រយៈ​ពេល​ជាង​១០ឆ្នាំ​កន្លង​ កីឡា​វាយ​កូន​បាល់​ពិភព​លោក​ ទន្ទឹង​រង់​ចាំ​ជំ​នោរ​ខ្យល់​ថ្មី​ពី​កីឡា​ករ​វ័យ​ក្មេង​។​ មក​ដល់​ឆ្នាំ​នេះ​ ទើប​អ្នក​គាំ​ទ្រ​បាន​ដូច​ចិត្ត​មែន​ ខណៈ​ពេល​ម្ចាស់​ពាន​ជើង​ឯក​ទាំង​២នាក់​នៃ​ទីលាន​ដី​ក្រហម​ដ៏​សំ​ខាន់​បំ​ផុត​ពិភព​លោក​-បារាំង​បើក​ទូលាយ​ គឺជា​កីឡា​ករ​ដែល​ទើប​មាន​អា​យុ​២០​ឆ្នាំ។​

​ ម្ចាស់​ជើង​ឯក​ទាំង​២រូប​នៃ​ពាន​រង្វាន់​បារាំង​ បើក​ទូលាយ​ឆ្នាំ​២០២៤។​ រូប​ថត​៖ អ៊ិនធឺ​ណេត

ស្ថិត​ក្នុង​អា​យុ​២១​ឆ្នាំ​ កីឡា​ករ​វាយ​កូន​បាល់​ជន​ជាតិ​អេ​ស្ប៉ាញ Carlos Alcaraz បាន​គ្រង​តំ​ណែង​ជើង​ឯក​ពាន​រង្វាន់​បារាំង​បើក​ទូលាយ​ ឆ្នាំ​២០២៤ បន្ទាប់​ពី​ផ្តួល​កីឡា​ករ​ដែល​មាន​អា​យុ​ច្រើន​ជាង​ខ្លួន​៦ឆ្នាំ​ មក​ពី​ប្រ​ទេ​ស​អា​លឺម៉ង់ Zverev។​ ការ​ប្រ​កួត​ក្នុង​វគ្គ​ផ្តាច់​ព្រ័ត្រ​គួរ​ឱ្យ​ទស្សនា​ ប៉ុន្តែ​ Alcaraz ហាក់​មាន​ការ​ជឿ​ជាក់​លើ​ខ្លួន​ពេល​ប្រ​ឈម​មុខ​នឹង​រៀមច្បង។​ ជាក់​ស្តែង​ កីឡា​ករ​វាយ​កូន​បាល់​ជន​ជាតិ​អេ​ស្ប៉ាញ មាន​ការ​វិវឌ្ឍន៍​ក្នុង​ការ​ប្រ​កួត​លើក​នេះ​ គឺមាន​ស្មារតី​នឹង​និង​ថ្លឹង​ថ្លែង​កម្លាំង​សម​ស្រប​។​ Alcaraz វាយ​កូន​បាល់​មាន​ទម្ងន់​ជាង​ធ្លាក់​ចំ​បន្ទាត់​ចុង​ទីលាន​ ពិសេស​គឺស្នៀត​បង់​ប្រ​ឡោះ “ល្អ​ឥត​ខ្ចោះ​” នឹក​ស្មាន​មិន​ដល់។​ ជាង​នេះ​ទៅ​ទៀត​ ទោះ​បីវាយ​ខ្វែង​ដៃ​ទាំង​២ ប៉ុន្តែ​ Alcaraz គ្រលាស់​កដៃ​បាន​យ៉ាង​ល្អ​ ដូច្នេះ​ហើយ​ គាត់​តែង​មាន​ស្នៀត​វាយ​បកបាល់​ត្រង់​ធ្លាក់​ក្រោយ​ខ្នង​គូប្រ​កួត​...។​

មិន​អាច​បដិសេធន៍​ជ័យ​ជម្នះ​ដ៏​សក្តិ​សម​របស់​ Alcaraz ពិសេស​គឺដំ​ណើរ​ឡើង​គ្រង​តំ​ណែង​ជើង​ឯក​គាត់​ក៏​បាន​ផ្តួល​កីឡា​ករ​លំ​ដាប់​កំ​ពូល​ជា​ច្រើន​ផង​ដែរ។​ ក្នុង​នោះ​ មាន​គូ​ប្រ​កួត​ជើង​ខ្លាំង​អា​យុ​ស្រ​បាល​គ្នា​ឈ្មោះ​ Sinner ជា​កីឡា​ករ​លំ​ដាប់​លេខ​១​ពិភព​លោក។​ ឈ្នះ​ពាន​ជើង​ ឯក​បា​រាំង​បើក​ទូលាយ​នៅ​អា​យុ​២១​ឆ្នាំ​ Alcaraz ក៏​បំ​បែក​កំ​ណត់​ត្រា​របស់​កីឡា​ករ​ជើង​ខ្លាំង​រៀម​ច្បង​ Nadal និង​ជាកីឡា​ករ​វាយ​កូន​បាល់​វ័យ​ក្មេង​ បំ​ផុត​ពិភព​លោក​ទទួល​បាន​ពាន​ Grand Slams ចំ​នួន​៣​ផ្សេង​គ្នា។​

ទន្ទឹម​គ្នា​នោះ​ដែរ​ សម្រាប់​វិញ្ញា​សាឯក​ត្តជន​នា​រី កីឡា​ការិ​នីវាយ​កូន​បាល់​ជន​ជាតិ​ប៉ូឡូ​ញ Iga Swiatek មិន​លំ​បាក​ខ្លាំង​ក្នុង​ការ​ការ​ពារ​តំ​ណែង​ជើង​ឯក។​ នា​រីវ័យ​២៣​ឆ្នាំ​រូប​នេះ​ ក៏​បង្កើត​ឯតទគ្គ​កម្ម​ដោយ​ទទួល​បាន​ពាន​ Grand Slams ចំ​នួន​៥ ក្នុង​នោះ​ មាន​ពាន​បារាំង​បើក​ទូលាយ​ចំ​នួន​៤។​ មិន​ចាំ​ដល់​ពេល​លាលែង​ពី​អា​ជីព​នោះ​ទេ​ នៅ​អា​យុ​២៣ឆ្នាំ​ Iga Swiatek បាន​ក្លាយ​ជា​កីឡា​ការិ​នីឆ្នើម​បណ្តាច់​នៃ​កីឡា​វាយ​កូន​បាល់​ពិភព​លោក​ទៅ​ហើយ។​ បច្ចុប្បន្ន​ នាង​ទទួល​បាន​ពាន​ដ៏​មាន​តម្លៃ​ចំ​នួន​២២របស់​ WTA ក្នុង​នោះ​ មាន​ពាន​ Final WTA ចំ​នួន​១ សម្រាប់​កីឡា​ការិ​នីឆ្នើម​៨​រូប​ប្រ​ចាំ​ឆ្នាំ​។​ ដើម្បី​អនុវត្ត​សម្រេច​កម្រង​សមុច្ច័យ​ពាន​ Grand Slams កីឡា​ការិនី Iga Swiatek  មាន​បំ​ណង​យក​ឈ្នះ​ការ​ប្រ​កួត​ចំ​នួន​ ២​ដែល​នៅ​សល់​ គឺពាន​រង្វាន់​អូស្ត្រាលី​បើក​ទូលាយ​ និង​Wimbledon នៅ​ប្រ​ទេ​ស​អង់​គ្លេស​។​ ជាមួយ​នឹង​ទម្រង់​លេង​នា​បច្ចុប្បន្ន​ ប្រ​សិន​បើ​មិន​រង​របួស​ទេ​ គោល​បំ​ណង​របស់​ Iga Swiatek នឹង​សម្រេច​បាន​ក្នុង​ពេល​ឆាប់​ៗ​នេះ។​

ភាព​អាប់​អួរ​នៃ​កីឡា​វាយ​កូន​បាល់​ពិភព​លោក​ ប៉ុន្មាន​ឆ្នាំ​កន្លង​នេះ​ ដោយ​សារ​តែ​ការ​គ្រប់​គ្រង​របស់​ជើង​ខ្លាំង​ទាំង​៤​នាក់ ឥឡូ​វនេះ​ មាន​ភាព​ផ្លាស់​ប្តូរ។​ ការ​ប្រ​កួត​ដណ្តើមពាន​រង្វាន់​បារាំង​ បើក​ទូលាយ​ឆ្នាំ​២០២៤  Nadal ត្រូវ​ជម្រុះ​នៅ​ជុំ​ទីមួយ​ ចំ​ណែក​ Dokovic បាន​បោះ​បង់​ការ​ប្រ​កួត​នៅ​វគ្គ​ប្រ​កួត​៨​ក្រុម។​ នៅ​អា​យុ​៣៧ឆ្នាំ​ និង​៣៨ឆ្នាំ​ អ្វី​ដែល​កីឡា​ករ​ជើង​ខ្លាំង​ទាំង​២​រូប​នេះ​ បាន​លះ​បង់​សម្រាប់​កីឡា​វាយ​កូន​បាល់​ពិភព​លោក​ គឺគ្មាន​កីឡា​ករ​ណា​អាច​បំ​បែក​បាន។​ ដឹង​គុណ​ចំ​ពោះ​អតីត​ជើង​ឯក​ដូច្នេះ​មែន​ ប៉ុន្តែ​កីឡា​វាយ​កូន​បាល់​ពិភព​លោក​ ក៏​ត្រៀម​ទទួល​ស្វាគមន៍​ម្ចាស់​ជើង​ឯក​ថ្មី​ដែល​មាន​អា​យុ​ត្រឹម​២០ឆ្នាំ​ដែរ​៕​  

        ហា​ថាញ-មុនី​