គោលនយោបាយ -ការរស់នៅ ច្បាប់

27/08/2024 - 08:51

ប្រើប្រាស់គណនី VNeID ចុះបញ្ជីគណនីដោះដូរពន្ធដារតាមប្រព័ន្ធអេឡិចត្រូនិក

សារាចរលេខ៤៦/២០២៤/TT-BTC វិសោធនកម្មនូវមាត្រាមួយចំនួននៃសារាចរលេខ ១៩/២០២១/TT-BTC ណែនាំដោះដូរអេឡិចត្រូនិកលើវិស័យពន្ធដារ នឹងមានសុពលភាពចាប់ពីថ្ងៃទី២៨ ខែសីហា។

 រូបថតជាឧទាហរណ៍។

អ្នកបង់ពន្ធជាបុគ្គលប្រើប្រាស់គណនី VNeID ជំនួសឱ្យការបង្ហាញអត្តសញ្ញាណប័ណ្ណ លិខិតឆ្លងដែន អត្តសញ្ញាណប័ណ្ណពលរដ្ឋ ដើម្បីចុះបញ្ជីផ្ដល់គណនីដោះដូរអេឡិចត្រូនិកតាមប្រព័ន្ធអនឡាញ ប្រសិនបើ៖ បុគ្គលបានចុះបញ្ជី និងដំណើរការគណនីកំណត់អត្តសញ្ញាណអេឡិចត្រូនិក (VNeID) កម្រិត២; ប្រព័ន្ធកំណត់អត្តសញ្ញាណ ពិនិត្យផ្ទៀងផ្ទាត់អេឡិចត្រូនិក ប្រព័ន្ធសេវាអេឡិចត្រូនិកសាធារណៈរបស់អគ្គនាយកដ្ឋានពន្ធដារបានតភ្ជាប់ដំណើរការ។

អំពីបែបបទ អ្នកបង់ពន្ធចូលទៅកាន់គេហទំព័រអេឡិចត្រូនិករបស់អគ្គនាយកដ្ឋានពន្ធដារ ដើម្បីចុះបញ្ជីតាមប្រព័ន្ធអនឡាញ ចុះហត្ថលេខាអេឡិចត្រូនិកនិងផ្ញើព័ត៌មានទៅកាន់គេហទំព័រព័ត៌មាន។ នៅជំហាននេះ អ្នកបង់ពន្ធត្រូវបានប្រើប្រាស់គណនី VNeID កម្រិត២ ជំនួសឱ្យឯកសារផ្ទាល់ខ្លួនផ្សេងៗ។

បន្ទាប់មក គេហទំព័រព័ត៌មានអេឡិចត្រូនិក នឹងផ្ញើពត៌មានទៅកាន់ Email ឬលេខទូរស័ព្ទ ដែលបានចុះបញ្ជីយឺតបំផុត១៥នាទី បន្ទាប់ពីបានទទួលឯកសារចុះបញ្ជីតាមប្រព័ន្ធអនឡាញ។ នៅពេលការចុះបញ្ជីសម្រេចជោគជ័យ អ្នកបង់ពន្ធអាចអនុវត្តការដោះដូរផ្សេងៗ៕

យោងតាម៖ កាសែតតៀងផុង-ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ