ព្រឹត្តិការណ៍ - នយោបាយ ព្រឹត្តិការណ៍

10/02/2025 - 15:21

សមមិត្តដោថាញ់ប៊ិញ លេខាគណៈកម្មាធិការបក្សក្រុងកឹងធើ៖

ផ្ដុំកម្លាំងអនុវត្តភារកិច្ចជាមួយនឹងស្មារតីបង្កើនល្បឿន ទម្លុះទម្លាយ ប្ដេជ្ញាចិត្តបង្កើតបរិយាកាសរំភើបរីករាយចាប់តាំងពីដើមឆ្នាំ

ក្នុងកិច្ចប្រជុំប្ដូរវេនដើមឆ្នាំ វាយតម្លៃអំពីសកម្មភាពរបស់ក្រុងក្នុងឱកាសបុណ្យចូលឆ្នាំថ្មីអឹកទី ២០២៥ កន្លងហើយ សមមិត្ត ដោថាញ់ប៊ិញ លេខាគណៈកម្មាធិការបក្សក្រុងកឹងធើ បានសំណូមពរដល់គណៈ ផ្នែកគ្រប់លំដាប់ថ្នាក់និងភូមិភាគនានា គប្បីចាប់ផ្ដើមអនុវត្តការងារដើម្បីប្រញាប់នាំមកសកម្មភាពធម្មតាវិញ; ធានាសេវាសាធារណៈដំណើរការរលូន សម្រាប់បម្រើការបានល្អជូនប្រជាជននិងអាជីវកម្ម។

សមមិត្ត ដោថាញ់ប៊ិញ មានប្រសាសន៍ចង្អុលការក្នុងកិច្ចប្រជុំ។

ជាមួយនឹងស្មារតីបង្កើនល្បឿន ភាពទម្លុះទម្លាយ សមមិត្តដោថាញ់ប៊ិញ បានសំណូមពរដល់ស្ថាប័ននិងអង្គភាពនានា គប្បីរូតរះផ្ដុំកម្លាំងអនុវត្តភារកិច្ច កុំឱ្យកើតមានស្ថានភាពអំណរឆ្នាំថ្មីអូសបន្លាយ បណ្ដែតបណ្ដោយការងារ ប៉ះពាល់ដល់សកម្មភាពផលិត ធ្វើអាជីវកម្មរបស់ប្រជាជន និងអាជីវកម្មនានា ប្ដេជ្ញាចិត្តបង្កើតបរិយាកាសរំភើបរីករាយចាប់តាំងពីដើមឆ្នាំ បង្កជាបុព្វបទដើម្បីកំណើនល្បឿនតួលេខពីរខ្ទង់ តាមកិច្ចចង្អុលការរបស់មជ្ឈិមនិងនាយករដ្ឋមន្រ្តី ក្នុងឆ្នាំ២០២៥ ។ គណៈចាត់តាំងនៃគណៈកម្មាធិការបក្សក្រុង ធ្វើសេនាធិការជូនប្រចាំការនៃគណៈកម្មាធិការបក្សក្រុង ប្រញាប់ពង្រឹងមុខតំណែងនានា ដើម្បីផ្ដុំកម្លាំងអនុវត្តសម្រេចការរៀបចំ សម្រិតសម្រាំងអង្គការចាត់តាំង។ ទន្ទឹមនឹងនោះ ផ្សព្វផ្សាយចាប់តាំងពីដើមឆ្នាំ ផែនការត្រៀមបម្រុងមហាសន្និបាតបក្សគ្រប់លំដាប់ថ្នាក់ដែលប្រព្រឹត្តឡើងក្នុងឆ្នាំ ២០២៥។ ពន្លឿនល្បឿនរំសាយថវិកា; ធានាល្បឿនអនុវត្តគម្រោងសំខាន់ៗលើភូមិសាស្រ្តក្រុង។ យកចិត្តទុកដាក់បង្កើតបរិស្ថានវិនិយោគ អាជីវកម្មទូលំទូលាយ ងាយស្រួល; មានយន្តការគោលនយោបាយព្រមៗគ្នា មានលទ្ធភាពនិងភាពទម្លុះទម្លាយ ដើម្បីទាក់ទាញយ៉ាងខ្លាំងក្លានូវប្រភពទុនវិនិយោគ ពិសេសគឺទាក់ទាញវិនិយោគក្រៅថវិការដ្ឋ។ គ្រប់គ្រងយ៉ាងហ្មត់ចត់រាល់សកម្មភាពវប្បធម៌ - សង្គមលើភូមិសាស្រ្តក្រុង។ បង្កើនការងារធានាសន្ដិសុខនយោបាយ សណ្ដាប់ធ្នាប់ សុវត្ថិភាពសង្គម; ពង្រឹងមាំការងារបង្ការ ទប់ស្កាត់បទល្មើស ពិសេសគឺបទល្មើសគ្រឿងញៀន លេងល្បែងស៊ីសងនិងបាបគ្រោះសង្គមផ្សេងៗ។ បន្តចង្អុលការអនុវត្តល្អការងារបង្ការ ប្រឆាំងអំពើពុករលួយ ភាពអសកម្ម; លើកកម្ពស់ស្មារតីទទួលខុសត្រូវចំពោះអ្នកដឹកនាំស្ថាប័ន អង្គភាព; វិនិច្ឆ័យម៉ឺងម៉ាត់ទាន់ពេលរាល់ករណីប្រព្រឹត្តល្មើស។ល។

ឆ្លងតាមរយៈរបាយការណ៍របស់គណៈ ផ្នែកគ្រប់លំដាប់ថ្នាក់ ក្រុងបានផ្ដុំកម្លាំងចង្អុលការចាត់តាំងទទួលអំណរបុណ្យចូលឆ្នាំថ្មីអឹកទី ២០២៥ ត្រូវតាមស្មារតីសាមគ្គី រីករាយ មានប្រយោជន៍ សុវត្ថិភាពនិងប្រិតសំចៃ ធានាប្រជាជនគ្រប់រូប គ្រប់គ្រួសារ សុទ្ធសឹងបានរីករាយទទួលអំណរបុណ្យចូលឆ្នាំថ្មី៕

ណាមហឿង - ថាច់ធី

ចែករំលែកអត្ថបទ

ពាក្យគន្លឹះ