គោលនយោបាយ -ការរស់នៅ ច្បាប់

02/07/2024 - 09:40

អង្កេតនិងប្រមូលព័ត៌មានអំពីតថភាពសេដ្ឋកិច្ច - សង្គមរបស់ជនជាតិភាគតិចទាំង៥៣ជនជាតិ

ចាប់ពីពេលនេះរហូតដល់ថ្ងៃទី១៥ ខែសីហា ឆ្នាំ២០២៤ គណៈកម្មាធិការជនជាតិ សហការជាមួយអគ្គនាយកដ្ឋានស្ថិតិ (ក្រសួងផែនការនិងវិនិយោគ) បើកការអង្កេត និងប្រមូលព័ត៌មានអំពីតថភាពសេដ្ឋកិច្ច- សង្គមរបស់ជនជាតិភាគតិចទាំង៥៣ជនជាតិ។ នេះជាលើកទី៣ ការធ្វើអង្កេតបានរៀបចំឡើង មានវិសាលភាពទូទាំងប្រទេស (ការធ្វើអង្កេតលើកទីដំបូងបានអនុវត្តនៅឆ្នាំ២០១៥ និងលើកទី២ នៅឆ្នាំ២០១៩)។

ចាប់ពីថ្ងៃទី១ ខែកក្កដា ឆ្នាំ២០២៤ ដល់ថ្ងៃទី១៥ ខែសីហា ឆ្នាំ២០២៤ នឹងធ្វើអង្កេតនិងប្រមូលព័ត៌មានអំពីតថភាពសេដ្ឋកិច្ច-សង្គមរបស់ជនជាតិភាគតិចទាំង៥៣ជនជាតិ។

ការធ្វើអង្កេតឆ្នាំ២០២៤ ដោយគោលដៅប្រមូលព័ត៌មានអំពីចំនួនប្រជាជន ស្ថានភាពលំនៅឋានរបស់គ្រួសារជនជាតិភាគតិច និងស្ថានភាពសេដ្ឋកិច្ច-សង្គម ដើម្បីឆ្លុះបញ្ចាំងពីតថភាពសេដ្ឋកិច្ច- សង្គមរបស់ជនជាតិភាគតិចទាំង៥៣ជនជាតិ ដើម្បីចងក្រងនូវភាគកម្រិតស្ថិតិចំណុះប្រព័ន្ធភាគកម្រិតស្ថិតិជាតិ និងប្រព័ន្ធភាគកម្រិតស្ថិតិអំពីការងារជនជាតិ បម្រើការកសាងនិងកំណត់គោលនយោបាយអភិវឌ្ឍន៍សេដ្ឋកិច្ច- សង្គមដល់តំបន់ជនជាតិភាគតិច ដំណាក់កាល២០២៦ - ២០៣០។ ធ្វើជាមូលដ្ឋាន ដើម្បីធ្វើបច្ចុប្បន្នភាពនូវប្រព័ន្ធព័ត៌មាននិងទិន្នន័យស្ថិតិ អំពីជនជាតិភាគតិចនៅវៀតណាម។

មុខសញ្ញាជាគ្រួសារជនជាតិភាគតិច; ចំនួនមនុស្សដែលស្នាក់នៅអចិន្ត្រៃយ៍ពិតប្រាកដនៅក្នុងគ្រួសារជនជាតិភាគតិចគិតចាប់ពីដំណាក់កាលធ្វើអង្កេត (រាប់ទាំងមនុស្សចំណុះកងកម្លាំងប្រដាប់អាវុធដែលកំពុងហូបចុក ស្នាក់នៅក្នុងគ្រួសារ) មិនរាប់បញ្ចូលមនុស្សដែលកំពុងរស់នៅក្នុងតំបន់គ្រប់គ្រងដោយឡែករបស់កងទ័ពនិងនគរបាល; ស្ថានភាពសេដ្ឋកិច្ច សន្តិសុខសង្គម វប្បធម៌ សុខាភិបាល អប់រំរបស់ឃុំចំណុះតំបន់ III តំបន់ II និងតំបន់ I តាមសេចក្តីសម្រេចលេខ ៨៦១/QĐ-TTg ចុះថ្ងៃទី៤ ខែមិថុនា ឆ្នាំ២០២១ របស់នាយករដ្ឋមន្ត្រីនៃរដ្ឋាភិបាល។

ទម្រង់នៃការធ្វើអង្កេតពីតថភាពសេដ្ឋកិច្ច-សង្គមរបស់ជនជាតិភាគតិចទាំង៥៣ជនជាតិ ឆ្នាំ ២០២៤ គឺធ្វើអង្កេតទូទៅ គួបផ្សំនឹងធ្វើអង្កេតជ្រើសរើសជាគំរូ។ ការធ្វើអង្កេតទូទៅ ត្រូវបានអនុវត្តរាល់ឃុំទាំងអស់ចំណុះតំបន់ III តំបន់ II និងតំបន់ I តាមសេចក្តីសម្រេចលេខ ៨៦១/QĐ-TTg (បានធ្វើបច្ចុប្បន្នភាពរហូតដល់ថ្ងៃទី ៣១ ខែឧសភា ឆ្នាំ២០២៤) និងឃុំដែលមិនចំណុះតំបន់ខាងលើ ប៉ុន្តែមានភូមិសាស្រ្តជនជាតិភាគតិច បានជ្រើសធ្វើអង្កេត ដើម្បីប្រមូលភាគកម្រិតអំពីចំនួនប្រជាជនតាមជនជាតិភាគតិចផងដែរ។ ធ្វើអង្កេតជ្រើសរើសជាគំរូ ត្រូវបានអនុវត្តលើវិសាលភាពដូចគ្នានឹងការធ្វើអង្កេតទូទៅ។ ទ្រង់ទ្រាយជ្រើសរើសជាគំរូត្រូវបានបែងចែក ធានាកម្រិតតំណាងត្រឹមថ្នាក់ស្រុកអំពីភាគ កម្រិតមួយចំនួនទាក់ទងប្រជាសាស្រ្តរបស់ជនជាតិនិយាយរួម និងជនជាតិភាគតិចនីមួយៗក្នុងស្រុកនិយាយដោយឡែក។ ចំពោះជនជាតិភាគតិចដែលមានចំនួនប្រជាជនតិចជាង១០.០០០នាក់ក្នុងទូទាំងប្រទេស តាមលទ្ធផលធ្វើអង្កេត ចំនួនប្រជាជនសរុប និងលំនៅឋានឆ្នាំ២០១៩ នឹងបើកការធ្វើអង្កេតទូទៅចំពោះគ្រួសារចំណុះក្រុមជនជាតិភាគតិចនេះ នៅភូមិសាស្រ្តតំបន់ជនជាតិភាគតិច។

តាមអគ្គនាយកដ្ឋានស្ថិតិ សរុបចំនួនស្រុកបានជ្រើសរើសជាគំរូធ្វើអង្កេតកើនពី៤៣៧ស្រុក នៅឆ្នាំ២០១៩ ឡើងដល់៤៧២ ស្រុកនៅឆ្នាំ ២០២៤។ ចំនួនភូមិសាស្រ្តសរុបធ្វើអង្កេតបានជ្រើសរើសជាគំរូ កើនពី១៤.៦៦០ភូមិសាស្រ្ត នៅឆ្នាំ២០១៩ ឡើងដល់១៤.៩២៨ភូមិសាស្រ្ត នៅឆ្នាំ២០២៤។ ធ្វើអង្កេតជនជាតិភាគតិចឆ្នាំ២០២៤ បានអនុវត្តចាប់ពីថ្ងៃទី១ ខែកក្កដា ឆ្នាំ ២០២៤ដល់ថ្ងៃទី១៥ ខែសីហា ឆ្នាំ២០២៤ តាមការរំពឹងទុកនឹងប្រកាសលទ្ធផលក្នុងឆ្នាំ២០២៥៕

PV-បកប្រែ៖ វិមាន

ចែករំលែកអត្ថបទ

ពាក្យគន្លឹះ