សុខភាព - អប់រំ អប់រំ

03/03/2025 - 15:05

សាលារៀននៅឌិញហ្វា

តាមប្រសាសន៍លោក វ៉មិញម៉ាញ់ ប្រធានគណៈកម្មាធិការប្រជាជនឃុំឌិញហ្វា ស្រុកហ្គក្វាវ ខេត្តគៀងយ៉ាង លក្ខឋានមួយក្នុងចំណោមលក្ខឋានដែលឃុំជនបទថ្មីកម្រិតខ្ពស់សម្រេចបានឆាប់បំផុត នោះគឺលក្ខឋានអំពីសាលារៀននិងការអប់រំ។ មូលហេតុ អាស្រ័យភូមិភាគកំណត់ច្បាស់នេះ គឺជាលក្ខឋានដ៏សំខាន់និងជាមូលដ្ឋានគ្រឹះបង្កើនកម្រិតប្រជាបញ្ញាលើភូមិសាស្ត្រ បង្កជាសម្ទុះដើម្បីលើកកម្ពស់គុណភាពលក្ខឋានដទៃទៀត។

ចាប់តាំងពីសាលាបឋមសិក្សាឌិញហ្វា ១ សម្រេចបទដ្ឋានជាតិកម្រិត ២ គុណភាពអប់រំ
ទូទាំងសាលាក៏បានកើនឡើងជាសន្សឹមៗផងដែរ។

បច្ចុប្បន្ន អត្រាសាលារៀននៅគ្រប់កម្រិតសិក្សា ចាប់ពីកម្រិតមត្តេយ្យដល់វិទ្យាល័យលើភូមិសាស្ត្រឃុំ សុទ្ធតែសម្រេចបទដ្ឋានមូលដ្ឋានសម្ភារៈតាមការកំណត់របស់ក្រសួងអប់រំនិងបណ្តុះបណ្តាល។ ទូទាំងឃុំមាន ៥ សាលារៀន រួមមាន៖ សាលាមត្តេយ្យឌិញហ្វា សាលាបឋមសិក្សាឌិញហ្វា ១ សាលាបឋមសិក្សាឌិញហ្វា ២ សាលាបឋមសិក្សាឌិញហ្វា ៣ និងអនុវិទ្យាល័យឌិញហ្វា។ ក្នុងនោះ មាន៥/៥ សាលា សម្រេចបទដ្ឋានជាតិកម្រិត ១ អំពីមូលដ្ឋានសម្ភារៈ មាន ១/៥ សាលាសម្រេចបទដ្ឋានកម្រិត ២ អំពីមូលដ្ឋានសម្ភារៈ (សាលាបឋមសិក្សាឌិញហ្វា ១)។ សាលាមត្តេយ្យឌិញហ្វាមានផ្ទៃដីទំហំ ៣.០៦៥ ម៉ែត្រការ៉េ មធ្យមភាគ ១៣,៦ ម៉ែត្រការ៉េលើកុមារម្នាក់ សាលាសម្រេចបទដ្ឋានជាតិកម្រិត ១ តាមសេចក្តីសម្រេចលេខ៥៦/QĐ-UBND ចុះថ្ងៃទី ២៤/៥/២០១៨។ សាលាបឋមសិក្សាឌិញហ្វា១ មានផ្ទៃដីទំហំ ៧.១៥៥,៥ ម៉ែត្រការ៉េ មធ្យមភាគ ១០,៧១ ម៉ែត្រការ៉េលើសិស្សម្នាក់ សាលាសម្រេចបទដ្ឋានជាតិកម្រិត ១ តាមសេចក្តីសម្រេចលេខ ២៨៤៧/QĐ-UBND ចុះថ្ងៃទី ២៦/១២/២០១៧។ សាលាបឋមសិក្សាឌិញហ្វា ២ មានផ្ទៃដីទំហំ ៥.៦០០ ម៉ែត្រការ៉េ មធ្យមភាគ ១៦,៤២ ម៉ែត្រ ការ៉េលើសិស្សម្នាក់ សាលាសម្រេចបទដ្ឋានជាតិ កម្រិត១ អំពីមូលដ្ឋានសម្ភារៈ តាមកំណត់ហេតុនៃការត្រួតពិនិត្យរបស់ការិយាល័យអប់រំនិងបណ្តុះបណ្តាលស្រុកហ្គក្វាវ។ សាលាបឋមសិក្សាឌិញហ្វា ៣ មានផ្ទៃដីទំហំ ៧.៧៥២,១២ ម៉ែត្រការ៉េ មធ្យមភាគ ២៦ ម៉ែត្រការ៉េលើសិស្សម្នាក់ សាលាសម្រេចបទដ្ឋានជាតិកម្រិត ២ តាមសេចក្តីសម្រេចលេខ ២០៤២/QĐ-UBND ចុះថ្ងៃទី ៣១/៨/២០២០។ អនុវិទ្យាល័យឌិញហ្វា មានផ្ទៃដីទំហំ ៨.០៩៧,១ ម៉ែត្រការ៉េ មធ្យមភាគ ១៣,៦ ម៉ែត្រការ៉េលើសិស្សម្នាក់ សាលាសម្រេចបទដ្ឋានជាតិកម្រិត ១ តាមសេចក្តីសម្រេចលេខ៣៣៣៨/QĐ-UBND ចុះថ្ងៃទី២២/១២/២០២៣។

សាលារៀនសម្រេចបទដ្ឋាន តាមការកំណត់ដោយមានមូលដ្ឋានសម្ភារៈនិងបំពាក់គ្រឿងបរិក្ខារសព្វគ្រប់ បង្កលក្ខណៈងាយស្រួលដើម្បីគ្រូបង្រៀន និងសិស្សបង្រៀនល្អ រៀនល្អ ការថែទាំអប់រំកុមារក៏មានភាពងាយស្រួល។ អ្នកគ្រូផាងធីត្រាងដាយ នាយិកាសាលាមត្តេយ្យឌិញហ្វា មានក្តីរីករាយពេលសាលារៀនសម្រេចបទដ្ឋានជាតិ អ្នកគ្រូបានលើកឡើង៖ មូលដ្ឋានសម្ភារៈសមរម្យ ទំនើប បានរួមចំណែកលើកកម្ពស់ស្មារតីភ្ញាក់ រលឹករបស់ប្រជាជន ញុាំងឱ្យការងារកៀរគរសិស្សចូលរៀនក៏មានភាពងាយស្រួល។ ពិសេស គឺគ្រប់លក្ខណៈអនុវត្តប្រធានបទ ជួយឱ្យសិស្សជនជាតិខ្មែរថ្នឹកនឹងភាសាវៀត។ មិនត្រឹមតែគ្រូនិងសិស្សរីករាយប៉ុណ្ណោះទេ អាណាព្យាបាលសិស្សក៏បានស្ងប់អារម្មណ៍ពេលកូនចៅបានចូលរៀននៅសាលាសមរម្យ។ បងស្រីធីវ៉ែន នៅភូមិហ្វាហីវ ឱ្យដឹង៖ “ឥឡូវក្មួយៗរៀនមួយថ្ងៃ ២ ពេល ដូច្នេះ ពេលវេលាក្មួយៗនៅសាលាសឹងតែពេញមួយថ្ងៃ។ ម៉្យាងសាលារៀនក៏សុវត្ថិភាព ជ្រះស្អាត យើងខ្ញុំជាអាណាព្យាបាលក៏ស្ងប់អារម្មណ៍ពេលឱ្យកូនចៅទៅរៀនដែរ”៕

ហាថាញ-មុនី

ចែករំលែកអត្ថបទ

ពាក្យគន្លឹះ