គោលនយោបាយ -ការរស់នៅ ច្បាប់

25/11/2024 - 15:20

អាយុ៤៥ឆ្នាំបង់ធានារ៉ាប់រងសង្គម ដល់ចាស់បានទទួលប្រាក់សោធននិវត្តន៍ទេ ?

យោងតាមធានារ៉ាប់រងសង្គមវៀតណាម ច្បាប់ធានារ៉ាប់រងសង្គម២០២៤ មានសុពលភាពចាប់ពីថ្ងៃទី១ ខែកក្កដា ឆ្នាំ២០២៥ បានចែង៖ រាល់ពលរដ្ឋវៀតណាម អាយុចាប់ពី១៥ឆ្នាំឡើងទៅ និងមិនស្ថិតក្នុងចំណោមមុខសញ្ញាដែលត្រូវចូលរួមធានារ៉ាប់រងសង្គមចាប់បង្ខំ អាចនឹងចូលរួមធានារ៉ាប់រងសង្គមដោយស្ម័គ្រចិត្ត។ ដូច្នេះ កម្រិតបង់ធានារ៉ាប់រងសង្គមស្ម័គ្រចិត្តរៀងរាល់ខែរបស់អ្នកចូលរួមស្មើ ២២% នៃកម្រិតប្រាក់ចំណូលក្នុងមួយខែដែលអ្នកចូលរួមជ្រើសរើស។

រូបជាឧទាហរណ៍ ។

ខណៈពេលចូលរួមធានារ៉ាប់រងសង្គមស្ម័គ្រចិត្ត អ្នកចូលរួមត្រូវបានរដ្ឋឧបត្ថម្ភទឹកប្រាក់បង់ទៅតាមអត្រាភាគរយ (%) ទៅលើកម្រិតបង់ធានារ៉ាប់រងសង្គមរៀងរាល់ខែ តាមកម្រិតគ្រួសារក្រីក្រនៃតំបន់ជនបទ ជាក់ស្តែងគឺ៖ ស្មើ៣០% ចំពោះអ្នកចូលរួមស្ថិតក្នុងក្របខណ្ឌគ្រួសារក្រីក្រ; ២៥% ចំពោះអ្នកចូលរួមស្ថិតក្នុងក្របខណ្ឌគ្រួសារកៀកបន្ទាត់ក្រ; ១០% ចំពោះមុខសញ្ញាដទៃទៀត។ ក្នុងករណីអ្នកចូលរួមធានារ៉ាប់រងសង្គមស្ម័គ្រចិត្ត ឈានដល់អាយុចូលនិវត្តន៍តាមការកំណត់ ប៉ុន្តែរយៈពេលបង់ធានារ៉ាប់រងសង្គម នៅខ្វះមិនដល់១០ឆ្នាំ (១២០ខែ) គឺអាចបង់មួយលើកសម្រាប់ឆ្នាំដែលនៅខ្វះឱ្យគ្រប់២០ឆ្នាំ ដើម្បីទទួលបានប្រាក់សោធននិវត្តន៍។

ស្តីពីលក្ខណៈទទួលប្រាក់សោធននិវត្តន៍ធានារ៉ាប់រងសង្គមវៀតណាម ឱ្យដឹង៖ អ្នកចូលរួមធានារ៉ាប់រងសង្គមស្ម័គ្រចិត្តបានទទួលប្រាក់សោធននិវត្តន៍ ខណៈពេលគ្រប់លក្ខខណ្ឌនៃអាយុតាមការកំណត់នៃច្បាប់ពលកម្មឆ្នាំ២០១៩។

ឆ្លងតាមរយៈនោះ ចាប់ពីឆ្នាំ២០២១ អាយុចូលនិវត្តន៍របស់និយោជិតជាស្ត្រីនឹងកើនឡើង៤ខែក្នុងមួយឆ្នាំ បុរសកើនឡើង៣ខែក្នុងមួយឆ្នាំរហូតដល់ឆ្នាំ២០៣៥ អាយុចូលនិវត្តន៍របស់ស្ត្រីកើនឡើង៦០ឆ្នាំ បុរសកើនឡើង៦២ឆ្នាំ។

ប្រការគប្បីដឹងយោងតាមច្បាប់ធានារ៉ាប់រងសង្គមជាធរមាន អ្នកដែលចូលនិវត្តន៍ត្រូវបង់ធានារ៉ាប់រងសង្គមយ៉ាងហោចណាស់២០ឆ្នាំ ប៉ុន្តែ ចាប់ពីថ្ងៃទី១ ខែកក្កដា ឆ្នាំ ២០២៥ ខណៈច្បាប់ធានារ៉ាប់រងសង្គមឆ្នាំ២០២៤ មានសុពលភាព លក្ខណៈអ្នកគ្រប់អាយុចូលនិវត្តន៍គ្រាន់តែបង់ធានារ៉ាប់រងសង្គមគ្រប់១៥ឆ្នាំ នឹងបានទទួលប្រាក់សោធននិវត្ដន៍។

ដូច្នេះ ក៏ដូចជាធានារ៉ាប់រងសង្គមចាប់បង្ខំ អ្នកចូលរួមធានារ៉ាប់រងសង្គមស្ម័គ្រចិត្ត ពេលអាយុ៤៥ ឆ្នាំចូលរួមបង់ធានារ៉ាប់រងសង្គម គឺគ្រប់លក្ខណៈដើម្បីទទួលបានប្រាក់សោធននិវត្តន៍ដែរ៕

យោង៖ Vietnamnet.vn - ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ