ព្រឹត្តិការណ៍ - នយោបាយ ព្រឹត្តិការណ៍

25/06/2026 - 22:57

ជំរុញការចងសម្ព័ន្ធ បើកឱកាសអាជីវកម្មដោយចីរភាព សម្រាប់តំបន់ភាគខាងកើតតីណាមបូនិងទូទាំងប្រទេស

(CTO) - នាថ្ងៃទី ២៥ ខែមិថុនា សម្ព័ន្ធសមាគមអាជីវការិនីវៀតណាម សហការជាមួយសម្ព័ន្ធសមាគមអាជីវការិនីក្រុងកឹងធើ ចាត់តាំងសិក្ខាសាលាជាមួយប្រធានបទ “ជំរុញការចងសម្ព័ន្ធតំបន់ - ពង្រីកការចងសម្ព័ន្អាជីវកម្ម តម្រង់ទិសអភិវឌ្ឍន៍ដោយចីរភាព សម្រាប់តំបន់ភាគខាងកើតតីណាមបូ និងទូទាំងប្រទេស”។

ទិដ្ឋភាពទាំងមូលនៃព្រឹត្តិការណ៍។

សកម្មភាពនេះ ស្ថិតក្នុងក្របខ័ណ្ឌនៃព្រឹត្តិការណ៍ “ចងសម្ព័ន្ធពាណិជ្ជកម្ម - សម្ព័ន្ធសមាគមអាជីវការិនីមូលជុំ - ផ្សព្វផ្សាយតម្លៃដោយចីរភាព”។ បើតាមអ្នកជំនាញការឱ្យដឹង៖ តំបន់ភាគខាងកើតតីណាមបូ គឺជាភូមិភាគយុទ្ធសាស្ត្រទាំងពីរដើរតួនាទីជាឃ្លាំងកសិផលនិងជលផលធំបំផុតក្នុងទូទាំងប្រទេស។ ដើម្បីបំប្លែងសក្តានុពលធម្មជាតិនេះឱ្យទៅជាតម្លៃសេដ្ឋកិច្ចលើសខ្ពស់ តំបន់ដាច់ខាតត្រូវតែដោះស្រាយនូវបញ្ហាគន្លឹះពីរគឺ៖ ជំរុញដំណើរការពាណិជ្ជកម្មពង្រីកទីផ្សារ និងធ្វើឱ្យប្រសើរបំផុតនូវហេដ្ឋារចនាសម្ព័ន្ធឡូជីស្ទីក។

អ្នកតំណាងទាំងឡាយនៅវគ្គទីមួយពិភាក្សាអំពីយន្តការឧបត្ថម្ភពីក្រសួងឧស្សាហពាណិជ្ជកម្ម ដើម្បីជួយដល់អាជីវកម្មដែលមាននារីជាម្ចាស់ ម្ចាស់ការក្តោបក្តាប់ទីផ្សារ។

អាជីវកម្មដាក់សំណួរដល់តំណាងនាយកដ្ឋានជំរុញដំណើរការពាណិជ្ជកម្ម។

សិក្ខាសាលា រួមមាន ២ វគ្គ៖ វគ្គទីមួយតំណាងនាយកដ្ឋានជំរុញដំណើរការពាណិជ្ជកម្មនៃក្រសួងឧស្សាហពាណិជ្ជកម្ម ចែករំលែកព័ត៌មានអំពីកម្មវិធីដំណើរការពាណិជ្ជកម្មជាតិ ដំណាក់កាល ២០២៦ - ២០២៧ និងយន្តការឧបត្ថម្ភពីក្រសួងឧស្សាហពាណិជ្ជកម្ម ដើម្បីជួយដល់អាជីវកម្មដែលមាននារីជាម្ចាស់ ម្ចាស់ការក្តោបក្តាប់ទីផ្សារក្នុងស្រុក និងមានភាពជឿជាក់ឈានទៅ “សមុទ្រធំ”។ វគ្គទីពីរ គឺផ្តោតទៅលើការបើកច្រក “សរសៃឈាម” ឡូជីស្ទីកតភ្ជាប់តំបន់ និងតម្រង់ខ្សែសង្វាក់ផ្គត់ផ្គង់កសិផលនិងផលសមុទ្រ ៣ កម្រិត - ២ ប្រព័ន្ធ...។ល។

សកម្មភាពចុះហត្ថលេខាលើកិច្ចសហប្រតិបត្តិការរវាងអង្គភាពនិងអាជីវកម្ម។

អាជីវកម្មនានាផ្សព្វផ្សាយនិងឧទ្ទេសនាមផលិតផលនៅនាព្រឹត្តិការណ៍។

នៅក្នុងក្របខ័ណ្ឌនៃសិក្ខាសាលា ក៏មានប្រព្រឹត្តឡើងនូវវគ្គចុះហត្ថលេខាលើកិច្ចសហប្រតិបត្តិការ និងការដោះដូរពាណិជ្ជកម្មរវាងអង្គការ និងអាជីវកម្មនានា ដែលបង្ហាញពីលទ្ធផលជំហានដំបូងនៃព្រឹត្តិការណ៍ “ចងសម្ព័ន្ធពាណិជ្ជកម្ម - សម្ព័ន្ធសមាគមអាជីវការិនីមូលជុំ - ផ្សព្វផ្សាយតម្លៃប្រកបដោយចីរភាព” ផងដែរ៕

មីថាញ - មេងលី

ចែករំលែកអត្ថបទ

ពាក្យគន្លឹះ