កំសាន្ត រឿងពីនេះពីនោះ

26/12/2025 - 06:12

វិធីងាយៗ ៥ យ៉ាង ដើម្បីបំបាត់ថ្នាំកម្ចាត់សត្វល្អិតចេញពីបន្លែ ផ្លែឈើ

បន្លែ ផ្លែឈើមានរសជាតិឆ្ងាញ់ បំប៉ននិងសម្បូរដោយពណ៌សម្បុរ ជាចំណីអាហារដ៏ល្អសម្រាប់គ្រួសារនិងបំពេញតម្រូវការ របស់យើង។

ប្រការសំខាន់គឺលាងសម្អាតសំណល់ថ្នាំកម្ចាត់សត្វល្អិតចេញពីបន្លែផ្លែឈើឱ្យបានល្អ។

ដើម្បីធានាថាវាពិតជាមានប្រយោជន៍ដល់សុខភាពយើង ប្រការសំខាន់គឺត្រូវលាងសម្អាតសំណល់ថ្នាំកម្ចាត់សត្វល្អិតដែលជាប់នៅលើបន្លែផ្លែឈើឱ្យបានល្អ។

ជាការពិតណាស់ វិធីល្អបំផុតដើម្បីជៀសវាងថ្នាំកម្ចាត់សត្វ ល្អិតមានគ្រោះថ្នាក់ គឺប្រើប្រាស់ផលិតផលសរីរាង្គ។

ខាងក្រោមនេះជាគន្លឹះមួយចំនួនដើម្បីធានាអ្នកអាចបំបាត់ថ្នាំកម្ចាត់សត្វល្អិតចេញពីបន្លែផ្លែឈើ បានច្រើនតាមដែលអាចធ្វើទៅបាន៖

ត្រាំទឹកអំបិល

ត្រាំផ្លែឈើនិងបន្លែបង្ការក្នុងទឹកល្បាយអំបិល ១០% រយៈពេល ២០ នាទី នឹងបំបាត់សំណល់ថ្នាំកម្ចាត់សត្វល្អិតជាទូទៅទាំងបួនប្រភេទ។

តាមការសិក្សាបង្ហាញថា ត្រាំផ្លែឈើ បន្លែបង្ការក្នុងទឹកល្បាយអំបិល ១០% រយៈពេល ២០ នាទី នឹងបំបាត់សំណល់ថ្នាំកម្ចាត់សត្វល្អិតដែលទូទៅបំផុតទាំងបួនប្រភេទ។

ត្រាំទឹកល្បាយទឹកខ្មេះ

ទឹកខ្មេះគឺជាវិធីមួយផ្សេងដើម្បីបំបាត់សំណល់ថ្នាំចេញពីផ្លែឈើ និងបន្លែ។ មានការណែនាំមួយចំនួនពីការលាយល្បាយទឹក គឺ ទឹក ៤ ចំណែកនិងទឹកខ្មេះ ១ ចំណែក ហើយត្រាំទុកប្រហែល ២០ នាទី ប៉ុន្តែអាចប្រើប្រាស់ទឹកខ្មេះខាប់ត្រាំដើម្បីបំបាត់ថ្នាំកម្ចាត់សត្វ ល្អិតទាំងស្រុង។

ទឹកខ្មេះក៏អាចបំបាត់បាក់តេរីជាច្រើនប្រភេទដែលអាចរកឃើញ នៅលើម្ហូបអាហារ។ ប៉ុន្តែ ចំពោះផ្លែឈើដែលមានសំបកស្តើង ដូចជា ផ្លែប៊ឺរី ការត្រាំទឹកខ្មេះអាចធ្វើឱ្យខូចសម្បកខាងក្រៅរបស់ផ្លែឈើ។

សម្អាតបន្លែផ្លែឈើ ជាមួយទឹកល្បាយ ម្សៅ Baking soda និងទឹក

ត្រាំម្សៅ Baking soda ជាមួយទឹក គឺជាវិធីមួយផ្សេងដើម្បីលាងជម្រះថ្នាំកម្ចាត់សត្វល្អិត។

លាយម្សៅ Baking soda ២៨ ក្រាម ជាមួយទឹកជិត ៣ លីត្រ គឺជាវិធីមួយផ្សេងដើម្បីលាងជម្រះថ្នាំកម្ចាត់សត្វល្អិត។ ត្រាំបន្លែ ផ្លែឈើក្នុងទឹកល្បាយរយៈពេល ១២-១៥ នាទី បន្ទាប់មកលាង សម្អាតជាមួយទឹក។

គ្រាន់តែលាងសម្អាតជាមួយទឹកត្រជាក់

អ្នកស្រាវជ្រាវនៅស្ថានីយពិសោធន៍កសិកម្ម Connecticut (អា មេរិក) បានរកឃើញថា ការលាងជម្រះផលិតផលក្រោមទឹកត្រ ជាក់អាច បន្ថយសំណល់ថ្នាំកម្ចាត់សត្វល្អិត បានដល់ទៅចំនួន ៩ ប្រភេទថ្នាំ ក្នុងចំណោម ១២ ប្រភេទ ដែលបាន ពិសោធន៍។

ចិតសំបក

ការចិតសំបកក៏ជួយបំបាត់សំណល់ថ្នាំកម្ចាត់សត្វល្អិត។

វិធីផ្សេងដើម្បីបន្ថយការប្រើប្រាស់ថ្នាំកម្ចាត់សត្វល្អិតគឺទិញ ផលិតផលនៅភូមិភាគនិងតាមរដូវកាល ព្រមទាំងចិតសំបក (ទោះ បីផ្លែឈើ បន្លែបង្ការជាច្រើនប្រភេទ សំបកជាផ្នែកមួយសម្បូរដោយជាតិបំប៉ន)។

ផ្លែឈើ បន្លែបង្ការ គឺជាមូលដ្ឋានគ្រឹះនៃរបៀបរស់នៅដែលមាន សុខភាពល្អ។ ការដែលបំបាត់សំណល់ថ្នាំកម្ចាត់សត្វល្អិត បាន កាន់តែច្រើនកាន់តែល្អ ការទទួលទានបន្លែផ្លែឈើ ធានានាំមកអត្ថប្រយោជន៍សុខភាពល្អបំផុតសម្រាប់លោកអ្នក៕

តាម vietnamnet.vn-ទីទុយ

ចែករំលែកអត្ថបទ

ពាក្យគន្លឹះ