សុខភាព - អប់រំ សុខភាព

15/01/2026 - 06:37

ខិតខំប្រឹងប្រែងថែទាំសុខភាពជូនប្រជាជន

រយៈពេលកន្លង ប្រព័ន្ធសុខាភិបាលមូលដ្ឋានលើភូមិឋានទីក្រុងកឹងធើបន្តផ្លាស់ថ្មី សំដៅលើកកម្ពស់គុណភាពពិនិត្យនិងព្យាបាលជំងឺ។ ដោយការវិនិយោគមូលដ្ឋានសម្ភារៈ ឧបករណ៍ពេទ្យទំនើបៗ និងយកចិត្តទុកដាក់ដល់ក្រមសីលធម៌គ្រូពេទ្យដំណាក់សុខាភិបាល កំពុងឆ្លើយតបបានល្អតម្រូវការថែទាំសុខភាពរបស់ប្រជាជនកាន់តែខ្ពស់។

កម្មាភិបាលដំណាក់សុខាភិបាលឃុំតឹងថាញ់កំពុងពិនិត្យជំងឺជូនប្រជាជន។

នៅឃុំតឹងថាញ់ដើម្បីអនុវត្តល្អការងារថែទាំសុខភាពដំបូង ដំណាក់សុខាភិបាលឃុំបានប្រមូលផ្តុំផ្សព្វផ្សាយព្រមៗគ្នានូវដំណោះស្រាយជាច្រើន ចាប់ពីការវិនិយោគហេដ្ឋារចនាសម្ព័ន្ធរហូតដល់ការលើកកម្ពស់គុណភាពសេវាកម្ម។ បច្ចុប្បន្ន ដំណាក់សុខាភិបាលមានម៉ាស៊ីនគ្រប់គ្រាន់ឆ្លើយតបតម្រូវការផ្នែកជំនាញ ដូច ម៉ាស៊ីនឆ្លុះអេកូ ម៉ាស៊ីនស្ទង់បេះដូង ម៉ាស៊ីនវិភាគជីវគីមី។ល។ ព្រមជាមួយនោះ ការងារបណ្តុះបណ្តាល បំប៉នមុខជំនាញជូនកងជួរកម្មាភិបាលពេទ្យតែងបានយកចិត្តទុកដាក់។ “ផ្តើមពីការខិតខំនេះ បាននាំមកលទ្ធផលជាវិជ្ជមាន។ រយៈពេល៩ខែដើមឆ្នាំ២០២៥ ដំណាក់សុខាភិបាលបានធ្វើការពិនិត្យ ព្យាបាលជំងឺជូនប្រជាជន ១០.០០០លើកនាក់ អត្រាកុមារផឹកវីតាមីន A សម្៩៩%រេចជាង” វេជ្ជបណ្ឌិតលីធីចូវ ប្រធានដំណាក់សុខាភិបាលឃុំតឹងថាញ់ បានឱ្យដឹងដូច្នេះ។

ចំណែកដំណាក់សុខាភិបាលឃុំភឿងប៊ិញ បានចាត់ទុកជាចំណុចលេចធ្លោក្នុងការងារបម្រុង និងថែទាំសុខភាព។ បន្ទប់មុខងារនៅទីនេះ មិនត្រឹមតែបម្រើការងារពិនិត្យព្យាបាលជំងឺធម្មតា ថែមទាំងជួយដល់ប្រជាជន ពិសេសគឺគ្រួសារដែលជួបការលំបាក ខ្វះលក្ខណៈសម្បត្តិទៅពិនិត្យនិងព្យបាលជំងឺនៅមន្ទីររពេទ្យថ្នាក់លើ។ ពូតាំងវុាំងឡើយ នៅភូមិប៊ិញហ្វា ឃុំភឿងប៊ិញ ឱ្យដឹង៖ “ឧបករណ៍ពេទ្យបានវិនិយោគ ប៉ុន្តែខ្ញុំពេញចិត្តបំផុតគឺអាកប្បកិរិយាបម្រើការងារអស់ពីចិត្តនិងម៉ត់ចត់ក្នុងការពិនិត្យនិងព្យាបាលជំងឺរបស់គ្រូពេទ្យ ធ្វើឱ្យប្រជាជនក៏ដូចជារូបខ្ញុំស្ងប់អារម្មណ៍ពេលមកពិនិត្យជំងឺនៅទីនេះ”។

តាមវេជ្ជបណ្ឌិតង្វៀងហុងទឺយ ប្រធានដំណាក់សុខាភិបាលឃុំភឿងប៊ិញ អនុវត្តសេចក្តីសម្រេច របស់ក្រសួងសុខាភិបាល ស្តីពីផ្លាស់ថ្មីអាកប្បកិរិយាបម្រើការងារ ឆ្ពោះទៅរកការពេញចិត្តរបស់ អ្នកជំងឺ ដំណាក់សុខាភិបាលពង្រឹងការទទួលដោះស្រាយរាល់មតិយោបល់ដែលលើកឡើងអំពីគុណភាពក្នុងការពិនិត្យ ព្យាបាលជំងឺ ដើម្បីធ្វើជាមូលដ្ឋានកែសម្រួលរបៀបធ្វើការ អាកប្បកិរិយាបម្រើការងាររបស់កម្មាភិបាលពេទ្យ។ អាស្រ័យហេតុនោះ អាកប្បកិរិយាបម្រើអ្នកជំងឺ របស់កម្មាភិបាលពេទ្យ វេជ្ជបណ្ឌិត ត្រូវបានលើកកម្ពស់ ដូច្នេះ ប្រជាជនមានទំនុកចិត្តនិងវាយតម្លៃខ្ពស់។ មធ្យមក្នុងមួយឆ្នាំដំណាក់សុខាភិបាលបានពិនិត្យនិងព្យបាលជំងឺជូនប្រជាជនជិត ១១.០០០ លើកនាក់។

ជាមួយលទ្ធផលដែលសម្រេចបាន ឃើញថាដំណាក់សុខភិបាលលើភូមិឋានទីក្រុងកឹងធើ កំពុងបង្ហាញពីតួនាទីរបស់ខ្លួនក្នុងការពិនិត្យព្យាបាលជំងឺជូនប្រជាជន។ ការស្រុះចិត្តគំនិតនៃកង ជួរគ្រូពេទ្យ ការជំនួយរបស់រដ្ឋអំណាចគ្រប់ថ្នាក់ និងការឧបត្ថម្ភរបស់សហគមន៍ ផ្នែកសុខាភិបាល ទីក្រុងកឹងធើនឹងបន្តសម្រេចបានសមិទ្ធផលល្អជាងទៀតក្នុងពេលខាងមុខ៕

ថាញ់វ៉ាង-ដាលីន

ចែករំលែកអត្ថបទ

ពាក្យគន្លឹះ