ព្រឹត្តិការណ៍ - នយោបាយ ព្រឹត្តិការណ៍

05/06/2026 - 21:57

ខិតខំរហូតដល់ថ្ងៃទី១៥ ខែមិថុនា នឹងបង្ហាញទម្រង់មជ្ឈមណ្ឌលផ្លាស់ថ្មីច្នៃប្រតិដ្ឋទីក្រុងកឹងធើ

(អ.ឡ) លេខាគណៈកម្មាធិការបក្សទីក្រុង លោកឡេក្វាងទុង សំណូមពរគណៈកម្មាធិការប្រជាជនទីក្រុង មន្ទីរវិទ្យាសាស្ត្រនិងបច្ចេកវិទ្យា ចាត់តាំងសិក្ខាសាលា អញ្ជើញក្រុមអ្នកជំនាញ អ្នកវិទ្យាសាស្ត្រ អាជីវកម្មនៅក្នុងនិងក្រៅទីក្រុង ដើម្បីឧទ្ទេសនាមនិងប្រមូលមតិយោយល់ធ្វើឱ្យសុក្រឹតទម្រង់ ខិតខំរហូតដល់ថ្ងៃទី១៥ ខែមិថុនា បង្ហាញទម្រង់មជ្ឈមណ្ឌលផ្លាស់ថ្មីច្នៃប្រតិដ្ឋ។

លោកទ្រឿងកាញ់ត្វៀង អនុលេខាគណៈកម្មាធិការបក្សទីក្រុង ប្រធានគណៈកម្មាធិការប្រជាជនទីក្រុងកឹងធើ ថ្លែងការណ៍ក្នុងកិច្ចប្រជុំ។

នៅថ្ងៃទី៥ ខែមិថុនា លោកឡេក្វាងទុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុងកឹងធើ ប្រធានគណៈប្រតិភូតំណាងរដ្ឋសភាទីក្រុងកឹងធើ ធ្វើការជាមួយគណៈកម្មាធិការប្រជាជនទីក្រុងអំពីទម្រង់មជ្ឈមណ្ឌលផ្លាស់ថ្មីច្នៃប្រតិដ្ឋទីក្រុងកឹងធើ។

នៅកិច្ចប្រជុំនេះ ថ្នាក់ដឹកនាំទីក្រុងនិងគ្រប់មន្ទីរ គណៈ ផ្នែក បានពិភាក្សាអំពីការបង្កើតក្រុមប្រឹក្សាសម្របសម្រួលប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋ ផ្តើមអាជីពច្នៃប្រតិដ្ឋ ដាក់ចេញសេចក្តីណែនាំលក្ខឋានទទួលស្គាល់មជ្ឈមណ្ឌលផ្លាស់ថ្មីច្នៃប្រតិដ្ឋ មជ្ឈមណ្ឌលឧបត្ថម្ភផ្តើមអាជីពច្នៃប្រតិដ្ឋលើភូមិឋានទីក្រុងកឹងធើ។

តាមរយៈនោះ ការបង្កើតក្រុមប្រឹក្សាសម្របសម្រួល ដោយមានការចូលរួមពីតួអង្គនានាក្នុងប្រព័ន្ធអេកូឡូស៊ី រួមមានស្ថានប័នគ្រប់គ្រង វិទ្យាស្ថាន សាកលវិទ្យាល័យនិងអាជីវកម្ម ដើម្បីធ្វើឱ្យជាក់ច្បាស់ទិសដៅ ភារកិច្ចអភិវឌ្ឍការផ្លាស់ថ្មីច្នៃប្រតិដ្ឋ ផ្តើមអាជីពច្នៃប្រតិដ្ឋរបស់ភូមិភាគ តភ្ជាប់បណ្តាញ ជំរុញវប្បធម៌ផ្លាស់ថ្មីច្នៃប្រតិដ្ឋ ផ្តើមអាជីពច្នៃប្រតិដ្ឋក្នុងទូទាំងសង្គម។

ក្រុមប្រឹក្សាសម្របសម្រួល នៅមានតួនាទីតម្រង់ទិស ពិគ្រោះគោលនយោបាយដល់សកម្មភាពផ្លាស់ថ្មីច្នៃប្រតិដ្ឋ ផ្តើមអាជីពច្នៃប្រតិដ្ឋ តភ្ជាប់រាល់ប្រភពកម្លាំងនៅក្នុងនិងក្រៅទីក្រុងកឹងធើ ជាជំហានៗ ក្លាយជាមូលដ្ឋានគ្រឹះដ៏រឹងមាំក្នុងការជួយឧបត្ថម្ភដល់សកម្មភាពផ្លាស់ថ្មីច្នៃប្រតិដ្ឋ បង្កើនទិន្នផល គុណភាពនិងសមត្ថភាពប្រកួតប្រជែងរបស់អាជីវកម្ម អភិវឌ្ឍផលិតផលមុខព្រួញរបស់ទីក្រុង រួមចំណែកលើកកម្ពស់សមាមាត្រនៃការរួមចំណែកដល់កត្តាទិន្នផលចម្រុះទៅក្នុង GRDP។

តំណាងមន្ទីរវិទ្យាសាស្ត្រនិងបច្ចេកវិទ្យាទីក្រុងកឹងធើ មានយោបល់នៅក្នុងកិច្ចប្រជុំ។

អំពីការចេញសេចក្តីណែនាំលក្ខឋានទទួលស្គាល់មជ្ឈមណ្ឌលផ្លាស់ថ្មីច្នៃប្រតិដ្ឋ មជ្ឈមណ្ឌលឧបត្ថម្ភផ្តើមអាជីពច្នៃប្រតិដ្ឋលើភូមិឋានទីក្រុងកឹងធើ ក្នុងគោលបំណងផ្សព្វផ្សាយព័ត៌មានឱ្យបានទូលំទូលាយ និងធ្វើឱ្យសុក្រឹតនូវជំហានអនុវត្ត សមាសភាពសំណុំឯកសារនិងលក្ខឋានកំណត់និងទទួលស្គាល់មជ្ឈមណ្ឌលផ្លាស់ថ្មីច្នៃប្រតិដ្ឋ មជ្ឈមណ្ឌលផ្លាស់ថ្មីច្នៃប្រតិដ្ឋថ្នាក់ខេត្ត ជួយអាជីវកម្មកំណត់ច្បាស់ផែនការ និងលក្ខណៈចាំបាច់នៅពេលអនុវត្តនិងកសាងសំណុំលិខិតលើកស្នើ។ ទន្ទឹមនឹងនោះ លើកទឹកចិត្ត ឧបត្ថម្ភអាជីវកម្មបង្កើតមជ្ឈមណ្ឌលផ្លាស់ថ្មីច្នៃប្រតិដ្ឋ ដើម្បីជំរុញការអភិវឌ្ឍប្រព័ន្ធអេកូឡូស៊ីផ្លាស់ថ្មីច្នៃប្រតិដ្ឋ ផ្តើមអាជីពច្នៃប្រតិដ្ឋរបស់ទីក្រុង។

លោកឡេក្វាងទុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុងកឹងធើ ថ្លែងចង្អុលការក្នុងកិច្ចប្រជុំ។

ថ្លែងចង្អុលការក្នុងកិច្ចប្រជុំ លោកឡេក្វាងទុង សំណូមពរគណៈកម្មាធិការប្រជាជនទីក្រុង មន្ទីរវិទ្យាសាស្ត្រនិងបច្ចេកវិទ្យា ចាត់តាំងសិក្ខាសាលា អញ្ជើញក្រុមអ្នកជំនាញ អ្នកវិទ្យាសាស្ត្រ អាជីវកម្មក្នុងនិងក្រៅទីក្រុង ដើម្បីឧទ្ទេសនាមនិងប្រមូលមតិយោយល់ធ្វើឱ្យសុក្រឹតទម្រង់មជ្ឈមណ្ឌលផ្លាស់ថ្មីច្នៃប្រតិដ្ឋទីក្រុងកឹងធើ។ ក្រៅពីនោះ គប្បីចាត់តាំងសកម្មភាពសហការនិងការចុះហត្ថលេខារវាងភាគីនានា ដើម្បីធានារួមដំណើរអភិវឌ្ឍទម្រង់ក្នុងពេលបច្ចុប្បន្ននិងទៅអនាគត។ ខិតខំរហូតដល់ថ្ងៃទី១៥ ខែមិថុនា ទម្រង់មជ្ឈមណ្ឌលផ្លាស់ថ្មីច្នៃប្រតិដ្ឋទីក្រុងកឹងធើ បានសម្រេចរួចរាល់និងដាក់ឱ្យដំណើរការជាផ្លូវការ៕

មីថាញ-មុនី

ចែករំលែកអត្ថបទ

ពាក្យគន្លឹះ