មហាសាមគ្គីជនជាតិ ភូមិស្រុកផ្លាស់ថ្មី

14/10/2024 - 16:01

កៀរគរកម្លាំងប្រជាជនកសាងដងផ្លូវភ្លឺ បៃតង ជ្រះ ស្អាត

ដើម្បីជំរុញការរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ ក្នុងកម្មាភិបាល បក្ខជន ពិសេសគឺបក្ខជនជាជនជាតិខ្មែរ បក្ខភាគឃុំដូងស្វឹង ស្រុកយ្វៀងហាយ ខេត្តត្រាវិញ បានផ្សព្វផ្សាយចលនាកម្មាភិបាល បក្ខជន សមាជិកសមាគមនិងប្រជាជនអនុវត្ត “ការកសាងដងផ្លូវខេត្តលេខ ៩១៤ និង ៩១១ នៅឃុំដូងស្វឹងភ្លឺ បៃតង ជ្រះស្អាតនិងសុវត្ថិភាពចរាចរណ៍”។

បង្គោលទង់បានកសាងពីការចលនាសង្គមូបនីយកម្មនៅឃុំដូងស្វឹង។

បងគឹមង៉ុកម័ន នៅភូមិបាយ៉ាម A ឃុំដូងស្វឹង ឱ្យដឹង៖ “ក្នុងនាមជាប្រធានសមាគមអតីតយុទ្ធជនឃុំ ដើម្បីពង្រីកតួនាទីនាំមុខនៃបក្ខជនរៀនសូត្រនិងធ្វើតាមគំរូអ៊ំ។ បន្ទាប់ពីបានភូមិភាគបំផុសចលនារួមកម្លាំងកសាងដងផ្លូវខេត្តលេខ ៩១១ និង៩១៤ ខ្ញុំក៏ធ្វើការបញ្ជ្រាបផ្សព្វផ្សាយ ហើយរួមជាមួយគ្រួសារស្ម័គ្រចិត្តរួមវិភាគទាន ដើម្បីកសាងដងផ្លូវ ដាំផ្កាលម្អ និងកសាងបង្គោលទង់”។

កម្មាភិបាលនិងប្រជាជនចូលរួមដំឡើងផ្លាកសញ្ញាលើដងផ្លូវខេត្តលេខ ៩១៤
នៅឃុំដូងស្វឹង ជាដងផ្លូវភ្លឺ បៃតង ជ្រះ ស្អាត។

ចាប់តាំងពីដើមឆ្នាំមកទល់ពេលនេះ ឃុំដូងស្វឹងបានរៀបចំបើកយុទ្ធនាការបោសសម្អាត អនាម័យបរិស្ថាន តាមដងផ្លូវខេត្តលេខ ៩១៤ បាន៧៥ លើក ដោយមានកងកម្លាំងចូលរួមជាង ៤.៦៤២ លើកនាក់។ លទ្ធផលការងារ គឺបានធ្វើការកាប់ឆ្ការមែកឈើ គុម្ពោតព្រៃស៊ុមទ្រុមប្រវែងជាង ២០ គីឡូម៉ែត្រ ប្រមូលសំរាមបានជាង ១៥ តោន ដាំថ្មីថែទាំដើមឈើនិងផ្កាលម្អគ្រប់ប្រភេទ ប្រមាណជាង ១.០០០ ដើម។ ឃុំក៏បានជំរុញការផ្សព្វផ្សាយចលនាលើកកម្ពស់ស្មារតីយល់ដឹង និងការទទួលខុសត្រូវរបស់ប្រជាជន សហគមន៍ក្នុងការថែរក្សាការពារអនាម័យបរិស្ថានលើភូមិសាស្ត្រឃុំ បំផុតគឺតាមដងផ្លូវខេត្តលេខ ៩១៤ និង៩១១ ដាំផ្កាលម្អសងខាងផ្លូវ មានដូច៖ ផ្កាក្ងោក និងផ្កាត្រែលឿងជាដើម គិតជាទឹកប្រាក់ជាង ៣៥ លានដុង។ បច្ចុប្បន្ន ដងផ្លូវលើភូមិសាស្ត្រឃុំទាំងអស់ ត្រូវបានអនុវត្តសម្រេចលក្ខឋានបៃតង ជ្រះ ស្អាត ហើយគណៈកម្មាធិការបក្សឃុំបន្តការអនុវត្តការងារចលនាពីប្រភពសង្គមូបនីយកម្ម ដើម្បីសម្រេចបន្ថែមលក្ខឋានបំភ្លឺផ្លូវ។ សព្វថ្ងៃ ឃុំកំពុងបន្តការចលនានិងត្រៀមបម្រុងដំឡើងអំពូលភ្លើងដើរដោយថាមពលព្រះអាទិត្យតាមដងផ្លូវចំនួន ១១០ បង្គោល ក្នុងមួយបង្គោលៗគិតជាថវិកាជិត ២ លានដុង។

លោក ត្រឹមហាយវ៉ូវ លេខាគណៈកម្មាធិការបក្សឃុំដូងស្វឹង ឱ្យដឹង៖ “ទម្រង់កសាងដងផ្លូវ ខេត្តលេខ ៩១១ និង៩១៤ ភ្លឺ បៃតង ជ្រះ ស្អាត និងសុវត្ថិភាពចរាចរណ៍របស់បក្ខភាគឃុំដូងស្វឹង ជាទម្រង់រៀនសូត្រនិងធ្វើតាមគំរូសីលធម៌ហូជីមិញ ត្រូវបានចុះឈ្មោះនៅឆ្នាំ ២០២៣ មកទល់បច្ចុប្បន្នអនុវត្តសម្រេចរួចរាល់។ ដងផ្លូវទាំងពីរទើបកសាងនិងដាក់ឱ្យប្រើប្រាស់បង្គោលទង់ចំនួន ២២៥ បង្គោល គិតជាទឹកប្រាក់សរុបជាង ៥៤ លានដុង ថវិកាទាំងនេះបានមកពីប្រភពសង្គមូបនីយកម្ម តាមរយៈការចលនាកម្មាភិបាល បុគ្គលិក ក្នុងស្ថាប័ននិងសាខាបក្សស្ថិតក្រោមឱវាទ ប្រជាជន សប្បុរសជនក្នុងនិងក្រៅឃុំរួមវិភាគទាន ដើម្បីរួមចំណែកជាក់ស្តែងក្នុងការកសាងឃុំជនបទថ្មីនិងឈានឆ្ពោះកសាងឃុំជនបទថ្មីកម្រិតខ្ពស់”៕

សើុងម៉ាល័យ-មុនី

ចែករំលែកអត្ថបទ

ពាក្យគន្លឹះ