មហាសាមគ្គីជនជាតិ គំរូក្នុងសហគមន៍

09/09/2024 - 15:46

ចាកភាពក្រីក្រដោយការចិញ្ចឹមសត្វ

ដោយបានការជំនួយពីប្រភពទុនគោលនយោបាយ លោកហ្វិញខេន នៅភូមិទឹកប្រៃ២ ឃុំឡុងភូ ស្រុកឡុងភូ ខេត្តសុកត្រាំង បានរួចចាកផុតភាពក្រីក្រ ដោយសារទម្រង់ចិញ្ចឹមសត្វ។

លោកហ្វិញខេន កំពុងដាក់ស្មៅគោ។

ដោយគ្រួសារក្រីក្រ ថែមទាំងកូនច្រើន បានជាប្តីប្រព័ន្ធលោកខេន តែងតែដើរស៊ីឈ្នួលដើម្បីផ្កត់ផ្គង់ជីវភាពនិងរស់នៅក្នុងផ្ទះស្លឹកតូចមួយ។ ប៉ុន្មានឆ្នាំមកនេះ ដោយបានការជំនួយរបស់រដ្ឋអំពីលំនៅឋាននិងបុលទុនអាទិភាពដើម្បីចិញ្ចឹមជ្រូក ចិញ្ចឹមគោ បានជួយឱ្យគ្រួសារលោកខេន មានបង្កលក្ខណៈឈានឡើងក្នុងជីវភាព។

តាមសម្ដីលោកខេន ក្នុងរយៈពេល៥ឆ្នាំមកនេះ គ្រួសាររបស់គាត់បានជំនួយបុលទុនអាទិភាពជាង ២០០ លានដុង ដើម្បីចិញ្ចឹមសត្វ ចំណែកកូនៗបានរដ្ឋអំណាចណែនាំឱ្យទៅធ្វើការនៅក្រុមហ៊ុននានាក្នុងនិងក្រៅខេត្ត ទើបមានប្រាក់ចំណូលកែលម្អជីវភាព។ លោកខេន រៀបរាប់៖ “ប៉ុន្មានឆ្នាំមកនេះ ខ្ញុំដើរធ្វើការស៊ីឈ្នួលគ្រប់យ៉ាង ដូចជា ធ្វើសំណង់ បាចជី បាញ់ថ្នាំ លីស្រូវជាដើម បានត្រឹមតែគិតគូរជីវភាពប្រចាំថ្ងៃ។ នៅពេលដែលរដ្ឋបានឱ្យបុលទុនជំនួយគោ ២ ក្បាល ជ្រូក ២ ក្បាល និងណែនាំពីបច្ចេកទេសក្នុងការចិញ្ចឹមសត្វ ខ្ញុំតាំងចិត្តខំប្រឹងរកស៊ីដើម្បីចាកភាពក្រីក្រ” ។ លោកខេន បានវិនិយោគសង់ទ្រុងជ្រូក រោងគោ និងដាំស្មៅជុំវិញផ្ទះដើម្បីចិញ្ចឹមគោនិងជ្រូក។ ដោយសារការចិញ្ចឹមសត្វសមប្រកបជ្រូកមេ ២ កើតកូនបានជាង ២០ ក្បាល គាត់ទុកចិញ្ចឹម ១០ ក្បាល ចំនួនក្រៅពីនោះគាត់លក់ក្នុងមួយក្បាល ១,៤ លានដុង ដើម្បីយកប្រាក់ដោះស្រាយជីវភាព។ ចំណែកគោកើតមកចិញ្ចឹមបាន ៧-៨ ខែ លក់បានជាង ៧ លានដុងក្នុងមួយក្បាល។ តាមការគិតរបស់លោកខេន ជាមធ្យមជ្រូកសាច់មួយក្បាលក្រោយពីផាត់ទាត់រួច នៅចំណេញប្រហែល ៤,៥ លានដុងក្នុងមួយក្បាល។

អាស្រ័យយល់ច្បាស់អំពីបច្ចេកទេសថែទាំ ទើបហ្វូងគោរបស់គ្រួសារលោកខេនធាត់ធំល្អ។

ដោយរស់នៅចេះសន្សំសំចៃ និងប្រឹងប្រែងក្នុងការរកស៊ី បន្ទាប់ពីសន្សំសំចៃជាច្រើនឆ្នាំនិងប្រាក់ដែលកូនៗផ្ញើមកដើមឆ្នាំ ២០២៤ លោកខេន បានសង់ផ្ទះមួយខ្នងគិតតម្លៃជាង ៤០០ លានដុង។ នេះជាក្តីរីករាយនិងសុភមង្គលដែលលោកខេន មិនដែលហ៊ានស្រមៃដល់។ លោកខេន អំណួត៖ “អាយុជិត៦០ឆ្នាំ ជីវិតខ្ញុំទើបមានផ្ទះស្រស់ស្អាតមួយនៅ ហើយកូនរបស់ខ្ញុំ៤នាក់មានការងារធ្វើនៅក្នុងក្រុមហ៊ុន មានប្រាក់ចំណូលលំនឹង ចំណែកកូនពៅកំពុងរៀនសាលាមហាវិទ្យាល័យគរុកោសល្យ។ ភាពសប្បាយរីករាយនិងសុភមង្គលរបស់គ្រួសារខ្ញុំ គឺដោយសារការជំនួយរបស់រដ្ឋ និងការយកចិត្តទុកដាក់របស់រដ្ឋអំណាចមូលដ្ឋាន បង្កលក្ខណៈឱ្យគ្រួសារប្រជាជនក្រីក្រអភិវឌ្ឍន៍សេដ្ឋកិច្ច”។

ដើម្បីឱ្យមានហ្វូងជ្រូកនិងហ្វូងគោ មានភាពរីកចម្រើនល្អ លោកខេន តែងសម្អាតរោងគោ ទ្រុងជ្រូកឱ្យបានស្អាតបាត និងស្រឡះស្រឡំ មានខ្យល់អាកាសចេញចូល ចេះរបៀបថែទាំ និងចាក់វ៉ាក់សាំងបានគ្រប់គ្រាន់ដល់ហ្វូងគោ និងជ្រូក។ អាស្រ័យហេតុនេះ ហ្វូងជ្រូកនិងគោ បានធាត់ធំល្អ មានអាជីវករជាច្រើនមកទិញ បច្ចុប្បន្នលោកខេន កំពុងពង្រីកទម្រង់ចិញ្ចឹមបន្ថែម។ លោកសើុងតុង លេខាបក្សភូមិទឹកប្រៃ ២ មានប្រសាសន៍៖ “ប្តីប្រព័ន្ធលោកហ្វិញខេន ស៊ូលំបាកខិតខំធ្វើការងាររស់នៅចេះសន្សំសំចៃ ដូច្នេះ ទើបសេះសល់បានសង់ផ្ទះ និងមានប្រាក់ចិញ្ចឹមកូនរៀនសូត្រ។ បច្ចុប្បន្ន ទម្រង់ចិញ្ចឹមសត្វរបស់លោកខេន មិនត្រឹមតែជួយគ្រួសារចាកផុតពីភាពក្រីក្រដោយស្ថិរភាពប៉ុណ្ណោះទេ ព្រមទាំងមានជីវភាពធូរធារនៅភូមិភាគផងដែរ”៕

លីធាន-ត្រឹងរ៉ូន

ចែករំលែកអត្ថបទ

ពាក្យគន្លឹះ