វប្បធម៌-សិល្បៈ វប្បធម៌

06/02/2026 - 08:46

ជនរួមជាតិខ្មែរទីក្រុងកឹងធើ ចូលរួមព្រឹត្តិកាណ៍ "សម្រស់និទាឃរដូវនៅគ្រប់ទិសទីនៃមាតុភូមិ"

ក្រសួងវប្បធម៌ កីឡានិងទេសចរណ៍ ទើបចេញផែនការចាត់តាំងព្រឹត្តិការណ៍ “សម្រស់និទាឃរដូវ នៅគ្រប់ទិសទីនៃមាតុភូមិ” ឆ្នាំ ២០២៦។

សិប្បករខ្មែរទីក្រុងកឹងធើ ប្រគំភ្លេងពិណពាទ្យ។ រូបថត៖ យ៉ីខោយ

ព្រឹត្តិការណ៍នេះ អាស្រ័យក្រសួងវប្បធម៌ កីឡានិងទេសចរណ៍ដឹកនាំ សហការជាមួយបណ្តាគណៈ ក្រសួង ផ្នែកមជ្ឈិមនិងបណ្ដាភូមិភាគទាំងឡាយចាត់តាំងឡើង។ មានជនរួមជាតិប្រមាណ៣០០នាក់ មកពីសហគមន៍ជនជាតិចំនួន៣២នៃខេត្តក្រុងចំនួន១៥តំណាងឱ្យបណ្តាជនជាតិ និងតំបន់នានាចូលរួមព្រឹត្តិការណ៍ ក្នុងនោះមានជនរួមជាតិខ្មែរទីក្រុងកឹងធើ ដែលកំពុងរស់នៅនិងសកម្មភាពជាប្រចាំនៅភូមិវប្បធម៌ - ទេសចរណ៍បណ្តាជនជាតិវៀតណាម។

“សម្រស់និទាឃរដូវនៅគ្រប់ទិសទីនៃមាតុភូមិ” ប្រព្រឹត្តទៅក្នុងរយៈពេល ៣ ថ្ងៃ ចាប់ពីថ្ងៃទី ២៧ ខែកុម្ភៈដល់ថ្ងៃទី ១ ខែមីនា ឆ្នាំ ២០២៦ នៅភូមិវប្បធម៌ ទេសចរណ៍បណ្តាជនជាតិវៀតណាម (ដុងម៉ូ ដយភឿងទីក្រុងហាណូយ)។ ព្រឹត្តិការណ៍នេះ រួមមានសកម្មភាពយ៉ាងសម្បូរបែប ចំណុចលេចធ្លោគឺកម្មវិធី “បទចម្រៀងអបអរសាទរបក្ស រុងរឿង អបអរសាទរនិទាឃរដូវរបស់ប្រទេសជាតិ” នៅព្រឹកថ្ងៃទី ១២ ខែមករា ចន្ទគតិវៀតណាម ជាមួយនឹងកម្មវិធីថ្នាក់ដឹកនាំបក្ស និងរដ្ឋប្រសិទ្ធពរបុណ្យចូលឆ្នាំថ្មីដល់ជនរួមជាតិបណ្តាជនជាតិ។ ព្រមទាំងមានសកម្មភាពផ្សេងៗទៀត ដូច៖ ការសម្តែងឡើងវិញនូវពិធីសាសនា ពិធីបុណ្យប្រពៃណី ការបង្ហាញពីបេតិកភណ្ឌវប្បធម៌ដ៏វិសេសវិសាលរបស់បណ្ដាជនជាតិនៅ “ក្នុងដំបូលផ្ទះរួម”; បរិយាកាសបុណ្យចូលឆ្នាំប្រពៃណីតំបន់ណាមបូ; បរិយាកាសវប្បធម៌តំបន់បាក់បូ ជាមួយនិទាឃរដូវនៅតំបន់បេតិកភណ្ឌថាញហ្វា និងនិទាឃរដូវនៅលើទឹកដីដូនតា; បរិយាកាស គងឃ្មោះ- និទាឃរដូវតំបន់ខ្ពង់រាបតៃង្វៀន; កម្មវិធី “បុណ្យនិទាឃរដូវ”...

“សម្រស់និទាឃរដូវនៅគ្រប់ទិសទីនៃមាតុភូមិ” សំដៅបង្កបរិយាកាសសប្បាយរីករាយ និងសាទរក្នុងឱកាសឆ្នាំថ្មី ប៊ិញង៉ រួមចំណែកពង្រឹងផែនមហាសាមគ្គីទូទាំងជនជាតិ បញ្ជាក់ពីតួនាទីដឹកនាំរបស់បក្សក្នុងបុព្វហេតុផ្លាស់ថ្មី កសាងនិងការពារមាតុភូមិ។ តាមរយៈព្រឹត្តិការណ៍នេះ ក៏ដើម្បីអបអរសាទរយ៉ាងជាក់ស្តែងនូវភាពជោគជ័យនៃមហាសន្និបាតតំណាងទូទាំងប្រទេលើកទី ១៤ របស់បក្ស បង្ហាញពីការយកចិត្តទុកដាក់របស់បក្ស និងរដ្ឋ ចំពោះជនរួមជាតិបណ្តាជនជាតិ ជាពិសេសគឺនៅតំបន់ឆ្ងាយដាច់ស្រយាល តំបន់ព្រំដែន និងកោះសមុទ្រ៕

យ៉ីខោយ - សុផន

ចែករំលែកអត្ថបទ

ពាក្យគន្លឹះ