ព្រឹត្តិការណ៍ - នយោបាយ ព្រឹត្តិការណ៍

24/03/2025 - 10:48

អាងយ៉ាង ផលិតផល ១៨២ មុខបានទទួលស្គាល់ជា "ផលិតផល OCOP" ចាប់ពីផ្កាយ៣ឡើងទៅ

មកទល់ពេលនេះ ខេត្តអាងយ៉ាង បានអនុវត្តការវាយតម្លៃ ចាត់ចំណាត់ថ្នាក់និងទទួលស្គាល់ “ផលិតផល OCOP” ចំនួន ១៨២ មុខ សម្រេចចាប់ពីផ្កាយ៣ឡើងទៅ។ ក្នុងនោះ មានផលិតផល៥មុខ សម្រេច OCOP ផ្កាយ ៥ ផលិតផល១៤មុខ សម្រេច OCOP ផ្កាយ ៤ និងផលិតផល១៦៣មុខ សម្រេច OCOP ផ្កាយ៣ របស់អង្គភាពសេដ្ឋកិច្ចចំនួន ១២៥ (សហករណ៍ចំនួន១១ ក្រុមសហការចំនួន២ សហគ្រាសចំនួន២៦ គ្រឹះស្ថានផលិតកម្ម/គ្រួសារអាជីវកម្មចំនួន៨៦)។ ថ្វីដ្បិតដូច្នេះក្តី ក្នុងចំណោមផលិតផល OCOP ដែលបានពោលខាងលើ មានផលិតផលចំនួន៣០មុខ ផុតកំណត់ទទួលស្គាល់៣៦ខែ និងកំពុងធ្វើបែបបទវាយតម្លៃ ចាត់ចំណាត់ថ្នាក់ឡើងវិញ តាមសេចក្តីកំណត់។

ទឹកត្នោតខាប់ ទឹកត្នោតគ្រាប់និងទឹកត្នោតម្សៅរបស់ក្រុមហ៊ុនភាគហ៊ុន
Palmania (ស្រុកទ្រីតូង) បានទទួលស្គាល់ជាផលិតផល OCOP ផ្កាយ ៥
នៅដើមឆ្នាំ២០២៥។ (រូបថត ក្រុមហ៊ុនផ្តល់ជូន)

ឆ្នាំ ២០២៥ ខេត្តអាងយ៉ាង បន្តការឧបត្ថម្ភ អង្គភាពសេដ្ឋកិច្ចដែលមានផលិតផលបានទទួលស្គាល់សម្រេច OCOP អភិវឌ្ឍនូវលក្ខឋានតាមសេចក្តីកំណត់ ដើម្បីវាយតម្លៃនិងបង្កើនចំណាត់ថ្នាក់ផ្កាយ OCOP។ ខិតខំឱ្យមានផលិតផលយ៉ាងតិចបំផុតពី ៥០ - ៦០ មុខ បានវាយតម្លៃនិងចាត់ចំណាត់ថ្នាក់ “ផលិតផល OCOP” ផ្កាយ ៣ និងមានផលិតផលយ៉ាងតិចបំផុត៥មុខ បានវាយតម្លៃនិងចាត់ចំណាត់ថ្នាក់ “ផលិតផល OCOP” ផ្កាយ ៤។ ទន្ទឹមនឹងនោះ ធ្វើការត្រួតពិនិត្យផលិតផល OCOP ដែលចូលរួមវាយតម្លៃនិងចាត់ចំណាត់ថ្នាក់ឡើងវិញ បន្ទាប់ពីផុតកំណត់៣៦ខែ (ក្នុងឆ្នាំ២០២៥) និងមានផលិតផលយ៉ាងតិចបំផុត៥មុខ សំណើវាយតម្លៃនិងបង្កើនចំណាត់ថ្នាក់ “ផលិតផល OCOP”៕

ថាញឡុង -វិមាន

ចែករំលែកអត្ថបទ

ពាក្យគន្លឹះ