ព្រឹត្តិការណ៍ - នយោបាយ ព្រឹត្តិការណ៍

02/09/2024 - 09:13

បាកលីវ ទទួលថវិកាសាងសង់ផ្ទះ ៤០០ ខ្នងជូនគ្រួសារក្រីក្រ

គណៈកម្មាធិការប្រជាជនខេត្តបាកលីវ ទើបសហការជាមួយធនាគារ Sacombank រៀបចំពិធីប្រគល់ថវិកាសាងសង់ផ្ទះជូនគ្រួសារក្រីក្រ គ្រួសារគោលនយោបាយ ដែលជួបការលំបាកលើភូមិសាស្ត្រខេត្ត។ តាមរយៈនោះ ធនាគារ Sacombank បានប្រគល់ថវិកា ២០ ពាន់លានដុងដល់ខេត្តបាកលីវ ដើម្បីសាងសង់ផ្ទះ ៤០០ ខ្នង ជូនគ្រួសារក្រីក្រ គ្រួសារប្រកៀកបន្ទាត់ក្រ និងគ្រួសារគោលនយោបាយជួបលំបាក។ ជាមធ្យម ផ្ទះមួយខ្នងតម្លៃ ៥០ លានដុង។

លោក ផាមវ៉ាន់ទេវ ប្រធានគណៈកម្មាធិការប្រជាជនខេត្តបាកលីវ (ឈរទី២ រាប់ពីស្តាំ ) ទទួលថវិកាឧបត្ថម្ភពីធនាគារ Sacombank។

លោក ផាមវ៉ាន់ទេវ ប្រធានគណៈកម្មាធិការប្រជាជនខេត្តបាកលីវ សម្ដែងនូវការអរគុណចំពោះមនោសញ្ចេតនាដ៏ជ្រាលជ្រៅសម្រាប់ការចូលរួមដំណើរការរបស់ធនាគារ Sacombank ដែលបានអនុវត្តនូវកម្មវិធីសុខុមាលភាពសង្គមលើភូមិសាស្ត្រខេត្ត។ ទន្ទឹមនឹងនោះ ក៏រំពឹងថានឹងទទួលបានការឧបត្ថម្ភកាន់តែច្រើនជាងទៀតពីធនាគារ។ ការជួយឧបត្ថម្ភរបស់ស្ថាប័ន អាជីវកម្ម គឺជាប្រភពកម្លាំងទឹកចិត្តដ៏ធំធេង បង្កលក្ខណសម្បត្តិដល់ប្រជាជននៅតំបន់លំបាក ពិសេស គឺតំបន់ជនរួមជាតិភាគតិច មានជីវភាពលំនឹង ឈានឡើងចាកភាពក្រីក្រដោយចីរភាព៕

លីធាន-ត្រឹងរ៉ូន

ចែករំលែកអត្ថបទ

ពាក្យគន្លឹះ