និងកូនប្រុសជាយុទ្ធជនពលី ដាំង វ៉ាំងតាយ សុទ្ធតែបានពលីក្នុងសង្គ្រាមតស៊ូប្រឆាំងអាមេរិកសង្គ្រោះជាតិ។ ក្នុងអំឡុងសង្គ្រាម គ្រួសាររបស់អ្នកម្តាយវៀតណាមវីរភាព ត្រឹង ធីអ៊ុក ធ្លាប់ជាមូលដ្ឋានចិញ្ចឹមបីបាច់និងការពារកម្មាភិបាល និងយុទ្ធជន។ ឥឡូវមានវ័យចាស់ជរា អ្នកម្តាយវៀតណាមវីរភាព ត្រឹង ធីអ៊ុក រស់នៅជាមួយកូនពៅ តែងទទួលបានការថែទាំ និងឧបត្ថម្ភពីគណៈកម្មាធិការបក្ស រដ្ឋអំណាច និងអង្គការមហាជននៅភូមិភាគ។ គណៈកម្មាធិការបក្ស និងគណៈកម្មាធិការប្រជាជនឃុំ បានចាត់តាំងអង្គភាពនានាឱ្យផ្លាស់វេនគ្នាមកសួរសុខទុក្ខ លើកទឹកចិត្ត និងជូនពរអ្នកម្តាយវៀតណាមវីរភាព ត្រឹង ធីអ៊ុក ឱ្យរស់នៅដោយសប្បាយរីករាយ និងមានសុខភាពល្អ។
ក្នុងឱកាសរំលឹកខួបអនុស្សាវរីយ៍ ៧៩ ឆ្នាំទិវាយុទ្ធជនពិការ - ពលី ទីបញ្ជាការយោធាទីក្រុង បានសហការជាមួយមន្ទីរមហាផ្ទៃ និងសហពន្ធសមាគមនារីទីក្រុង រៀបចំ "ស្ពកបាយជាមួយអ្នកម្តាយ" នៅគ្រួសារអ្នកម្តាយវៀតណាមវីរភាព ៦នាក់នៅលើភូមិឋានទីក្រុង។ មានភូមិភាគជាច្រើនបានចាត់តាំងការពិនិត្យជំងឺ និងជូនអំណោយដល់គ្រួសារគោលនយោបាយ និងអ្នកដែលសមានគុណចំពោះបដិវត្តន៍។ ក្នុងនោះ សង្កាត់ឡុងទ្វៀង បានសហការជាមួយកងពលតូចលេខ ២៩ នៃយោធភូមិភាគ ៩ និងមន្ទីរពេទ្យយោធា ១២០ ពិនិត្យជម្ងឺ ផ្តល់ថ្នាំដោយឥតគិតថ្លៃ និងជូនអំណោយដល់ប្រជាជនចំនួន ២០០ នាក់ ស្ថិតក្នុងក្របខ័ណ្ឌគ្រួសារគោលនយោបាយ គ្រួសារក្បែក្រ និងគ្រួសារដែលមានស្ថានភាពលំបាក។ នៅសង្កាត់ប៊ិញធី្វ បានចាត់តាំងគណៈប្រតិភូចុះទៅផ្ទះសួរសុខទុក្ខ ពិនិត្យសុខភាព ផ្តល់ប្រឹក្សា បង្កើតសំណុំឯកសារសុខភាពអេឡិចត្រូនិច និងជូនអំណោយដល់អ្នកមានសគុណចំពោះបដិវត្តន៍ចំនួន ៥០ នាក់។
អនុវត្តពេញលេញ និងទាន់ពេលបណ្តារបបអនុគ្រោះ
បច្ចុប្បន្ន ទីក្រុងកឹងធើមានអ្នកមានសគុណចំពោះបដិវត្តន៍ជិត ១១២.០០០ នាក់។ គិតដល់ខែកក្កដា ឆ្នាំ ២០២៦ មានប្រមាណ ១៧.០០០ នាក់ បានទទួលសំណងប្រាក់ឧបត្ថម្ភអនុគ្រោះជាប្រចាំ ដោយថវិកាជាង ៤៧ ពាន់លានដុង/ខែ។ បណ្តារបបឧបត្ថម្ភ ធានារាប់រងសុខាភិបាល ការថែទាំស្តារសុខភាពឡើងវិញ បានអនុវត្តយ៉ាងពេញលេញ និងត្រឹមត្រូវតាមបទបញ្ញត្តិ...
ក្នុងរយៈពេល ៦ ខែដើមឆ្នាំ ផ្នែកសមត្ថកិច្ចបានទទួល និងដោះស្រាយសំណុំរឿងជាង ២.៥០០ របស់អ្នកមានសគុណចំពោះបដិវត្តន៍ និងសាច់ញាតិយុទ្ធជនពលី; មាន ១០០% សំណុំរឿងបានដោះស្រាយមុនកាលកំណត់។ ឆ្នាំ ២០២៦ មានអ្នកមានសគុណជិត ៤.៥០០ នាក់ ដល់កំណត់ថែទាំសុខភាព ដោយថវិកាសរុបជាង ១៣ ពាន់លានដុង; ក្នុងនោះមានជិត ៩០០ នាក់ ទទួលការថែទាំប្រមូលផ្តុំ និងប្រមាណ ៣.៦០០ នាក់ ទទួលការថែទាំនៅតាមផ្ទះ។ តាមរយៈនោះ រួមចំណែកធានាសិទ្ធិប្រយោជន៍ ថែទាំសុខភាព និងលើកកម្ពស់ជីវភាពសម្ភារៈនិងស្មារតីរបស់អ្នកដែលមានសគុណ ។
ថ្នាក់ដឹកនាំក្រុងកឹងធើ និងសង្កាត់ធើយអាងដុង អញ្ជើញទៅសួរសុខទុក្ខ និងជូនពរលោកឧត្តមសេនីយ៍ត្រី ត្រឹងវ៉ាំងណៀង អតីតមេបញ្ជាការរងនៃយោធភូមិភាគ៩។
តាមលោក ង្វៀង មិញធឿង នាយករងមន្ទីរមហាផ្ទៃទីក្រុងកឹងធើ បានឱ្យដឹង៖ អនុស្សាវរីយ៍ ៧៩ ឆ្នាំទិវាយុទ្ធជនពិការ-ពលី គឺជាឱកាសមួយសម្រាប់ប្រព័ន្ធនយោបាយទីក្រុង បន្តបង្ហាញពីការទទួលខុសត្រូវ និងមនោសញ្ចេតនាចំពោះអ្នកដែលមានសគុណចំពោះបដិវត្តន៍។ សកម្មភាពនានាបានអនុវត្តព្រមៗគ្នា ផ្សារភ្ជាប់ជាមួយនឹងការផ្សព្វផ្សាយប្រពៃណី "ផឹកទឹកនឹកប្រភព", "តបស្នងសងគុណ"; អនុវត្តពេញលេញ និងទាន់ពេលបណ្តារបបអនុគ្រោះ គិតគូរជីវភាពសម្ភារៈ និងស្មារតីរបស់អ្នកមានសគុណ និងសាច់ញាតិរបស់អ្នកមានសគុណចំពោះបដិវត្តន៍។
ស្របក្នុងឱកាសនេះដែរ ទីក្រុងបានចាត់តាំងជូនអំណោយរបស់ប្រធានរដ្ឋ និងអំណោយតាមគោលនយោបាយរបស់ទីក្រុង ដល់អ្នកដែលមានសគុណ សាច់ញាតិរបស់អ្នកដែលមានសគុណចំពោះបដិវត្តន៍ និងមុខសញ្ញាគោលនយោបាយជាង ៨៦.៥០០ នាក់/លើក ដោយថវិកាសរុបជាង ៣៩ ពាន់លានដុង។ គណៈកម្មាធិការបក្សទីក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុង បានចាត់តាំងគណៈប្រតិភូចុះសួរសុខទុក្ខ និងជូនអំណោយដល់អ្នកម្តាយវៀតណាមវីរភាព, វីរជនកងកម្លាំងប្រដាប់អាវុធប្រជាជន, យុទ្ធជនពិការ, យុទ្ធជនជំងឺនិងអ្នកចូលរួមសកម្មភាពតស៊ូរងគ្រោះដោយជាតិពុលគីមី មានអត្រាខូចខាតរាងកាយចាប់ពី ៨១% ឡើងទៅ។ ទីក្រុងបន្តបំផុសចលនាមូលនិធិ "តបស្នងសងគុណ" កៀរគរប្រភពធនធានសង្គមដើម្បីគិតគូរដល់អ្នកដែលមានសគុណ។ ជាមួយគ្នានោះដែរ គ្រប់ផ្នែក និងភូមិភាគបានយកចិត្តទុកដាក់កែលម្អ ជួសជុល និងរៀបចំទីបញ្ចុះសពយុទ្ធជនពលី អាគារ ស្ដូប និងសំណង់ចារឹកសគុណផ្សេងៗ; ព្រមទាំងចាត់តាំងពិធីគោរពវិញ្ញាណក្ខន្ធ និងអុជទៀនរំលឹកនឹកគុណនៅតាមទីបញ្ចុះសពយុទ្ធជនពលី និងសំណង់ចារឹកសគុណនៅលើភូមិឋាន...
ការងារគិតគូរអ្នកមានសគុណចំពោះបដិវត្តន៍ មិនត្រឹមតែជាការទទួលខុសត្រូវប៉ុណ្ណោះទេ ប៉ុន្តែជាការដឹងគុណយ៉ាងជ្រាលជ្រៅចេញពីបេះដូងនៃយុវជនថ្ងៃនេះ ផ្ញើជូនជំនាន់បុព្វបុរសដែលបានលះបង់ និងបូជាដើម្បីជាតិមាតុភូមិ។ ជាមួយនឹងសកម្មភាពជាក់ស្តែងនេះ គណៈកម្មាធិការបក្ស រដ្ឋអំណាចនិងប្រជាជនទីក្រុងកឹងធើ បន្តលម្អបន្ថែមប្រពៃណី "ផឹកទឹកនឹកប្រភព" ដាស់ភ្ងោក និងរីករាលដាលយ៉ាងខ្លាំងក្លានូវស្មារតីតបស្នងងគុណក្នុងប្រជាជនគ្រប់ជាន់ថ្នាក់៕
ក្រុមអ្នកយកព័ណ៌មាននយោបាយ - វ៉ាន់តឹន
ពាក្យគន្លឹះ
នាយក៖ ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
