ព្រឹត្តិការណ៍ - នយោបាយ ព្រឹត្តិការណ៍

27/08/2024 - 08:51

ក្រុងកឹងធើ៖

ផ្ដោតការយកចិត្តទុកដាក់អប់រំបណ្ដុះបណ្ដាល ដើម្បីបង្កកម្លាំងចលករអភិវឌ្ឍន៍ប្រទេសជាតិលឿនរហ័សនិងនិរន្តរភាព

នាយករដ្ឋមន្ត្រី ផាមមិញជិញ ទើបដឹកនាំកិច្ចប្រជុំបូកសរុបឆ្នាំសិក្សា២០២៣-២០២៤ ផ្សព្វផ្សាយអនុវត្តភារកិច្ចឆ្នាំសិក្សា ២០២៤-២០២៥។ កិច្ចប្រជុំត្រូវបានរៀបចំឡើងតាមប្រព័ន្ធអនឡាញ តភ្ជាប់បណ្ដាញពីហាណូយ ជាមួយនឹងខេត្តក្រុងទាំង ៦៣ ចំណុះមជ្ឈិម។

អ្នកតំណាងចូលរួមកិច្ចប្រជុំនៅទីតាំងតភ្ជាប់បណ្ដាញក្រុងកឹងធើ។ រូបថតៈ ប៊ិចង៉ុក

ឆ្នាំសិក្សា ២០២៣-២០២៤ ទូទាំងប្រទេសមានគ្រឹះស្ថានអប់រំមត្តេយ្យសិក្សា បឋមសិក្សា មធ្យមសិក្សាមូលដ្ឋាន មធ្យមសិក្សាចំណេះទូទៅរដ្ឋចំនួន៣៨.២៦០; មានសិស្សានុសិស្ស ២១ លាននាក់; គ្រូបង្រៀនជាង១,២៥ លាននាក់។ ផ្នែកអប់រំនិងបណ្ដុះបណ្ដាល បានរៀបចំបូកសរុប ១០ ឆ្នាំអនុវត្តសេចក្ដីសម្រេចលេខ ២៩-NQ/TW; ក្នុងនោះ អនុវត្តន៍ប្រកបដោយប្រសិទ្ធភាពកម្មវិធីអប់រំចំណេះទូទៅ ២០១៨ ។ គុណភាពអប់រំមុខព្រួញបន្តត្រូវបានអំណះអំណាង តាមរយៈលទ្ធផលនៃការប្រឡង សមោសរថ្នាក់ជាតិនិងអន្តរជាតិ។ ទូទាំងផ្នែកអប់រំបានសម្រេច១០០% ការកសាងមូលដ្ឋាន ទិន្នន័យរបស់ផ្នែកអប់រំ ចាប់ពីមត្តេយ្យសិក្សាដល់មធ្យមសិក្សាចំណេះទូទៅ ភ្ជាប់មូលដ្ឋានទិន្នន័យផ្នែកអប់រំជាមួយមូលដ្ឋានទិន្នន័យជាតិអំពីប្រជាជន និងធានារ៉ាប់រង ។ល។ កម្រិតមហាវិទ្យាល័យវៀតណាមមានគ្រឹះស្ថានអប់រំមហាវិទ្យាល័យចំនួន៦ស្ថិតក្នុងតារាងរៀបចំណាត់ថ្នាក់មហាវិទ្យាល័យទូទាំងពិភពលោកឆ្នាំ២០២៥ (QS WUR 2025); មានមហាវិទ្យាល័យចំនួន ៦ ស្ថិតក្នុងតារាងរៀបចំណាត់ថ្នាក់មហាវិទ្យាល័យអាស៊ី ល្អបំផុតឆ្នាំ២០២៤ (តាមលទ្ធផលរៀបចំណាត់ថ្នាក់របស់អង្គការ Times Higher Education) ។

ឆ្នាំសិក្សា២០២៥ គឺជាឆ្នាំដំបូងនៃការរៀបចំប្រឡងសញ្ញាបត្រមធ្យមសិក្សាចំណេះទូទៅ តាមកម្មវិធីសិក្សាអប់រំចំណេះទូទៅថ្មី នាយករដ្ឋមន្ត្រី សង្កត់ធ្ងន់ ក្រសួងអប់រំនិងបណ្ដុះបណ្ដាលទទួលរ៉ាប់រង រួមជាមួយនឹងក្រសួងស្ថាប័ននិងភូមិភាគ ត្រៀមលក្ខណៈឱ្យបានហ្មត់ចត់រៀបចំការប្រឡង ធានាគុណភាព សុវត្ថិភាព ម៉ឺងម៉ាត់ ប្រសិទ្ធភាព ជាក់ស្ដែង មានសណ្ដាប់ធ្នាប់ កាត់បន្ថយសម្ពាធ បង្កលក្ខណៈងាយស្រួលដល់សិស្ស; កសាង ពិនិត្យផ្ទៀងផ្ទាត់ កែសម្រួល បំពេញបន្ថែមគោលនយោបាយ របបអាទិភាពចំពោះកងជួរគ្រូបង្រៀនឱ្យបានសមស្រប; អនុវត្តការជ្រើសរើស រៀបចំរចនាសម្ព័ន្ធកងជួរគ្រូបង្រៀនក្របខណ្ឌដែលបានប្រគល់ឱ្យ សំដៅធានាគោលការណ៍ “មានសិស្សត្រូវមានគ្រូបង្រៀន” និងសមស្របជាមួយនឹងភាពជាក់ស្ដែង៕

ប៊ិចង៉ុក-ពេជ្រសឿន

ចែករំលែកអត្ថបទ

ពាក្យគន្លឹះ