សន្តិសុខ - ការពារប្រទេស ការពារប្រទេស

01/04/2025 - 08:56

ប្រសិទ្ធភាពក្លឹបភូមិសាស្ត្រគ្មានគ្រឿងញៀន

ក្លឹបភូមិសាស្ត្រគ្មានគ្រឿងញៀននៅភូមិទាលទោល ឃុំដាឡុក ស្រុកចូវថាញ់ ខេត្តត្រាវិញ ដំណើរការមានប្រសិទ្ធភាព ជួយភូមិភាគធានាសន្តិសុខសណ្តាប់ធ្នាប់ រួមចំណែកកសាងជនបទថ្មី។

ក្លឹបសហការជាមួយនគរបាលឃុំដាឡុក ផ្សព្វផ្សាយពីការបង្ការប្រឆាំងបាបគ្រោះសង្គមដល់សមាជិកសម្ព័ន្ធយុវជននិងប្រជាជននៅមូលដ្ឋាន។

លោកឡឹមត្រឹងក្វឹង លេខាសាខាបក្ស ភូមិទាលទោល ឱ្យដឹង៖ “ភូមិទាលទោលស្ថិតនៅតាមបណ្តោយផ្លូវជាតិលេខ ៥៤ ហើយជាប់ព្រំប្រទល់នឹងភូមិសាស្ត្រឃុំ ទីប្រជុំជន នៅក្នុងនិងក្រៅស្រុកចូវថាញ់។ អាស្រ័យស្ថានភាពសណ្តាប់ធ្នាប់ សុវត្ថិភាពសង្គម មានពេលខ្លះប្រែប្រួលយ៉ាងស្មុគស្មាញ។ ភូមិមានមុខសញ្ញាបង្កបាបគ្រោះសង្គមមួយចំនួន បំផុតគឺគ្រឿងញៀន។ ចំពោះមុខស្ថានភាពខាងលើ គណៈកម្មការភូមិបានធ្វើសេនាធិការជូនគណៈកម្មាធិការបក្សគ្រប់លំដាប់ រដ្ឋអំណាច គណៈកម្មាធិការប្រជាជន និងនគរបាលឃុំដាឡុក មានកិច្ចចង្អុលការដល់គណៈ ផ្នែក អង្គការមហាជនចូលរួមយ៉ាងសកម្មក្នុងកិច្ចការតស៊ូបង្ការប្រឆាំងបាបគ្រោះសង្គមនិងគ្រឿងញៀន។ ដើមឆ្នាំ ២០២៣ ភូមិបង្កើតក្លឹប “ភូមិសាស្ត្រគ្មានគ្រឿងញៀន” ក្លឹបមានសមាជិក ១២ នាក់ ក្នុងនោះ កងកម្លាំងសមាជិកសម្ព័ន្ធយុវជនធ្វើជាស្នូល។ ក្រោយពីបង្កើតគណៈកម្មការទទួលបន្ទុកនិងសមាជិកក្លឹប បានវាយតម្លៃឡើងវិញពីស្ថានភាពកម្រិតនិងលក្ខណៈបង្កគ្រោះថ្នាក់នៃបាបគ្រោះសង្គម គ្រឿងញៀន; កសាងលក្ខន្តិកៈនិងកម្មវិធីសកម្មភាពស្របជាមួយភាពជាក់ស្តែង។ ចាត់ភារកិច្ចដល់សមាជិកម្នាក់ៗក្នុងក្លឹប ម្ចាស់ការតាមដាននិងគ្រប់គ្រងនៅភូមិសាស្ត្រនីមួយៗ ដើម្បីមានវិធានការដោះស្រាយមានប្រសិទ្ធភាព”។

លោកថាច់ថាញវ៉ូវ អនុលេខាសាខាបក្សភូមិទាលទោល និងជាប្រធានក្លឹប ឱ្យដឹង៖ “ដោយកំណត់ច្បាស់ការផ្សព្វផ្សាយ លើកកម្ពស់ស្មារតីភ្ញាក់រលឹកដល់ប្រជាជន ជាពិសេស យុវជនពីផលប៉ះពាល់នៃបាបគ្រោះសង្គម និងគ្រឿងញៀន ដើម្បីចៀសឱ្យឆ្ងាយ គឺមានអត្ថន័យយ៉ាងសំខាន់ ម្ល៉ោះហើយ នៅពេលប្រជុំម្តងៗ ឬទិវាមហាសាមគ្គីទូទាំងជនជាតិ៘ គណៈកម្មការទទួលបន្ទុកក្លឹប តែងរៀបចំផ្សព្វផ្សាយគួបផ្សំនឹងផ្សព្វផ្សាយអប់រំច្បាប់អំពីបង្ការប្រឆាំងបទល្មើស បង្ការប្រឆាំងគ្រឿងញៀនដល់ប្រជាជន ពិសេសគឺយុវជន។ តាំងពីបង្កើតក្លឹបមកទល់ពេលនេះ បានអប់រំមុខសញ្ញាញៀនគ្រឿងញៀន ២ នាក់ មុខសញ្ញា ២ នាក់នេះបច្ចុប្បន្នត្រូវបានផ្តាច់ញៀន ហើយសន្យាមិនបំពានទៀត។ ក្លឹបផ្សព្វផ្សាយបាន ២៣ លើក ដោយមានប្រជាជនចូលរួម ៥៧៥ លើកនាក់”។

ប្អូនថាច់តៀង សមាជិកសម្ព័ន្ធយុវជននៅភូមិទាលទោល ឱ្យដឹង៖ “សមាជិកក្លឹបជានិច្ចកាលតែងសហការជាមួយរដ្ឋអំណាចភូមិភាគចុះទៅតាមគ្រួសារនីមួយៗក្នុងភូមិផ្សព្វផ្សាយអំពីផលប៉ះពាល់នៃបាបគ្រោះសង្គម ពិសេសគឺបាបគ្រោះគ្រឿងញៀន។ កាលពីមុន ប្រជាជនមិនសូវយល់ពីផលប៉ះពាល់នៃបាបគ្រោះសង្គម និងគ្រឿងញៀនទេ។ ចាប់ពីភូមិបង្កើតក្លឹប ប្រជាជនមានស្មារតីភ្ញាក់រលឹកជាងក្នុងការបង្ការ ប្រឆាំងបាបគ្រោះសង្គម បំផុតគឺគ្រឿងញៀនដល់កូនចៅរបស់ខ្លួន”។

អាស្រ័យពង្រីកល្អតួនាទីរបស់ក្លឹប មកទល់ពេលនេះលើភូមិសាស្ត្រភូមិគ្មានមុខសញ្ញាញៀនគ្រឿងញៀនថ្មី ច្រានចោលបាបគ្រោះសង្គម គ្រឿងញៀនបន្តិចម្តងៗ ពង្រឹងសន្តិសុខសណ្តាប់ធ្នាប់ ធានាសុវត្ថិភាពសង្គម ប្រជាជនស្ងប់អារម្មណ៍ពលកម្មផលិត អភិវឌ្ឍសេដ្ឋកិច្ច រួមចំណែកកសាងជនបទថ្មី៕

សើុងម៉ាល័យ- លីសៀ

ចែករំលែកអត្ថបទ

ពាក្យគន្លឹះ