សន្តិសុខ - ការពារប្រទេស ការពារប្រទេស

19/09/2025 - 07:43

គណៈបញ្ជាការដ្ឋានយោធាចូវថាញ់ចូលរួមកសាងជនបទថ្មី

រយៈពេលកន្លង កម្មាភិបាល យុទ្ធជននៃគណៈបញ្ជាការដ្ឋានយោធាឃុំចូវថាញ់ ខេត្តវិញឡុង តែងសកម្មចូលរួមកម្លាំងជាមួយរដ្ឋអំណាចភូមិភាគនិងប្រជាជន អនុវត្តមានប្រសិទ្ធភាពការកសាងជនបទថ្មីលើភូមិឋាន។

កម្មាភិបាល យុទ្ធជនគណៈបញ្ជាការដ្ឋានយោធាឃុំចូវថាញ់ ចេញដំណើរជួយប្រជាជន
អនាម័យទេសភាពបរិស្ថាន។

ដើម្បីអនុវត្តល្អភារកិច្ចចូលរួមកសាងជនបទថ្មី គណៈបញ្ជាការដ្ឋានយោធាឃុំចូវថាញ់ ជានិច្ចកាលតែងរៀបចំការចេញដំណើរជួយប្រជាជនធ្វើផ្លូវគមនាគមន៍ជនបទ កាប់ឆ្ការស្មៅបង្កទេសភាពបរិស្ថានបៃតង - ជ្រះ-ស្អាត ផ្សព្វផ្សាយច្បាប់ ចលនាប្រជាជនចូលរួមកសាងជនបទថ្មី៘ ដើម្បីកៀរគរប្រភពកម្លាំងនិងផ្សព្វផ្សាយអនុវត្តមានប្រសិទ្ធភាពកម្មវិធីកសាងជនបទថ្មី ចាប់តាំងពីដើមឆ្នាំ គណៈបញ្ជាការដ្ឋានយោធាឃុំ បានកសាងផែនការ សកម្មភាពជាក់ស្តែង ព្រមទាំងជំរុញខ្លាំងក្លាការផ្សព្វផ្សាយដល់កម្មាភិបាល យុទ្ធជនគ្រប់រូប ពិសេសគឺកងប្រជាស្វ័យត្រាណ អំពីអត្ថន័យនិងខ្លឹមសារនៃការកសាងជនបទថ្មី។ តាមរយៈនោះ បានពង្រីកតួនាទីឈានមុខរបស់កងប្រជាស្វ័យត្រាណ។ ជាមួយទិសស្លោក “និយាយប្រជាជនយល់ ធ្វើប្រជាជនជឿ” ដោយទង្វើជាក់ស្តែង កម្មាភិបាល យុទ្ធជនគណៈបញ្ជាការដ្ឋានយោធាឃុំ បានបន្សល់នូវចំណាប់អារម្មណ៍ល្អ បានគណៈកម្មាធិការបក្ស ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាម អង្គការនយោបាយ-សង្គមនិងប្រជាជនក្នុងឃុំវាយតម្លៃខ្ពស់។

កម្មាភិបាល យុទ្ធជនគណៈបញ្ជាការដ្ឋានយោធាឃុំចូវថាញ់រួមជាមួយប្រជាជនកសាងជនបទថ្មី។

ជាក់ស្តែង ឈានដល់ការអបអរសាទរមហាសន្និបាតបក្ខភាគគ្រប់លំដាប់ថ្នាក់ អាណត្តិកាល២០២៥-២០៣០ កន្លងហើយនៅភូមិផ្នោអណ្តែត គណៈបញ្ជាការដ្ឋានយោធាឃុំ បានសហការជាមួយសម្ព័ន្ធយុវជនឃុំ រៀបចំចេញដំណើរសង់សំណង់ ជួសជុល បង្កើនកម្រិតដងផ្លូវគមនាគមន៍ជនបទប្រវែងជាង១គីឡូម៉ែត្រ សរុបជាទឹកប្រាក់១៥លានដុង បានមកពីការចលនាក្នុងសង្គម ដោយមានការចូលរួមពីកម្មាភិបាល យុទ្ធជននិងសម្ព័ន្ធយុវជន២៥នាក់លើភូមិឋានឃុំ។

ពូគឹមតៀង នៅភូមិផ្នោអណ្តែត ឱ្យដឹង៖ “កម្មាភិបាល យុទ្ធជនបញ្ជាការដ្ឋានយោធាឃុំ តែងជួយប្រជាជនបង្កទេសភាពបរិស្ថានស្អាត សង់ស្ពាន ផ្លូវជនបទ រួមចំណែកលើកកម្ពស់គុណភាពរស់នៅជូនប្រជាជន។ នេះគឺជាឱកាសដើម្បីគាំទ្រចលនា “កងកម្លាំងប្រដាប់អាវុធ ព្រួតដៃកសាងជនបទថ្មី”។ ការដែលកម្មាភិបាល យុទ្ធជន សាមគ្គីរួមកម្លាំងជាមួយប្រជាជនភូមិភាគ ចូលរួមកសាងជនបទថ្មី ផ្សព្វផ្សាយដល់ប្រជាជនពីគោលការណ៍របស់បក្ស គោលនយោបាយច្បាប់របស់រដ្ឋ ជួយឱ្យប្រជាជនធានាសន្តិសុខសណ្តាប់ធ្នាប់៘ បានរឹតបន្តឹងចំណងសាមគ្គីភាព ពោរពេញដោយក្តីស្រឡាញ់រវាងកងទ័ពនិងប្រជាជន។ ថ្មីៗនេះ គណៈបញ្ជាការដ្ឋានយោធាឃុំ បានចូលរួមជួសជុលដងផ្លូវជនបទ រួមចំណែកបង្កលក្ខណៈ ងាយស្រួលជូនមាមីងធ្វើដំណើរទៅមក ដឹកជញ្ជូនកសិផល ធានាសុវត្ថិភាពចរាចរណ៍ ពិសេស ក្នុងរដូវភ្លៀងព្យុះ”។

លោកត្រឹងក្វឹកត្វង មេបញ្ជាការនៃគណៈបញ្ជាការដ្ឋានយោធាឃុំចូវថាញ់ ឱ្យដឹង៖ “រៀងរាល់ឆ្នាំ យើងខ្ញុំតែងកសាងកម្មវិធីនិងផែនការសកម្មភាពទូទាំងកងកម្លាំងចូលរួមកសាងជនបទថ្មី។ យោងតាមផែនការរបស់ឃុំ នៅពេលភូមិនីមួយៗ ផ្សព្វផ្សាយកសាងសំណង់ផ្សេងៗ យើងខ្ញុំបានកៀរគរកងកម្លាំងទាំងអស់ចូលរួមជួយប្រជាជន។ ក្នុងប៉ុន្មានខែដើមឆ្នាំ២០២៥ ក្រៅពីការហ្វឹកហ្វឺន គណៈបញ្ជាការដ្ឋានយោធាឃុំ បានគួបផ្សំកសាងជនបទថ្មី ដូច៖ ដាំដើមឈើនិងថែទាំផ្កាតាមដងផ្លូវជាតិលេខ ៥៤ ផ្លូវខេត្តលេខ៩១២ និងផ្លូវស្រុកលេខ១៦; រៀបចំសម្អាតបរិស្ថាន; សង់ស្ពាន ជនបទដោយមានកម្មាភិបាល យុទ្ធជនចូលរួមជាង ៣០០នាក់។ ទន្ទឹមនឹងនោះ អង្គភាពថែមទាំងបន្តរក្សាសកម្មភាពកីឡាអប់រំកាយ ដោះដូរសិល្បៈ បាល់ទាត់ បាល់ទះជាដើម”។

ចលនា “យោធារួមកម្លាំងកសាងជនបទថ្មី” នៃកងកម្លាំងប្រដាប់អាវុធនិយាយរួមនិងកងកម្លាំងនៃគណៈបញ្ជាការដ្ឋានយោធាឃុំចូវថាញ់និយាយដោយឡែក រយៈពេលកន្លង បានពង្រីកកម្លាំងចម្រុះ រឹតបន្តឹងចំណងសាមគ្គីភាព ភាពជិតស្និទ្ធរវាងកងទ័ពនិងប្រជាជន។ ទន្ទឹមនឹងនោះ សកម្មភាពជាក់ស្តែងទាំងនេះបានរួមចំណែកទៅក្នុងលទ្ធផលរួមនៃការកសាងជនបទថ្មីនិងអភិវឌ្ឍន៍សេដ្ឋកិច្ច -សង្គមរបស់ភូមិភាគ៕

សើុងម៉ាល័យ - លីសៀ

ចែករំលែកអត្ថបទ

ពាក្យគន្លឹះ