សន្តិសុខ - ការពារប្រទេស ការពារប្រទេស

24/06/2024 - 16:58

បង្កើនការផ្សព្វផ្សាយបង្ការប្រឆាំងគ្រឿងញៀនក្នុងសាលារៀន

ការិយាល័យប៉ូលិសសើុបអង្កេតបទល្មើសគ្រឿងញៀន នគរបាលក្រុងកឹងធើទើបសហការជាមួយមជ្ឈមណ្ឌលគ្រប់គ្រងជំងឺតម្កាត់ក្រុងកឹងធើ បានរៀបចំផ្សព្វផ្សាយបង្ការប្រឆាំងគ្រឿងញៀន និងផ្សព្វផ្សាយអប់រំច្បាប់ អំពីបង្ការប្រឆាំងគ្រឿងញៀន និងHIV/AIDS ក្នុងសាលារៀន។

និស្សិតស្វែងយល់ និងធ្វើបច្ចុប្បន្នភាពចំណេះដឹងថ្មីអំពីការបង្ការប្រឆាំង
ផលប៉ះពាល់នៃគ្រឿងញៀន។

តាមរយៈការផ្សព្វផ្សាយនេះ កម្មាភិបាលការិយាល័យប៉ូលិសសើុបអង្កេតបទល្មើសគ្រឿងញៀន បានផ្សព្វផ្សាយចំណេះដឹងអំពីផលប៉ះពាល់នៃប្រភេទគ្រឿងញៀន និងបារីអេឡិចត្រូនិកចំពោះសុខភាពមនុស្ស; របៀបកំណត់ដឹង ពីប្រភេទគ្រឿងញៀនមួយចំនួននាបច្ចុប្បន្ន អាការៈដែលច្រើនជួបប្រទះចំពោះអ្នកញៀនគ្រឿងញៀន ល្បិចកលរបស់ឧក្រិដ្ឋជនគ្រឿងញៀន សេចក្តីកំណត់របស់ច្បាប់អំពីការចាត់វិធានការមុខសញ្ញាប្រើប្រាស់ ជួញដូរ ស្តុកទុក ដឹកជញ្ជូនគ្រឿងញៀន និងការទទួលខុសត្រូវរបស់បុគ្គល គ្រួសារ សាលារៀននិងសង្គម ក្នុងការបង្ការប្រឆាំងគ្រឿងញៀន។ ឆ្លងតាមរយៈនោះ លើកកម្ពស់ការយល់ដឹងរបស់កម្មាភិបាល អ្នករដ្ឋការ គ្រូបង្រៀន សិស្ស និស្សិតក្នុងសាលាអំពីផលប៉ះពាល់នៃគ្រឿងញៀន បំពាក់បំប៉ននូវបំណិនចាំបាច់ ដើម្បីមិនជាប់ពាក់ព័ន្ធក្នុងបាបគ្រោះគ្រឿងញៀន ពង្រីកតួនាទីឈានមុខរបស់សមាជិក សម្ព័ន្ធយុវជន យុវជន សិស្ស និស្សិតក្នុងការបង្ការប្រឆាំងគ្រឿងញៀននៅក្នុងសាលារៀន ប្រទះឃើញ និងវិនិច្ឆ័យបានទាន់ពេលនូវទង្វើរំលោភបំពានច្បាប់អំពីការបង្ការប្រឆាំងគ្រឿងញៀន រក្សាសន្តិសុខសណ្តាប់ធ្នាប់និងបង្កបរិស្ថានសុវត្ថិភាព ស្អាតស្អំនៅតាមគ្រឹះស្ថានអប់រំ៕

ឡឹមអាញ-បកប្រែ៖ វិមាន

ចែករំលែកអត្ថបទ

ពាក្យគន្លឹះ