វប្បធម៌-សិល្បៈ វប្បធម៌

17/02/2025 - 15:38

អភិរក្សបេតិកភណ្ឌវប្បធម៌អរូបីរបស់ជនជាតិ

ជាមួយនឹងគោលនយោបាយដ៏ត្រឹមត្រូវនិងការព្រួតដៃរបស់សហគមន៍បេតិកភណ្ឌវប្បធម៌អរូបីរបស់ជនរួមជាតិខ្មែរ ខេត្តសុកត្រាំង កំពុងបានអភិរក្សនិងក្លាយជាកម្លាំងចលករអភិវឌ្ឍន៍សេដ្ឋកិច្ច - សង្គមរបស់ខេត្ត។

ដោយការឧបត្ថម្ភសម្លៀកបំពាក់ពីគម្រោង ក្លឹបសិល្បៈវត្តបឹងក្រចាប់ថ្មី ឃុំតឹងហឹង បានចូលរួមសម្តែងរបាំបាចផ្កាក្នុងពិធីទទួលស្គាល់ឃុំជនបទថ្មី។

ឆ្នាំ២០២៤ អនុវត្តគម្រោង “អភិរក្សនិងពង្រីកតម្លៃវប្បធម៌ប្រពៃណីដ៏ល្អរបស់បណ្តាជនជាតិភាគតិច ផ្សារភ្ជាប់នឹងអភិវឌ្ឍន៍ទេសចរណ៍” ខេត្តសុកត្រាំង បានវិនិយោគជាង ២១ ពាន់លានដុង។ ឆ្លងតាមរយៈនោះ ឧបត្ថម្ភស្តារឡើងវិញនិងសម្តែងបង្ហាញពិធីបណ្តែតប្រទីបចំនួន ២០ និងទូកគែហ៊ៅចំនួន ៤ ក្នុងក្របខ័ណ្ឌបុណ្យអុកអំបុកប្រណាំងទូក-ង និងកសាងទម្រង់វប្បធម៌ប្រពៃណីរបស់ជនជាតិខ្មែរចំនួន ៣ នៅឃុំភូតឹង ស្រុកចូវថាញ់ រួមមាន៖ ណែនាំអនុវត្តបេតិកភណ្ឌវប្បធម៌អរូបីរបាំរាំវង់; ផ្សព្វផ្សាយឧទ្ទេសនាមសម្លៀកបំពាក់ជនជាតិបម្រើជូនភ្ញៀវ ទេសចរសម្រាប់ថតរូបអនុស្សាវរីយ៍ និងណែនាំអនុវត្តរបៀបដាលបុកអំបុករបស់ជនជាតិខ្មែរ និងឧបត្ថម្ភក្រុមសិល្បៈប្រពៃណី ៣០ ក្រុម រួមមាន៖ ភ្លេងពិណពាទ្យ ១៦ វង់ ឧបករណ៍ភ្លេងបុរាណ ១ វង់ ប្រព័ន្ធបំពងសំឡេងចំនួន ១០ សម្លៀកបំពាក់ និងគ្រឿងអលង្ការ ៤៤២ សម្រាប់ ក៏ដូចជាកសាងអគារតាំងពិព័រណ៌នៅរមណីយដ្ឋានទេសចរណ៍វត្តសំរោង នៅសង្កាត់ ៥ ក្រុងសុកត្រាំង។ល។ ឆ្លងតាមរយៈនោះ មិនត្រឹមតែអភិរក្សវប្បធម៌ប្រពៃណីប៉ុណ្ណោះទេ នៅទាំងបម្រើតម្រូវការវិស័យទេសចរណ៍ បង្កើតប្រភពប្រាក់ចំណូលបន្ថែមដល់ប្រជាជននៅភូមិភាគទៀតផង។ បងស្រីថាច់ធីថាសារី អ្នកគ្រប់គ្រងអគារដាក់តាំងសម្លៀកបំពាក់ខ្មែរនៅវត្តសំរោង ឱ្យដឹង៖ “ពេលមកវត្តភ្ញៀវទេសចរចង់ទស្សនាស្ថាបត្យកម្មដ៏អស្ចារ្យផង និងចង់ស្លៀកពាក់សម្លៀកបំពាក់ខ្មែរ ដើម្បីថតរូបអនុស្សាវរីយ៍ផង។ ព្រោះហេតុនោះ អគារដាក់តាំងសម្លៀកបំពាក់ខ្មែរ បានរួមចំណែកអភិរក្ស សម្លៀកបំពាក់ប្រពៃណីរបស់ជនជាតិ ផ្សព្វផ្សាយនូវតម្លៃវប្បធម៌ដ៏ល្អរបស់ជនជាតិដល់ភ្ញៀវទេសចរទាំងក្នុងនិងក្រៅប្រទេស; ទន្ទឹមនឹងនោះ ក៏បង្កើតការងារធ្វើ រកបានប្រាក់ចំណូលលំនឹងដល់កូនចៅខ្មែរនៅភូមិភាគ”។

រាំវង់ជាបេតិកភណ្ឌវប្បធម៌អរូបីខ្មែរ ត្រូវបានអភិរក្សនិងពង្រីកគ្រប់ជំនាន់។

តាមប្រសាសន៍លោក សើុងប៉ូ នាយករងមន្ទីរវប្បធម៌ កីឡានិងទេសចរណ៍ខេត្តសុកត្រាំង បច្ចុប្បន្ន ខេត្តសុកត្រាំងមានបេតិកភណ្ឌវប្បធម៌អរូបីថ្នាក់ជាតិចំនួន ៨ ក្នុងនោះមានបេតិកភណ្ឌរបស់ជនជាតិខ្មែរចំនួន ៥ រួមមាន៖ ពិធីប្រណាំងទូក-ង សិល្បៈល្ខោនយូរកេរ សិល្បៈប្រជាប្រិយ រាំវង់ ភ្លេងពិណពាទ្យនិងសិល្បៈរបាំ។ អង្គការឯតទគ្គកម្មវៀតណាម បានទទួលស្គាល់ឯតទគ្គកម្មប្រគំភ្លេងពិណពាទ្យរបស់ជនជាតិខ្មែរនៅខេត្តសុកត្រាំងមានទ្រង់ទ្រាយធំបំផុតនៅវៀតណាម ដោយមានក្រុមភ្លេងពិណពាទ្យចំនួន ២០ វង់ មានតន្ត្រីករចូលរួមសម្តែងប្រមាណ ២០០នាក់។ សកម្មភាពទាំងនេះ បានរួមចំណែកក្នុងការអភិរក្សនិងពង្រីកតម្លៃវប្បធម៌ប្រពៃណីរបស់ជនរួមជាតិខ្មែរ អភិវឌ្ឍន៍ទេសចរណ៍ដោយចីរភាពនិងកែលម្អជីវភាពសម្ភារៈ និងស្មារតីសម្រាប់សហគមន៍៕

យ្វីអាញ-វិមាន

ចែករំលែកអត្ថបទ

ពាក្យគន្លឹះ