ព្រឹត្តិការណ៍ - នយោបាយ ព្រឹត្តិការណ៍

08/07/2024 - 16:58

ធ្វើអង្កេត ប្រមូលព័ត៌មានសេដ្ឋកិច្ច- សង្គមរបស់ជនជាតិភាគតិចទាំង ៥៣ ជនជាតិ

លោក ណុងក្វឹកត្វឹង អនុរដ្ឋមន្ត្រី អនុប្រធានគណៈកម្មាធិការជនជាតិ រួមជាមួយនឹងក្រុមការងារមជ្ឈិម ទើបអញ្ជើញចូលរួមពិធីបើកយុទ្ធនាការធ្វើអង្កេត ប្រមូលព័ត៌មានអំពីតថភាពសេដ្ឋកិច្ច-សង្គមរបស់ជនជាតិភាគតិចទាំង ៥៣ ជនជាតិ ឆ្នាំ២០២៤ នៅទីរួមខេត្តវិញចូវ ខេត្តសុកត្រាំង។

លោក ណុងក្វឹកត្វឹង អនុរដ្ឋមន្ត្រី អនុប្រធានគណៈកម្មាធិការជនជាតិ
ថ្លែងក្នុងពិធីបើកយុទ្ធនាការធ្វើអង្កេត។

អ្នកតំណាងទាំងឡាយចូលរួមក្នុងពិធីបើកយុទ្ធនាការធ្វើអង្កេត។

តាមប្រសាសន៍លោក ណុងក្វឹកត្វឹង អនុរដ្ឋមន្ត្រី អនុប្រធានគណៈកម្មាធិការជនជាតិ ការធ្វើអង្កេតលើកទីបីនេះ ត្រូវបានអនុវត្តរហូតដល់ផុតថ្ងៃទី ១៥ ខែសីហា ឆ្នាំ២០២៤ មានអត្ថន័យយ៉ាងសំខាន់។ ឆ្លងតាមរយៈការធ្វើអង្កេត នឹងបង្ហាញទិន្នន័យនិងភ័ស្តុតាងជាទីទុកចិត្ត ដើម្បីជួយស្ថាប័នមជ្ឈិម ក៏ដូចជាភូមិភាគនានាតំបន់ជនជាតិភាគតិច អាចនឹងធ្វើការវាយតម្លៃជាក់ស្ដែងអំពីលទ្ធផល អនុវត្តគោលនយោបាយជនជាតិដល់ឆ្នាំ ២០២៥ និងវាយតម្លៃ៥ ឆ្នាំផ្សព្វផ្សាយគម្រោងទូទៅក្នុងការអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាល ២០២១ - ២០៣០ យុទ្ធសាស្រ្តការងារជនជាតិដល់ឆ្នាំ២០៣០; លទ្ធផលអនុវត្តកម្មវិធីទិសដៅជាតិ ក៏ដូចជាលទ្ធផលអនុវត្តការងារជនជាតិ ដំណាក់កាល ២០២១ - ២០២៥ ត្រៀមកសាងកម្មវិធីទិសដៅជាតិ ផែនការអភិវឌ្ឍន៍ដំណាក់កាលបន្តបន្ទាប់ ២០២៦ - ២០៣០; ធ្វើជាមូលដ្ឋានដើម្បីគណៈកម្មាធិការបក្សនិងអង្គការបក្សគ្រប់លំដាប់ថ្នាក់ ត្រៀមធ្វើរបាយការណ៍និងឯកសារបម្រើមហាសន្និបាតបក្សគ្រប់លំដាប់ថ្នាក់ អាណត្តិកាល ២០២៥ - ២០៣០ និងមហាសន្និបាតតំណាងទូទាំងប្រទេស លើកទី XIV របស់បក្ស៕

លីធាន-វិមាន

ចែករំលែកអត្ថបទ

ពាក្យគន្លឹះ