មហាសាមគ្គីជនជាតិ គំរូក្នុងសហគមន៍

25/03/2026 - 06:42

អ្នកបណ្តុះកីឡាអត្តពលកម្មវ័យក្មេងដោយស្ងៀមស្ងាត់

ផ្ដើមពីចំណង់ចំណូលចិត្តកីឡាតាំងពីតូច បងស្រីថាច់ធីគួរ ឃុំតាមង៉ាយ ខេត្តវិញឡុង បានខិតខំឈានឡើងក្លាយជាគ្រូបង្វឹកកីឡាអត្តពលកម្ម។ ដោយមានស្មារតីទទួលខុសត្រូវនិងអស់ពីចិត្តពីថ្លើម បងស្រីបានរួមចំណែកក្នុងការបណ្តុះបណ្តាលកីឡាករវ័យក្មេង ជំរុញចលនាកីឡាភូមិភាគអភិវឌ្ឍប្រកបដោយចីរភាព។

គ្រូបង្វឹកថាច់ធីគួរ (ខាងឆ្វេង)។

កើតឆ្នាំ ១៩៩៣ ក្នុងគ្រួសារខ្មែរនៅឃុំតាមង៉ាយ បងស្រីថាច់ធីគួរ បានគ្រួសារតម្រង់ទិសសំខាន់គឺផ្ដោតលើការសិក្សារៀនសូត្រ ព្រោះបងប្អូនសុទ្ធតែជាបុគ្គលិករដ្ឋនិងគ្រូបង្រៀន។ ប៉ុន្តែ ដោយការស្រឡាញ់កីឡា ពិសេសគឺវិញ្ញាសាកីឡា អត្តពលកម្ម បានដក់ជាប់ក្នុងអាម្មណ៍បងស្រីតាំងពីកុមារភាព។ ដោយមានទេពកោសល្យលេចធ្លោ ឆ្នាំ ២០១២ បងស្រីបានប្រឡងជាប់មហាវិទ្យាល័យ កីឡាអប់រំកាយនៅទីក្រុងហូជីមិញ។ ក្រោយពីសិក្សានិងហ្វឹកហាត់អស់រយៈពេល ៤ ឆ្នាំ បងស្រីបានបញ្ចប់ការសិក្សានៅឆ្នាំ ២០១៦; មកដល់ឆ្នាំ ២០១៧ បងស្រីបានចាត់មកបំពេញការងារនៅសាលាជំនាញទេពកោសល្យកីឡាអប់រំកាយខេត្តត្រាវិញ (ចាស់)។

បន្ទាប់ពីបញ្ចប់អាជីពប្រកួតប្រជែង បងស្រីសម្រេចចិត្តបន្តចូលរួមក្នុងវិស័យកីឡាក្នុងនាមជាគ្រូបង្វឹក។ ដោយផ្អែកលើបទពិសោធន៍ជាក់ស្តែងរបស់កីឡាករ បងស្រីយល់ពីការលំបាកនិងសម្ពាធ ដែលកីឡាករវ័យក្មេងតែងជួបប្រទះក្នុងពេលហ្វឹកហាត់។ បច្ចុប្បន្ន បងស្រីបានគ្រប់គ្រងនិងហ្វឹកហាត់កីឡាករវ័យក្មេងចំនួន ៦២ នាក់ដោយផ្ទាល់។ គម្រោងហ្វឹកហាត់នីមួយៗបានរៀបចាត់តាំងឡើង សមស្របតាមកាយសុខភាពនិងជំនាញរបស់ប្អូនៗ ជួយឱ្យប្អូនៗអភិវឌ្ឍគ្រប់ជ្រុងជ្រោយកាយសម្បទា និងបច្ចេកទេស។

មិនត្រឹមតែផ្តោតលើស្នាដៃប្រកួតប្រជែងប៉ុណ្ណោះទេ បងស្រីថាច់ធីគួរ ថែមទាំងយកចិត្តទុកដាក់ពិសេសដល់ការអប់រំសិស្សឱ្យមានស្មារតីវិន័យ និងស្មារតីឆ្លងកាត់លំបាក។ តាមបងស្រី អត្តពលកម្មមិនត្រឹមតែរត់លើទីលានប៉ុណ្ណោះទេ ប៉ុន្តែថែមទាំងជាដំណើរការហ្វឹកហាត់ឆន្ទៈនិងក្លាហាន។ ដូច្នេះ ក្រៅពីម៉ោងហ្វឹកហាត់ បងស្រីសហការជាមួយគ្រួសារនិងសាលារៀនដើម្បីជួយសិស្សឱ្យមានតុល្យភាពរវាងការសិក្សាវប្បធម៌ និងហ្វឹកហាត់កីឡា។

គឹមធីហ្វៀង កីឡាការិនីក្រុមជម្រើសជាតិ ឱ្យដឹង៖ “អាស្រ័យដោយអស់ពីចិត្តពីថ្លើមរបស់អ្នកគ្រូគួរ មានកីឡាករវ័យក្មេងជាច្រើនសម្រេចបានលទ្ធផលខ្ពស់និងបានជ្រើសរើសចូលក្រុមជម្រើសជាតិ។ ថ្មីៗនេះ ខ្ញុំបានចូលរួមស៊ីហ្គេម ៣៣ នៅប្រទេសថៃ ហើយបានឈ្នះមេដាយសំរិទ្ធ ក្នុងនោះក៏មានការចូលរួមណែនាំនិងហ្វឹកហាត់របស់អ្នកគ្រូផងដែរ។ ខ្ញុំពិតជាដឹងគុណចំពោះការលើកទឹកចិត្តនិងណែនាំរបស់អ្នកគ្រូណាស់”។

ចំពោះបងស្រីថាច់ធីគួរ មោទនៈបំផុតមិនត្រឹមតែជាមេដាយប៉ុណ្ណោះទេ ប៉ុន្តែថែមទាំងជាការរីកចម្រើនរបស់សិស្សបន្ទាប់ពីហ្វឹកហាត់ម្ដងៗ។ ការតស៊ូទទួលខុសត្រូវនិងលះបង់របស់គ្រូបង្វឹកនារីខ្មែររូបនេះ កំពុងរួមចំណែកដល់ការអភិវឌ្ឍចលនា កីឡាអត្តពលកម្មនៅភូមិភាគកាន់តែរីកចម្រើនពីមួយថ្ងៃទៅមួយថ្ងៃ បង្កមូលដ្ឋានរឹងមាំសម្រាប់ជំនាន់កីឡាករវ័យក្មេងឱ្យមានភាពជឿជាក់ឆ្ពោះទៅអនាគត៕

ទីទុយ

ចែករំលែកអត្ថបទ

ពាក្យគន្លឹះ