មហាសាមគ្គីជនជាតិ គំរូក្នុងសហគមន៍

24/02/2025 - 14:28

វេជ្ជបណ្ឌិតជនជាតិខ្មែរ អស់ពីចិត្តក្នុងការថែទាំសុខភាពជូនអ្នកក្រ

វេជ្ជបណ្ឌិត យ័ញង៉ុកចូវ អាយុ៣៩ឆ្នាំ ជាជនជាតិខ្មែរ កើតនិងធំដឹងក្តីនៅសង្កាត់វិញឡើយ ក្រុងរាច់យ៉ា ខេត្តគៀងយ៉ាង តំបន់ដែលមានជនរួមជាតិខ្មែររស់នៅកុះករ។ តាំងពីកុមារ គាត់ស្រឡាញ់អាវគ្រូពេទ្យ និងចិញ្ចឹមក្តីស្រមៃធ្វើជាគ្រូពេទ្យព្យាបាលជំងឺឱ្យអ្នកក្របំផុតគឺជនរួមជាតិខ្មែរ ពេលជីវភាពរបស់មាមីងជាច្រើននៅជួបការលំបាក។

វេជ្ជបណ្ឌិត យ័ញង៉ុកចូវ កំពុងពិនិត្យជំងឺឱ្យអ្នកជំងឺក្នុងបន្ទប់ពិនិត្យនៃ
មជ្ឈមណ្ឌលសុខាភិបាលស្រុកចូវថាញ់។

វេជ្ជបណ្ឌិត យ័ញង៉ុកចូវ ចែករំលែក៖ កាលពីកុមារ ខ្ញុំចិញ្ចឹមក្តីស្រមៃធ្វើជាវេជ្ជបណ្ឌិត ដើម្បីព្យាបាលជំងឺដល់មាមីងខ្មែរអ្នកក្រ នៅពេលដែលលក្ខណៈសុខាភិបាលបម្រើការពិនិត្យព្យាបាលជំងឺនៅភូមិភាគនៅជួបការលំបាកច្រើន។ ក្រោយពីបញ្ចប់ថ្នាក់វិទ្យាល័យ យ័ញង៉ុកចូវ ជាប់ជម្រើសរៀននៅមន្ទីរពេទ្យ ១២១ កឹងធើ ក្រោយពីបញ្ចប់ការសិក្សា គាត់ដាក់ពាក្យសុំការងារនិងបានចាត់មកបម្រើការងារនៅមជ្ឈមណ្ឌលសុខាភិបាលស្រុកចូវថាញ់។ តាំងពីឆ្នាំ ២០១១ ដល់ឆ្នាំ ២០១៥ គ្រូពេទ្យ យ័ញង៉ុកចូវ ត្រូវបានអង្គភាពបញ្ជូនទៅរៀននៅមហាវិទ្យាល័យឱសថសាស្ត្រកឹងធើ និងក្លាយជាវេជ្ជបណ្ឌិតបំពេញក្តីស្រមៃរបស់ខ្លួនកាលពីកុមារ។

វេជ្ជបណ្ឌិត ង្វៀងវ៉ាន់អាង នាយករងមជ្ឈមណ្ឌលសុខាភិបាលស្រុកចូវថាញ់ បានឱ្យដឹង ជាវេជ្ជបណ្ឌិតមួយរូបជាជនជាតិខ្មែរ ហើយបានថ្នាក់ដឹកនាំប្រគល់ភារកិច្ចជាអនុប្រធានផ្នែកពិនិត្យជំងឺ វេជ្ជបណ្ឌិត យ័ញង៉ុកចូវ ជាកម្មាភិបាលមានសមត្ថភាព ជំនាញវិជ្ជាជីវៈល្អ តែងយកអស់ពីលទ្ធភាពក្នុងការថែទាំនិងពិនិត្យព្យាបាលជំងឺជូនមាមីង។ ក្នុងដំណាក់ការពិនិត្យព្យាបាលជំងឺ វេជ្ជបណ្ឌិតចូវ មានភាពងាយស្រួលពេលទំនាក់ទំនងជាមួយអ្នកជំងឺជាជនជាតិខ្មែរ ហេតុនេះ អាចដឹងពីស្ថានភាពជំងឺបានឆាប់រហ័ស យល់ពីគោលបំណងរបស់មាមីង ជួយឱ្យការពិនិត្យជំងឺសម្រេចប្រសិទ្ធភាពខ្ពស់។ អ្នកជំងឺ យ័ញង៉ុក នៅឃុំម៉ុងទ័រ B ស្រុកចូវថាញ់ បានឱ្យដឹង ជាជនជាតិខ្មែរ ខ្ញុំនិងមាមីងមានមោទនភាពក្រៃលែង ព្រោះជនរួមជាតិខ្មែរមានវេជ្ជបណ្ឌិតអស់ពីចិត្តក្នុងការថែទាំសុខភាពជូនប្រជាជនដូចវេជ្ជបណ្ឌិត យ័ញង៉ុកចូវ។ មិនត្រឹមតែពិនិត្យជំងឺ វេជ្ជបណ្ឌិតចូវ នៅទាំងរួសរាយរាក់ទាក់និងលើកទឹកចិត្តដល់មាមីងយើងខ្ញុំទៀតផង។ បន្ទាប់ពីការពិនិត្យសុខភាពម្តងៗ វេជ្ជបណ្ឌិតចូវ តែងណែនាំច្បាស់លាស់ពីរបៀបផឹកថ្នាំទៀងទាត់ ថែទាំសុខភាពនៅនឹងផ្ទះ ដើម្បីធានាការពារសុខភាពក្នុងការពលកម្មផលិត។

ក្លឹបគ្រូពេទ្យវ័យក្មេងស្រុកចូវថាញ់ បានបង្កើតនៅខែសីហា ឆ្នាំ២០១៦ ដោយមានសមាជិកជាវេជ្ជបណ្ឌិត គិលានុបដ្ឋាក គ្រូពេទ្យ ឱសថការី នៅមជ្ឈមណ្ឌលសុខាភិបាលស្រុកចូវថាញ់។ ក្រៅពីកិច្ចការរបស់គ្រូពេទ្យនៅមន្ទីរពេទ្យ សមាជិករបស់ក្លឹបនៅទាំងរ៉ាប់រង សហការជាមួយសាខាសមាគមកាកបាទក្រហមនៅមូលដ្ឋាន ដើម្បីរៀបចំការពិនិត្យជំងឺ ពិគ្រោះយោយល់និងផ្តល់ថ្នាំពេទ្យដោយឥតគិតថ្លៃដល់មុខសញ្ញាស្ថិតក្នុងក្របខ័ណ្ឌគោលនយោបាយ ជនរងគ្រោះដោយជាតិពុលពណ៌លឿង មនុស្សចាស់ដែលមានស្ថានភាពលំបាក ជនរួមជាតិជនជាតិភាគតិច។ល។ នៅឃុំនានាលើភូមិសាស្ត្រស្រុក។

ក្នុងដំណាក់ការបំពេញការងារ វេជ្ជបណ្ឌិត យ័ញង៉ុកចូវ សម្រេចបានកិត្តិនាមយុទ្ធជនប្រឡងប្រណាំង អាស្រ័យសម្រេចបានស្នាដៃក្នុងការស្រាវជ្រាវវិទ្យាសាស្ត្រអំពីប្រធានបទ “តថភាពនៃជំងឺទឹកនោមផ្អែមនៅមជ្ឈមណ្ឌលសុខាភិបាលស្រុកចូវថាញ់ ឆ្នាំ២០១៧”; សម្រេចកិត្តិនាមបក្ខជនអនុវត្តសម្រេចឆ្នើមភារកិច្ច និងសម្រេចបានស្នាដៃឆ្នើមជាច្រើនក្នុងសកម្មភាពពិនិត្យព្យាបាលជំងឺដោយឥតគិតថ្លៃ”៕

យោង៖ vpubnd.kiengiang.gov.vn-មុនី

ចែករំលែកអត្ថបទ

ពាក្យគន្លឹះ