សន្តិសុខ - ការពារប្រទេស ការពារប្រទេស

14/04/2026 - 21:28

ភាពកក់ក្តៅនៃមនោសញ្ចេតនាកងទ័ព-ប្រជាជនក្នុងឱកាសបុណ្យចូលឆ្នាំថ្មីប្រពៃណីខ្មែរ

រួមជាមួយនឹងក្តីរីករាយទទួលបុណ្យចូលឆ្នាំថ្មីប្រពៃណី មាមីងខ្មែរក្រីក្រដែលមានស្ថានភាពលំបាកខ្លាំង អ្នកទន់ខ្សោយ និងអ្នកមានវ័យចំណាស់គ្មានទីពឹងនៅលើភូមិឋានឃុំឡាយហ្វា និងសង្កាត់វិញភឿក នៅទាំងបានទទួលអំណោយរបស់កម្មាភិបាល យុទ្ធជននៃគណៈបញ្ជាការកងទ័ពការពារព្រំដែនទីក្រុងកឹងធើដោយទឹកចិត្តដ៏កក់ក្តៅ។

វរសេនីយ៍ឯក ផាមឡេស្វឹងប៊ិញ មេបញ្ជាការកងទ័ពការពារព្រំដែនទីក្រុងកឹងធើ និងអញ្ជើញមកសួរសុខទុក្ខ និងប្រគេនទេយ្យវត្ថុចំពោះព្រះឧបជ្ឈាយ៍ ថាច់ហូន ព្រះចៅអធិការវត្តព្រៃជាប់ ឃុំឡាយហ្វា។

ដើម្បីជួយមាមីងខ្មែរក្រីក្រនៅតំបន់ព្រំដែនសមុទ្រទទួលបុណ្យចូលឆ្នាំថ្មីដោយក្តីរីករាយ និងកក់ក្តៅ ប៉ុស្តិ៍ការពារព្រំដែនឡាយហ្វា កងទ័ពការពារព្រំដែនទីក្រុងកឹងធើ សហការជាមួយសមាគមសហព័ន្ធនារី សម្ព័ន្ធយុវជនឃុំឡាយហ្វា និងសង្កាត់វិញភឿក បានចាត់តាំងកម្មវិធី "ល្វែងទំនិញសូន្យដុង" លើកទី ១១ ជូនអំណោយចំនួន ៧០ ចំណែក រួមមាន៖ អង្ករ មីកញ្ចប់ និងគ្រឿងឧបភោគបរិភោគផ្សេងៗទៀតជូនគ្រួសារដែលមានស្ថានភាពលំបាក។

កម្មវិធី "ទំនិញសូន្យដុង" ជូនអំណោយដល់គ្រួសារក្រីក្រ ដែលមានស្ថានភាពលំបាក។

អំណោយទាំងនេះបង្ហាញពីការយកចិត្តទុកដាក់ និងចែករំលែកទាន់ពេលវេលារបស់កម្មាភិបាល យុទ្ធជន និងរដ្ឋអំណាចភូមិភាគគិតគូរដល់ជីវភាពសម្ភារៈ និងស្មារតីដល់ជនរួមជាតិខ្មែរ រួមចំណែកពង្រឹងផែនមហាសាមគ្គីទូទាំងជនជាតិ និងរឹតបន្តឹងមនោសញ្ចេតនារវាងកងទ័ព និងប្រជាជននៅតំបន់ព្រំដែន ត្រូវតាមទិសស្លោក "មិនទុកចោលនរណាម្នាក់នៅខាងក្រោយឡើយ"។

ទន្ទឹមនឹងនោះ គណៈបញ្ជាការកងទ័ពការពារព្រំដែនទីក្រុងកឹងធើ នៅទាំងបានចាត់តាំងគណៈប្រតិភូជាច្រើនក្រុមទៅសួរសុខទុក្ខ ប្រសិទ្ធពរឆ្នាំថ្មី ប្រគេននិងជូនអំណោយចំពោះព្រះចៅអធិការ ព្រះសង្ឃ គណៈកម្មការវត្តខ្មែរទាំង ២៣ វត្ត នៅលើភូមិឋានឃុំ សង្កាត់តំបន់ព្រំដែនសមុទ្ររបស់ទីក្រុង; ព្រមទាំងចាត់តាំងពិធីជួបជុំនិងប្រសិទ្ធពរបុណ្យចូលឆ្នាំថ្មីដល់កម្មាភិបាល យុទ្ធជន ៥៦ នាក់ ដែលជាជនជាតិខ្មែរកំពុងបំពេញការងារនៅក្នុងអង្គភាព។ ឆ្លងតាមរយៈនោះ រួមចំណែកលើកទឹកចិត្តកម្មាភិបាល យុទ្ធជនទទួលបុណ្យចូលឆ្នាំប្រពៃណីរបស់ជនរួមជាតិខ្មែរដោយក្តីរីករាយ សុវត្ថិភាព ប្រិតសំចៃ និងសម្រេចបានល្អរាល់ភារកិច្ចដែលបានប្រគល់ជូន រួមចំណែករក្សាលំនឹងអធិបតេយ្យដែនដី និងសន្តិសុខព្រំដែនជាតិ។

ខាងក្រោមនេះជារូបភាពសកម្មភាពមួយចំនួនរបស់កម្មាភិបាល យុទ្ធជនកងទ័ពការពារព្រំដែនគិតគូរដល់ជនរួមជាតិខ្មែរទទួលបុណ្យចូលឆ្នាំថ្មី ឆ្នាំមមី ២០២៦៕

យ្វីអាញ- វិមាន

ចែករំលែកអត្ថបទ

ពាក្យគន្លឹះ