ព្រឹត្តិការណ៍ - នយោបាយ ព្រឹត្តិការណ៍

28/05/2026 - 20:53

កាម៉ាវ បើកការដ្ឋានសាងសង់វិមានរំលឹកវីរជនពលីនិងផ្តើម សាងសង់ផ្ទះចំនួន ១.០០០ ខ្នង ជូនគ្រួសារមានដែលស្ថានភាពលំបាកខាងលំនៅឋាន

នៅថ្ងៃទី ២៨ ខែឧសភា ខេត្តកាម៉ាវបានរៀបចំពិធីបើកការដ្ឋានសាងសង់វិមានរំលឹកវីរជនពលីនិងអ្នកមានស្នាដៃរបស់ខេត្ត; ផ្តើមសាងសង់ផ្ទះចំនួន ១.០០០ ខ្នង ជូនគ្រួសារក្រីក្រ គ្រួសារក្បែរក្រ និងគ្រួសារដែលមានស្ថានភាពលំបាកខាងលំនៅឋាន។

តំណាងថ្នាក់ដឹកនាំខេត្តកាម៉ាវ ចុចប៊ូតុងបើកការដ្ឋានសាងសង់វិមានរំលឹកវីរជនពលី និងអ្នកមានស្នាដៃរបស់ខេត្ត; សាងសង់លំនៅឋានជូនគ្រួសារដែលស្ថានភាពលំបាកខាងលំនៅឋាន។

ថ្លែងយោបល់ក្នុងពិធី លោកឡឺក្វាងង៉ើយ ប្រធានគណៈកម្មាធិការប្រជាជនខេត្តកាម៉ាវ ឱ្យដឹង៖ ខេត្តកាម៉ាវ គឺជាតំបន់ចុងប៉ូចខាងត្បូងនៃមាតុភូមិ និងជា “អាសយដ្ឋានក្រហម” ក្នុងប្រវត្តិសាស្ត្រតស៊ូបដិវត្តន៍។ ទីនេះបានឆ្លងកាត់សម័យសង្គ្រាមដ៏សាហាវជាច្រើនឆ្នាំ ដោយមានកូនចៅឆ្នើមជាច្រើនជំនាន់មកពីភូមិភាគនានានៃមាតុភូមិមកទីនេះប្រយុទ្ធ បំពេញការងារ ពលកម្ម លះបង់និងពលីជីវិតលើទឹកដីនេះ។ សន្តិភាព ការអភិវឌ្ឍរបស់ខេត្តកាម៉ាវនាពេលបច្ចុប្បន្ន គឺបានប្តូរដោយសាច់ឈាម ការលះបង់របស់វីរជនពលីនិងអ្នកមានស្នាដៃជាច្រើនជំនាន់។ ដើម្បីចារឹកទុកប្រពៃណីប្រវត្តិសាស្ត្រដ៏អង់អាចក្លាហានរបស់ជនជាតិនិងរំលឹកដល់បុព្វបុរស វីរជនពលីនិងអ្នកមានស្នាដៃ ខេត្តសម្រេចវិនិយោគសាងសង់វិមានរំលឹកវីរជនពលីនិងអ្នកមានស្នាដៃខេត្តកាម៉ាវ។

សំណង់បានសាងសង់លើផ្ទៃដី ២,៧ ហិកតា នៅតំបន់កោះអាងស្វៀង រួមមានសំណង់ជាច្រើនដូចជា៖ វិមានរំលឹក; ផ្ទាំងសិលាចារិកចារឈ្មោះបុគ្គលប្រមាណ ៤០.០០០ នាក់ អាគារប្រពៃណី អាគារទទួលភ្ញៀវ; ស្ដូបនិមិត្តសញ្ញា; ស្រះទេសភាព; សិលាចារិក បង្គោលទង់ សួនផ្កាដើមឈើបៃតង… ដោយមានទុនវិនិយោគសរុបប្រមាណ ៣៤២ ពាន់លានដុង។

ក្នុងពិធីនេះដែរ គណៈកម្មាធិការប្រជាជនខេត្តកាម៉ាវ បានបន្តចលនាប្រភពធនធាននានា ដើម្បីបើកការដ្ឋានសាងសង់ផ្ទះចំនួន ១.០០០ ខ្នង ជូនគ្រួសារក្រីក្រ គ្រួសារក្បែរក្រ និងគ្រួសារដែលមានស្ថានភាពលំបាកនៅលើភូមិឋានខេត្ត។ តាមរយៈនោះ រួមចំណែកកែលម្អលក្ខណៈ លើកកម្ពស់គុណភាពជីវភាពជូនប្រជាជន រួមចំណែកបន្ថយភាពក្រីក្រចីរភាព លំនឹងសង្គមនិងបង្កលក្ខណៈឱ្យប្រជាជនមានលំនៅឋានសុវត្ថិភាព ស្ងប់អារម្មណ៍ពលកម្មផលិតនិងអភិវឌ្ឍសេដ្ឋកិច្ច៕

យ៉ីអាញ់-ទីទុយ

ចែករំលែកអត្ថបទ

ពាក្យគន្លឹះ