ព្រឹត្តិការណ៍ - នយោបាយ ព្រឹត្តិការណ៍

28/07/2025 - 09:48

នឹងប្រារព្ធពិធីប្រណាំងគោនៅវត្តរោទិ៍ ឆ្នាំ២០២៥

គណៈកម្មាធិការប្រជាជនឃុំអាងគឺ ខេត្តអាងយ៉ាង ទើបរៀបចំកិច្ចប្រជុំផ្សព្វផ្សាយផែនការប្រារព្ធពិធីប្រណាំងគោប្រពៃណីនៅវត្តរោទិ៍ លើកទី១១ ឆ្នាំ២០២៥ ។ ព្រឹត្តិការណ៍នេះ នឹងប្រព្រឹត្តទៅនៅម៉ោង៧ព្រឹក ថ្ងៃទី ៣១ ខែសីហា ឆ្នាំ២០២៥ (ត្រូវនឹងថ្ងៃ ៨ កើត ខែភទ្របទ) នៅទីលានប្រណាំងគោវត្តរោទិ៍ ភូមិវិញថឿង ឃុំអាងគឺ។ ពិធីប្រណាំងឆ្នាំនេះ មានគោចំនួន ៣២ នឹមមកពីឃុំអាងគឺ សង្កាត់ជីឡាំង សង្កាត់ទិញបៀងនិងឃុំណុយកឹម ប្រណាំងប្រជែងតាមទម្រង់ជម្រុះផ្ទាល់ឈ្នះចាញ់តែម្ដង។

ការប្រណាំងគោ ជាទីលានកម្សាន្តដ៏ទាក់ទាញនិងប្រកបដោយលក្ខណៈពិសេសរបស់ជនរួមជាតិខ្មែរនៅតំបន់បៃណុយ។

ក្រោយពីពិធីប្រណាំងគោ នឹងមានពិធីស្ទូងស្រូវ ដោយមានការចូលរួមពីសំណាក់ព្រះសង្ឃនិងប្រជាជននៅភូមិភាគ ដើម្បីបង្កើតបរិយាកាសសប្បាយរីករាយ សាមគ្គី និងបង្ហាញពីអត្តសញ្ញាណវប្បធម៌ដ៏វិសេសរបស់ជនរួមជាតិខ្មែរនៅតំបន់បៃណុយ៕

យោង៖ កាសែតអាងយ៉ាង - ថាច់ធី 

ចែករំលែកអត្ថបទ

ពាក្យគន្លឹះ