គោលនយោបាយ -ការរស់នៅ គោលនយោបាយ

27/08/2024 - 08:51

ជនបទថ្មីផ្ដល់ "ផ្លែផ្កា"

ជាមួយនឹងសេចក្ដីសម្រេចលេខ៧៥០/QĐ-TTg របស់នាយករដ្ឋមន្រ្តីនៃរដ្ឋាភិបាល ថ្វយសើុង បានក្លាយជាស្រុកជនបទថ្មីមុនដំបូងគេក្នុងខេត្តអាងយ៉ាង។ នេះជា "ផ្លែផ្កា" បន្ទាប់ពីខិតខំប្រឹងប្រែងជម្នះការលំបាករយៈពេលកន្លងមក ជាមូលដ្ឋាននិងជាកម្លាំងចលករសម្រាប់ខេត្តអាងយ៉ាង ឆ្ពោះទៅកាន់ទិសដៅកសាងជនបទថ្មី ក្លាយជា "តំបន់ជនបទគួរជាទីរស់នៅ” ជាទីតាំងគួរឱ្យវិលត្រឡប់មកនិងទាក់ទាញភ្ញៀវទេសចរ។

ការកសាងជនបទថ្មី ធ្វើឱ្យស្រុកភូមិកាន់តែមានភាពរីកចម្រើន។

ឆ្នាំ២០១៨ ថ្វយសើុង មានកិត្តិយសក្លាយជាស្រុកជនបទថ្មីមុនដំបូងគេក្នុងខេត្តសម្រេចដំណើរការមុន១ឆ្នាំបើប្រៀបផ្ទឹមនឹងផែនការដាក់ចេញ។ មិនបពា្ឈប់ត្រឹមសមិទ្ធផលសម្រេចបានប៉ុណ្ណោះទេ បក្ខភាគ រដ្ឋអំណាចនិងប្រជាជនតំបន់ថ្វយសើុង បន្តការខិតខំប្រឹងប្រែង ដើម្បីសម្រេចលក្ខឋានស្រុកជនបទថ្មីកម្រិតកម្ពស់។

“ផ្លែផ្កា” សម្រាប់ការខិតខំប្រឹងប្រែង នោះគឺ មកទល់បច្ចុប្បន្ន ទាំង១៤ឃុំរបស់ស្រុកសុទ្ធតែសម្រេចបទដ្ឋានជាឃុំជនបទថ្មីកម្រិតខ្ពស់ ក្នុងនោះ មានឃុំជនបទថ្មីគំរូចំនួន២ (ឃុំដិញថាញ់ គំរូខាងវិស័យរៀបចំផលិតកម្ម ឃុំវិញត្រាច់ គំរូខាងវិស័យអប់រំ); មានទីប្រជុំជនសម្រេចបទដ្ឋានក្រុងស៊ីវិល័យចំនួន៣។ នេះជាមូលដ្ឋានដើម្បីឧបនាយករដ្ឋមន្រ្តីនៃរដ្ឋាភិបាល ត្រឹងលឺវក្វាង ចុះហត្ថលេខាលើសេចក្ដីសម្រេចលេខ ៧៥០/QĐ-TTg កាលពីថ្ងៃទី១/៨/២០២៤ ទទួលស្គាល់ស្រុកថ្វយសើុង សម្រេចបទដ្ឋានស្រុកជនបទថ្មីកម្រិតខ្ពស់ឆ្នាំ២០២៣។

សមិទ្ធផលស្រុកជនបទថ្មីកម្រិតខ្ពស់របស់ស្រុកថ្វយសើុង គឺពិតជាសក្ដិសមណាស់។ ចាប់អំពីមជ្ឈមណ្ឌលក្រុងឡុងស្វៀង ចូលទៅស្រុកថ្វយសើុង តាមផ្លូវខេត្តលេខ៩៤៣ មនុស្សគ្រប់គ្នាតែងចូលចិត្តធ្វើដំណើរលើដងផ្លូវខេត្តដែលបានប្រសិទ្ធនាមថា “ស្អាតបំផុតនៅខេត្តអាងយ៉ាង” នាបច្ចុប្បន្ន ដោយមានដើមផ្កាត្របែកព្រៃនិងដើម ក្ងោកចម្រុះពណ៌ពីរជួរនៅសងខាងផ្លូវ។ ចំពោះផ្លូវឃុំជិត៤៣គីឡូម៉ែត្រត្រូវបានកសាងរឹងមាំ ១០០% ចាប់ពីឆ្នាំ២០១៨ មកទល់បច្ចុប្បន្ន សុទ្ធតែបានវិនិយោគលើការកសាងធានាផ្នែកសំណង់ សុវត្ថិភាពចរាចរណ៍ ដាំដើមឈើធ្វើជាម្លប់។

ជាមួយនឹងផ្លូវភូមិនិងផ្លូវភូមិភ្ជាប់ភូមិចំនួន៣១ មានប្រវែងសរុប១១៨,៨៣គីឡូម៉ែត្រត្រូវបានចាក់កៅស៊ូ១០០% ឬចាក់បេតុងសម្រេចបទដ្ឋាន កើន៤០គីឡូម៉ែត្របើប្រៀបធៀបនឹងឆ្នាំ២០១៨។ ដូចគ្នានោះដែរ ផ្លូវលំ ផ្លូវភូមិចំនួន២១មានប្រវែងសរុប១៩,៤គីឡូម៉ែត្រត្រូវបានវិនិយោគកសាងរឹងមាំ ធានាភ្លឺ - បៃតង - ជ្រះ - ស្អាត។ ក្នុងចំណោមប្រជាជនចំនួន៣១.៧៦៦គ្រួសារ នៅ១៤ឃុំជនបទថ្មីកម្រិតខ្ពស់ គឺមានប្រជាជន២៧.៩០៩គ្រួសារ មានផ្ទះរឹងមាំឬពាក់កណ្ដាល រឹងមាំ ស្រូបអត្រា៨៧,៨៦%។

អនុប្រធានការិយាល័យសម្របសម្រួលជនបទថ្មីខេត្តអាងយ៉ាង ផាមថាយប៊ិញ ឱ្យដឹង៖ ពេលចាប់ផ្ដើមផ្សព្វផ្សាយកសាងជនបទថ្មី(ឆ្នាំ២០១១) ចំណុចចាប់ផ្ដើមរបស់ខេត្តមានកម្រិតទាប មានចំនួនឃុំជាង៩០% (១០៨/១១៩ឃុំ) សម្រេចមិនដល់៥លក្ខឋាន; លក្ខណៈថវិកានិងការកៀគរប្រភពកម្លាំងក្នុងសង្គមនៅជួបលំបាកច្រើន។ ទោះបីដូច្នោះក្ដី ជាមួយនឹងការខិតខំប្រឹងប្រែងយ៉ាងពេញទំហឹងមកទល់ពេលនេះ ទូទាំងខេត្តមានឃុំសម្រេចបទដ្ឋានជនបទថ្មី៧៦/១១០ (មានអត្រា៦៩%) មធ្យមភាគក្នុងមួយឃុំមាន១៧លក្ខឋាន; ឃុំជនបទថ្មីកម្រិតខ្ពស់ចំនួន៣៤; ឃុំជនបទថ្មីគំរូ២; មានភូមិចំនួន១៤នៅតាមឃុំព្រំដែន ឃុំលំបាកសម្រេចបទដ្ឋានភូមិជនបទថ្មី៕

យោង៖ កាសែតអាងយ៉ាង-ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ