សន្តិសុខ - ការពារប្រទេស ការពារប្រទេស

12/06/2026 - 19:31

នគរបាលទីក្រុងកឹងធើ បាននាយករដ្ឋមន្ត្រីនៃរដ្ឋាភិបាលស្ងើចសរសើរអំពីស្នាដៃឆ្នើមក្នុងការបង្ក្រាបបទល្មើសគ្រឿងញៀនឆ្លងដែន

(អ.ឡ)យោងតាមនគរបាលទីក្រុងកឹងធើ ក្រសួងនគរបាលទើបចាត់តាំងពិធីប្រគល់លិខិតសរសើររបស់នាយករដ្ឋមន្ត្រីនៃរដ្ឋាភិបាល ជូនសមូហភាពដែលសម្រេចបានស្នាដៃឆ្នើមពិសេសក្នុងការប្រយុទ្ធប្រឆាំងករណីពិសេសបង្ក្រាបខ្សែរយៈជួញដូរនិងដឹកជញ្ជូនគ្រឿងញៀនខុសច្បាប់ ដែលធ្វើសកម្មភាពឆ្លងដែន អន្តរខេត្ត ដោយទ្រង់ទ្រាយធំ។ នគរបាលទីក្រុងកឹងធើ ជាអង្គភាពមួយក្នុងចំណោមអង្គភាពនានា មានកិត្តិយសបាននាយករដ្ឋមន្ត្រីនៃរដ្ឋាភិបាលស្ងើចសរសើរ ជូនរង្វាន់ ព្រោះសម្រេចបានស្នាដៃលេចធ្លោក្នុងដំណើរការបង្កើតក្រុមការងារ ប្រយុទ្ធប្រឆាំងនិងបើកទូលាយករណីពិសេស។

លោកវរសេនីយឯក ប៊ូយឌឹកអាង នាយករងនគរបាលទីក្រុងកឹងធើ(ទី២ រាប់ឆ្វេង)តំណាងនគរបាលទីក្រុងកឹងធើ បានអនុរដ្ឋមន្ត្រី ង្វៀងវ៉ាំងឡុង ជូនលិខិតសរសើររបស់នាយករដ្ឋមន្ត្រីនៃរដ្ឋាភិបាល ដល់សមូហភាព។ រូបថត៖ទំព័រព័ត៌មានអេឡិចត្រូនិកក្រសួងនគរបាល។

លិខិតសរសើររបស់នាយករដ្ឋមន្ត្រីនៃរដ្ឋាភិបាល បានកត់សម្គាល់នូវស្មារតីទទួលខុសត្រូវ បញ្ញាឆ្លាតវៃ ភាពក្លាហាននិងការប្តេជ្ញាចិត្តប្រយុទ្ធប្រឆាំងមិនលើកលែងចំពោះបទល្មើសគ្រឿងញៀនរបស់កងកម្លាំងចូលរួមបង្ក្រាបករណីពិសេស ព្រមទាំងស្ងើចសរសើរចំពោះកិច្ចសហការយ៉ាងជិតដិត មានប្រសិទ្ធភាពរវាងអង្គភាពនានាក្នុងការប្រយុទ្ធប្រឆាំង កម្ចាត់ខ្សែរយៈបទល្មើសគ្រឿងញៀនឆ្លងដែនសម្រេចជោគជ័យ។

អនុវត្តតាមកិច្ចចង្អុលការរបស់ថ្នាក់ដឹកនាំក្រសួងនគរបាល នគរបាលទីក្រុងកឹងធើបានម្ចាស់ការសហការជាមួយនាយកដ្ឋាននគរបាលស៊ើបអង្កេតបទល្មើសគ្រឿងញៀននិងនគរបាលភូមិភាគនានា ដើម្បីផ្សព្វផ្សាយព្រមៗគ្នានូវវិធានការជំនាញ ផ្តុំកម្លាំងប្រយុទ្ធប្រឆាំងនឹងខ្សែរយៈជួញដូរ ដឹកជញ្ជូនគ្រឿងញៀនឆ្លងដែនពីកម្ពុជាចូលវៀតណាម។

លេចធ្លោបំផុតគឺ ការប្រយុទ្ធប្រឆាំងជោគជ័យនូវករណីគ្រឿងញៀនទ្រង់ទ្រាយធំចំនួន៣ករណី បង្ក្រាបខ្សែរយៈស្តុកទុក ដឹកជញ្ជូនគ្រឿងញៀនឆ្លងដែនខុសច្បាប់ពីកម្ពុជាមកទីក្រុងកឹងធើនិងភូមិភាគនៅជិតខាង។ កងកម្លាំងបានចាត់តាំងចាប់ឃាត់ខ្លួន ឆែកឆេរមុខសញ្ញាជាមេខ្លោង២៥/២៥នាក់ក្នុងករណីពិសេស សម្រេចតាមផែនការដាក់ចេញ១០០%។

លទ្ធផលនៃការស៊ើបអង្កេតដំបូងនិងការប្រយុទ្ធប្រឆាំងករណីពិសេស បានចាប់ឃាត់ខ្លួនបណ្តោះអាសន្នមុខសញ្ញា៣៨នាក់ រឹបអូសគ្រឿងញៀនគ្រប់ប្រភេទចំនួន៣៨,២៨៥គីឡូក្រាម ក្នុងនោះ មាន១៨គីឡូក្រាម ដែលរឹបអូសបានក្នុងករណីចាប់ឃាត់ខ្លួនមុខសញ្ញា វ៉ូវយ្វីលិញ នៅថ្ងៃទី៨ ខែមីនា ឆ្នាំ២០២៦ មានកាំភ្លើងចំនួន៤ដើម គ្រាប់កាំភ្លើង២៦គ្រាប់ ប្រាក់សុទ្ធជាង៨០០លានដុង រថយន្ត៤គ្រឿង ព្រមទាំងទ្រព្យសម្បត្តិ វត្ថុតាងនិងឯកសារពាក់ព័ន្ធជាច្រើនទៀត។

ផ្តើមពីលទ្ធផលនៃការបង្ក្រាបដំបូង នគរបាលទីក្រុងបន្តពង្រីកការស៊ើបអង្កេត ធ្វើឱ្យច្បាស់លាស់ពីបទល្មើសរបស់មុខសញ្ញាជាប់ពាក់ព័ន្ធ។ មកទល់ពេលនេះ រកឃើញមុខសញ្ញា១១១នាក់ ធ្វើបណ្ដឹងពីបទឧក្រិដ្ឋចំនួន៧ ជាប់ពាក់ព័ន្ធនឹងគ្រឿងញៀនលើចុងចោទចំនួន៥៣នាក់ ចាត់វិធានការរដ្ឋបាលលើមុខសញ្ញា៤៦នាក់ បន្តកសាងសំណុំរឿងចំពោះករណីដែលនៅសេសសល់តាមបទប្បញ្ញត្តិ។

លទ្ធផលដែលសម្រេចបាន បានរួមចំណែកកម្ចាត់មេខ្លោងក្នុងខ្សែរយៈបទល្មើសគ្រឿងញៀនឆ្លងដែន ទប់ស្កាត់មានប្រសិទ្ធភាពប្រភពគ្រឿងញៀនពីក្រៅនាំចូលក្នុងប្រទេស។ល។

លោកទ្រឿងកាញ់ត្វៀង អនុលេខាគណៈកម្មាធិការបក្សទីក្រុង ប្រធានគណៈកម្មាធិការប្រជាជនទីក្រុងកឹងធើ ជូនប័ណ្ណសរសើររបស់គណៈកម្មាធិការប្រជាជនទីក្រុង ដល់សមូហភាពនិងបុគ្គល ដែលចូលរួមបង្ក្រាបបទល្មើស។

ដើម្បីកត់សម្គាល់នូវស្នាដៃឆ្នើមពិសេសរបស់កងកម្លាំងនគរបាលទីក្រុងក្នុងការប្រយុទ្ធប្រឆាំងបំបែកករណីគ្រឿងញៀនទ្រង់ទ្រាយធំ មុននោះ នៅថ្ងៃទី២៣ ខែមេសា ឆ្នាំ២០២៦ គណៈកម្មាធិការប្រជាជនទីក្រុងកឹងធើ បានចាត់តាំងពិធីជូនរង្វាន់ជាបន្ទាន់ដល់សមូហភាពនិងបុគ្គលដែលចូលរួមបង្ក្រាបបទល្មើស។

លោកទ្រឿងកាញ់ត្វៀង អនុលេខាគណៈកម្មាធិការបក្សទីក្រុង ប្រធានគណៈកម្មាធិការប្រជាជនទីក្រុងកឹងធើ ជូនរង្វាន់បន្ទាន់ដល់សមូហភាពចំនួន៤ ជូនប័ណ្ណសរសើរដល់សមូហភាពចំនួន៩ និងបុគ្គល២៥នាក់ ក្រសួងនគរបាលជូនរង្វាន់បន្ទាន់ដល់សមូហភាពចំនួន២និងនាយកដ្ឋាននគរបាលស៊ើបអង្កេតបទល្មើសគ្រឿងញៀន ជូនលិខិតសរសើរដល់បុគ្គល៥នាក់ ដែលសម្រេចបានស្នាដៃឆ្នើមក្នុងការប្រយុទ្ធប្រឆាំងនិងបង្ក្រាបជោគជ័យនូវករណីគ្រឿងញៀនទ្រង់ទ្រាយធំ។

លោកឧត្តមសេនីយត្រី ហ្វិញវៀតហ្វា នាយកនគរបាលទីក្រុងកឹងធើ ជូនប័ណ្ណសរសើររបស់គណៈកម្មាធិការប្រជាជនទីក្រុង ដល់សមូហភាពនិងបុគ្គលដែលបានចូលរួម
បង្ក្រាបបទល្មើស។

ប្រធានគណៈកម្មាធិការប្រជាជនទីក្រុងកឹងធើ វាយតម្លៃថា នេះគឺជាយុទ្ធជ័យដ៏ឆ្នើមពិសេស បង្ហាញពីប្រសិទ្ធភាពនៃការងារសហការរវាងកងកម្លាំងនានា កិច្ចចង្អុលការយ៉ាងប្តូរផ្តាច់របស់ថ្នាក់ដឹកនាំក្រសួងនគរបាលនិងស្មារតីម្ចាស់ការ ប្តេជាចិត្តវាយសម្រុក បង្ក្រាបបទល្មើសរបស់នគរបាលទីក្រុងកឹងធើ។ ស្នាដៃសម្រេចបាន រួមចំណែកយ៉ាងច្រើនក្នុងការទប់ស្កាត់ប្រភពផ្គត់ផ្គង់គ្រឿងញៀន និងការងារកសាងភូមិឋានឃុំ សង្កាត់គ្មានគ្រឿងញៀនលើភូមិឋានទីក្រុងតាមកិច្ចចង្អុលការរបស់គណៈកម្មាធិការបក្សទីក្រុង និងគណៈកម្មាធិការប្រជាជនទីក្រុង រួមចំណែករក្សារឹងមាំសន្តិសុខ នយោបាយ សណ្តាប់ធ្នាប់សុវត្ថិភាពសង្គម ការពារជីវភាពសុខសាន្ត សុភមង្គលរបស់ប្រជាជន៕

កេវជិន-មុនី

ចែករំលែកអត្ថបទ

ពាក្យគន្លឹះ