មហាសាមគ្គីជនជាតិ ភូមិស្រុកផ្លាស់ថ្មី

15/07/2024 - 14:46

ធ្វើឱ្យសុក្រឹតហេដ្ឋារចនាសម្ព័ន្ធគមនាគមន៍ ដើម្បីកសាងជនបទថ្មី

កំណត់ច្បាស់ការកសាងហេដ្ឋារចនាសម្ព័ន្ធគមនាគមន៍ជនបទ គឺជាលក្ខឋានដ៏សំខាន់សម្រាប់ការអភិវឌ្ឍសេដ្ឋកិច្ច-សង្គម លើកកម្ពស់ជីវភាពរស់នៅរបស់ប្រជាជន រួមចំណែកក្នុងការអនុវត្តសម្រេចរួចរាល់នូវលក្ខឋានឃុំជនបទថ្មីកម្រិតខ្ពស់។ អាស្រ័យហេតុនេះ ក្នុងរយៈពេលកន្លង ឃុំគឹមហ្វា ស្រុកកូវង៉ាង ខេត្តត្រាវិញ បានឆ្លៀតឱកាសពីការឧបត្ថម្ភរបស់រដ្ឋ ពិសេសគឺប្រភពកម្លាំងរបស់ប្រជាជន ដើម្បីកសាងនិងធ្វើឱ្យសុក្រឹតផ្លូវគមនាគមន៍ជនបទ រួមចំណែកកសាងជនបទថ្មីកម្រិតខ្ពស់។

ភូមិយ៉ឿត្រូវបានវិនិយោគកសាងផ្លូវគមនាគមន៍យ៉ាងសមរម្យ។

ឃុំគឹមហ្វា មានផ្លូវស្នូល២ខ្សែ មានប្រវែងសរុប៨គីឡូម៉ែត្របានក្រាលកៅស៊ូរួចរាល់ធានារថយន្តបើកបរងាយស្រួល; ផ្លូវក្នុងភូមិនិងតភ្ជាប់ភូមិ៦ ខ្សែ បានធ្វើឱ្យរឹងមាំ មានប្រវែង១៤,៤ គីឡូម៉ែត្រ; ផ្លូវច្រក១៧ ខ្សែ មានប្រវែង១៦.៥ គីឡូម៉ែត្រ... ដើម្បីសម្រេចនូវលក្ខឋានគមនាគមន៍ក្នុងការកសាងឃុំជនបទថ្មីកម្រិតខ្ពស់នៅចុងឆ្នាំ២០២៤ ឃុំបានប្រើប្រាស់ប្រភពទុនរបស់ស្រុក ខេត្ត វិនិយោគលើផ្លូវដាន ភូមិយ៉ឿប្រវែង១គីឡូម៉ែត្រ ប្រភពទុនសរុបជិត៥០០លានដុង; បង្កើនកម្រិតនិងជួសជុលផ្លូវដាននៅភូមិត្រាកូង ថវិកាសរុប៥១៧លានដុង; ផ្លូវដានក្នុងភូមិគឹមហ្វា ថវិកាសរុបជាង១ពាន់លានដុង; ផ្លូវដានភូមិគឹមកូវ និងភូមិយ៉ឿ សរុបថវិកាសរុប១,៤ពាន់លានដុង។ ពេលផ្លូវគមនាគមន៍ជនបទទាំងនេះសម្រេចរួចរាល់ ឃុំគឹមហ្វា សម្រេចលក្ខឋានឃុំជនបទថ្មីកម្រិតខ្ពស់តាមសេចក្ដីកំណត់។ លោកគៀងឡាញ់ នៅភូមិយ៉ឿ ឱ្យដឹង៖ “ឃើញភូមិយើងនៅជួបការលំបាកច្រើន សាខាបក្សនិងអង្គការមហាជនភូមិ មិនទាន់មានទីស្នាក់ការគណៈកម្មការប្រជាជនភូមិសម្រាប់ប្រជុំ ខ្ញុំក៏ពិភាក្សាជាមួយគ្រួសារបរិច្ចាគដី៥០០ម៉ែត្រការ៉េ ដើម្បីធ្វើទីស្នាក់ការនិងផ្លូវដាន”។

ផ្លូវគមនាគមន៍ជនបទនៅឃុំគឹមហ្វា កាន់តែមានភាពសុក្រឹត។

លោក វ៉វ៉ាន់ណាវ ប្រធានគណៈកម្មាធិការប្រជាជនឃុំគឹមហ្វា ឱ្យដឹង៖ “ឃុំប្រើប្រាស់ប្រភពទុនរបស់ស្រុក ខេត្ត និងមជ្ឈិម ដើម្បីវិនិយោគកសាងផ្លូវគមនាគមន៍ជនបទ។ ចំពោះមុខ ឃុំបានធ្វើការបែងចែកផ្លូវណាដែលត្រូវអាទិភាពកសាងមុន។ ជាងនេះទៅទៀត ការចលនាប្រជាជនបរិច្ចាគដី ឈើហូបផ្លែនិងដំណាំ ដើម្បីធ្វើផ្លូវជនបទក៏បានឃុំយកចិត្តទុកដាក់ផងដែរ ដោយការអនុវត្តល្អការឃោសនា ចលនា ពង្រីកលក្ខន្តិកៈប្រជាធិបតេយ្យក្នុងប្រជាជន ម៉្លោះហើយការបរិច្ចាគដី ដំណាំឈើហូបផ្លែសម្រាប់ធ្វើផ្លូវជនបទ បានប្រជាជនគាំទ្រយ៉ាងសកម្ម។ អាស្រ័យការយកចិត្តទុកដាក់អភិវឌ្ឍផ្លូវគមនាគមន៍ជនបទ បច្ចុប្បន្ន ផ្លូវគមនាគមន៍ជនបទរបស់ឃុំគឹមហ្វា ត្រូវបានកសាងសម្រេចរួចរាល់ បង្កភាពងាយស្រួលដល់ការធ្វើដំណើរទៅមក ដឹកជញ្ជូនទំនិញនៅលើភូមិសាស្រ្ត រួមចំណែកអភិវឌ្ឍន៍សេដ្ឋកិច្ច-សង្គម ខិតខំប្រឹងប្រែងកសាងសម្រេចបទដ្ឋានឃុំជនបទថ្មីលើកកម្ពស់នៅពេលខាងមុខ”៕

សើុងម៉ាល័យ-ទីទុយ

ចែករំលែកអត្ថបទ

ពាក្យគន្លឹះ