វណ្ណកម្មចម្លាក់ “ញ៉ឹកឡុងយ៉ាង” របស់លោកសើុងកេវផុង នៅភូមិសំរោង សង្កាត់៨ ក្រុងត្រាវិញ ខេត្តត្រាវិញ ទើបបានអង្គការឯតទគ្គកម្មអាស៊ីជូនប័ណ្ណបង្កើតឯតទគ្គកម្មអាស៊ី។ នេះជាវណ្ណកម្មចម្លាក់នៅលើគល់ឈើទាលទាំងមូលពីរមុខដោយមានបធានបទស្ដីពីវប្បធម៌ ប្រវត្តិសាស្រ្ត និងធម្មជាតិដែលសម្រេចឯតទគ្គកម្មអាស៊ី នៅថ្ងៃទី៣០ ខែមិថុនា ឆ្នាំ២០២៤ អាស្រ័យសិប្បករឆ្នើមសើុងសុខ ជាអ្នកឆ្លាក់។
!["ញ៉ឹកឡុងយ៉ាង"-ឯតទគ្គកម្មអាស៊ី](https://baocantho.com.vn/image/fckeditor/upload/2024/20240723/images/khmer/81.jpg)
អ្នកតំណាងថតរូបអនុស្សាវរីយ៍ក្បែរវណ្ណកម្ម “ញ៉ឹកឡុងយ៉ាង”។
!["ញ៉ឹកឡុងយ៉ាង"-ឯតទគ្គកម្មអាស៊ី](https://baocantho.com.vn/image/fckeditor/upload/2024/20240723/images/khmer/82.jpg)
លោកង្វៀងម៉ាញ់គ្វី (ខាងឆ្វេង) និងលោកហាផឿកយ៉ុង ជូនប័ណ្ណបង្កើតឯតទគ្គកម្ម
អាស៊ីដល់លោកសើុងកេវផុង។
!["ញ៉ឹកឡុងយ៉ាង"-ឯតទគ្គកម្មអាស៊ី](https://baocantho.com.vn/image/fckeditor/upload/2024/20240723/images/khmer/83.jpg)
!["ញ៉ឹកឡុងយ៉ាង"-ឯតទគ្គកម្មអាស៊ី](https://baocantho.com.vn/image/fckeditor/upload/2024/20240723/images/khmer/84.jpg)
ផ្នែកខាងមុខនិងផ្នែកខាងក្រោយនៃវណ្ណកម្ម “ញ៉ឹកឡុងយ៉ាង”។
សិប្បករឆ្នើមសើុងសុខ ជាជាងចម្្លាក់ឈើនៅវត្តកំពង់ជ្រៃ អនុសង្កាត់៤ ទីរួមស្រុកចូវថាញ់ ស្រុកចូវថាញ់ ខេត្តត្រាវិញ។ សិប្បករឆ្នើមសើុងសុខ ឱ្យដឹង៖ “តាំងពីមុនរហូតដល់បច្ចុប្បន្ន ខ្ញុំឆ្លាក់វណ្ណកម្មជាច្រើនប្រភេទ ពិសេស វណ្ណកម្មតូចនិងមធ្យមអំពីគល់ឈើតាមការបញ្ជាទិញរបស់អតិថិជន ដូចជា៖ រូបសត្វតំណាង ឆ្នាំទាំង១២ នាគ ពស់ ស្វាជាដើម ខ្ញុំបានលោក សើុងកេវផុង អញ្ជើញមកឆ្លាក់វណ្ណកម្ម “ញ៉ឹកឡុងយ៉ាង” ពីគល់ឈើទាលយក្សដែលមានអាយុកាលជាង៣០០ឆ្នាំ ទំហំ ៦ម៉x៤ម៉ មានទម្ងន់ ៨,៧តោន។ នេះជាវណ្ណកម្មមួយដ៏លំបាកដែលខ្ញុំឆ្លាក់ចាប់ពីខែធ្នូ ឆ្នាំ២០២០ ដល់ខែកុម្ភៈ ឆ្នាំ ២០២២ ទើបសម្រេចរួចរាល់ តាមគំនិតរបស់លោកសើុងកេវផុង ដែលជាម្ចាស់កម្មសិទ្ធិ”។
វណ្ណកម្មចែកជា២ផ្នែក៖ ផ្នែកខាងមុខនៃវណ្ណកម្មគឺឆ្លាក់សត្វតំណាងឆ្នាំទាំង១២ នៅជុំវិញគែមនៃវណ្ណកម្មមានព្រាបស១២ក្បាល តំណាងឱ្យសន្តិភាព រុងរឿងនិងសេរីភាព។ នៅមជ្ឈមណ្ឌលផ្នែកខាងមុខមាននាឡិកាធំមួយ បង្ហាញពីរូបភាពផែនទីប្រទេសវៀតណាម រួមមានប្រជុំកោះតូច និងធំ និមិត្តរូបវិមានបាឌិញ រូបភាពកប៉ាល់ដែលធ្លាប់នាំយុវជនង្វៀងតឹកថាញ់ ចេញទៅរកផ្លូវសង្គ្រោះជាតិ... ជុំវិញនាឡិកាគឺជារូបភាពបក្សីឡាក១២ក្បាល សំកាំងស្លាបហើរជានិមិត្តរូបនៃប្រពៃណីវប្បធម៌ដ៏យូរលង់របស់ប្រជាជនវៀតណាម។ ក្រៅពីនោះ មានរូបភាពខ្លោងទ្វារត្រាវិញ កាលពីមុន។ ក្នុងចំណោមសត្វតំណាងឆ្នាំទាំង ១២ ពិសេសគឺសត្វនាគ ព្រោះសត្វនាគត្រូវបានចាត់ទុកថា ជាប្រភេទសត្វដែលទាក់ទងជាមួយវប្បធម៌ខ្មែរណាមបូ។ ចំណែកផ្នែកខាងក្រោយនៃវណ្ណកម្មគឺឆ្លាក់រូបសត្វចំនួន៧០ប្រភេទដែលរស់នៅតំបន់ទាំង៣ ដូច៖ ក្នុងទឹក លើដី និងលើអាកាស ជានិមិត្តរូបភាពសម្បូរបែបនៃធម្មជាតិ ក៏ដូចជាការរំលឹកអំពីការអភិរក្សធនធានធម្មជាតិ និងប្រភេទសត្វដែលកម្រ។
លោកហាផឿកយ៉ុង ប្រធានអភិវឌ្ឍន៍ឯតទគ្គកម្មវៀតណាម ឱ្យដឹង៖ “វណ្ណកម្មចម្លាក់ “ញ៉ឹកឡុងយ៉ាង” របស់លោកសើុងកេវផុង គឺជាវណ្ណកម្មពិសេសប្លែកពីគេដោយមានគំនិតល្អ មានមួយគ្មានពីរ ហើយគ្មានគូប្រជែង។ ផ្ដើមពីនោះ វណ្ណកម្មត្រូវបានបង្កើតឯទគ្គកម្មវៀតណាម យោងតាមសេចក្តីសម្រេចលេខ ២៨២៩/KLVN/២០២២ ចុះថ្ងៃទី២៧ ខែតុលា ឆ្នាំ២០២២ ដល់ថ្ងៃទី៣០ ខែមិថុនា ឆ្នាំ២០២៤ ដោយបានការផ្ទេរសិទ្ធិរបស់អង្គការឯតទគ្គកម្មអាស៊ីឱ្យតំណាងអង្គការឯតទគ្គកម្មវៀតណាមចាត់តាំងពិធីប្រកាសនិងប្រគល់ប័ណ្ណបង្កើតឯតទគ្គកម្មអាស៊ីដល់ឯតទគ្គជនសើុងកេវផុងជាមួយវណ្ណកម្ម “ញ៉ឹកឡុងយ៉ាង”៕
អត្ថបទនិងរូប៖ ទីទុយ