មហាសាមគ្គីជនជាតិ គំរូក្នុងសហគមន៍

16/12/2025 - 09:14

កសិករខ្មែរធ្វើសេដ្ឋកិច្ចពូកែ

គាំទ្រចលនា “មនុស្សចាស់ធ្វើសេដ្ឋកិច្ចពូកែ” ពូថាច់យ៉ឹង សមាជិកសមាគមមនុស្សចាស់ ភូមិបូលៀង១ ឃុំម៉ីហឿង ទីក្រុងកឹងធើ តែងសកម្មកសាងទម្រង់ផលិតប្រកបដោយប្រសិទ្ធភាពធ្វើមាន។

ទោះបីមានវ័យចំណាស់ក៏ពិតមែន ប៉ុន្តែពូថាច់យ៉ឹងនៅតែពង្រីកស្មារតី “វ័យចំណាស់ - គំរូ” ប្រឹងប្រែងដោយឥតឈប់ឈរ ជាគំរូឈានមុខក្នុងការអភិវឌ្ឍសេដ្ឋកិច្ច និងខ្នះខ្នែងចូលរួមរាល់សកម្មភាពចលនារបស់ភូមិ ស្រុកជានិច្ច។ ពូថាច់យ៉ឹង ឱ្យដឹង បង្កើតមុខរបរដំបូងខ្ញុំមានដីស្រែតែ៧កុងប៉ុណ្ណោះ អាស្រ័យមិនទាន់មានបទពិសោធន៍ ហើយមិនទាន់ចេះអនុវត្តវិទ្យាសាស្ត្របច្ចេកទេសក្នុងការផលិត ទើបការផលិតមិនសូវមានប្រសិទ្ធភាព។

ទម្រង់ចិញ្ចឹមគោផ្ដល់ប្រសិទ្ធភាពជួយឱ្យពូថាច់យ៉ឹង រកបានប្រាក់ចំណូលខ្ពស់។

រយៈពេលជិត១០ឆ្នាំមកនេះ ពូយ៉ឹង ស្វែងយល់តាមរយៈកាសែត ទូរទស្សន៍ពីរបៀបធ្វើល្អៗ ទម្រង់ដែលមានប្រសិទ្ធភាព ហើយតែងចូលរួមថ្នាក់ហ្វឹកហាត់ផ្ទេរជូនវិទ្យាសាស្ត្របច្ចេកទេសក្នុងការដាំដុះ ចិញ្ចឹមសត្វ។ ផ្តើមពីនោះ គាត់ចេះរបៀបថែទាំ បង្ការសត្វល្អិតបំផ្លាញដំណាំស្រូវ ទើបការផលិតមានប្រសិទ្ធភាព តាំងពីនោះមក ជីវភាពគ្រួសារគាត់កើនឡើងជាលំដាប់ពីមួយថ្ងៃទៅមួយថ្ងៃ។ ពូយ៉ឹង ឱ្យដឹង៖ “ប្តីប្រពន្ធខ្ញុំចាយវាយប្រិតសំចៃ ព្យាយាមពលកម្មផលិត រៀនសូត្រពីទម្រង់ល្អៗនិងឈានមុខក្នុងការអនុវត្តបច្ចេកទេស ផលិតពូជស្រូវគុណភាពខ្ពស់ ហេតុនោះសម្រេចប្រសិទ្ធភាពសេដ្ឋកិច្ចខ្ពស់។ ផ្តើមពីនោះ ក្នុងមួយឆ្នាំខ្ញុំសន្សំទិញបានដីស្រែប្រមាណ១០ កុង មកទល់ពេលនេះខ្ញុំមានដីស្រែ២៥ហិកតា។ ដោយប្រើប្រាស់អស់ពីលទ្ធភាពពីអនុផលកសិកម្ម ខ្ញុំវិនិយោគចិញ្ចឹមគោបង្កាត់ស៊ីននិងគោទឹកដោះ។ ខ្ញុំចិញ្ចឹមគោជាង ១០ឆ្នាំ ផ្តើមពីគោ ២ ក្បាលដំបូង ឃើញថាចិញ្ចឹមមានប្រសិទ្ធភាព ម្ល៉ោះហើយក្នុងមួយឆ្នាំគោចេះតែកើនឡើង ហើយបន្តរក្សារហូតដល់សព្វថ្ងៃ។ បច្ចុប្បន្ន ខ្ញុំមានគោចំនួន ៥៦ ក្បាល ក្នុងនោះ គោស៊ីន ៣៤ ក្បាល គោទឹកដោះ ២២ ក្បាល ក្នុងចំណោមគោទឹកដោះទាំង ២២ ក្បាល នោះគឺមាន ៧ ក្បាលកំពុងផ្តល់ទឹកដោះ ក្នុងមួយថ្ងៃផ្តល់ទឹកដោះប្រមាណ ៨០ គីឡូក្រាម លក់ក្នុងតម្លៃពី១៣.៥០០ - ១៥.០០០ ដុងក្នុងមួយគីឡូក្រាម។ ផ្តើមពីទម្រង់ផលិតស្រូវ ចិញ្ចឹមគោស៊ីន គោទឹកដោះ ខ្ញុំរកបានប្រាក់ចំណេញជាង ១ ពាន់ លានដុងក្នុងមួយឆ្នាំ”។

មិនត្រឹមតែធ្វើសេដ្ឋកិច្ចពូកែប៉ុណ្ណោះទេ ពូថាច់យ៉ឹង ថែមទាំងជាគំរូក្នុងការខ្នះខ្នែងចូលរួមសកម្មភាពក្នុងភូមិស្រុក ពិសេសគឺការងារសុខុមាលភាពសង្គម។ ពូថាច់យ៉ឹង តែងជូនអំណោយដល់មនុស្សចាស់គ្មានទីពឹង មនុស្សចាស់មានជីវភាពខ្វះខាតក្នុងឱកាសពិធីបុណ្យផ្សេងៗ; រួមវិភាគទានទឹកប្រាក់ជាង២០លានដុង និងចលនាមាមីងរួមវិភាគទានកសាងស្ពានជនបទបានចំនួន ៣ នៅភូមិភាគ។ ព្រមជាមួយនោះ ចលនាមាមីងដាំផ្កា ធ្វើរបង បង្គោលទង់៘ រួមចំណែកកសាងតំបន់ជនបទបៃតង ជ្រះស្អាត។

អ្នកស្រីចូវធីម៉ូយ ប្រធានការិយាល័យវប្បធម៌-សង្គមឃុំម៉ីហឿង ឱ្យដឹង៖ “មិនត្រឹមតែធ្វើមានសម្រាប់ខ្លួនគាត់ប៉ុណ្ណោះទេ ពូថាច់យ៉ឹង ថែមទាំងខ្នះខ្នែងជួយដល់សមាជិកអភិវឌ្ឍសេដ្ឋកិច្ច ចែករំលែកបទពិសោធន៍ក្នុងការផលិតដើម្បីរួមគ្នាឈានឡើង។ ក្រៅពីនេះ គាត់ក៏បានរួមវិភាគទានកសាងសំណង់សុខុមាលភាពសង្គម ចូលរួមការងារមនុស្សធម៌ ផុសផុលស្មារតីជួយគ្នាទៅវិញទៅមក រួមចំណែកក្នុងការបំបាត់ភាពអត់ឃ្លាន បន្ថយភាពក្រីក្រ អភិវឌ្ឍសេដ្ឋកិច្ចនៅភូមិភាគ”៕

យ្វីអាញ- លីសៀ

ចែករំលែកអត្ថបទ

ពាក្យគន្លឹះ