មហាសាមគ្គីជនជាតិ ភូមិស្រុកផ្លាស់ថ្មី

18/03/2024 - 08:58

ចលនាកសិករបង្វែរដីផលិតស្រូវផ្តល់ទិន្នផលទាប ងាកមកដាំដំណាំរួមផ្សំ

ប៉ុន្មានឆ្នាំមកនេះ គណៈកម្មាធិការបក្ស គណៈកម្មាធិការប្រជាជនឃុំភឿកហាវ ស្រុកចូវថាញ់ ខេត្តត្រាវិញ យកចិត្តទុកដាក់អនុវត្តល្អផែនការបង្វែរហេដ្ឋារចនាសម្ព័ន្ធផលិតកម្ម ចលនាកសិករបង្វែរដីផលិតស្រូវផ្តល់ទិន្នផលទាប ងាកមកដាំដំណាំរួមផ្សំវិញ។

ទម្រង់ដាំម្ទេសខ្មាំងរបស់គ្រួសារ ពូគឹមយ៉ាន។

ដើម្បីអនុវត្តមានប្រសិទ្ធភាពការបង្វែរហេដ្ឋារចនាសម្ព័ន្ធផលិតកម្ម ដោយកំណត់ច្បាស់នេះគឺជាភារកិច្ចដ៏សំខាន់ ដូច្នេះ គណៈកម្មាធិការបក្សឃុំ បានចង្អុលការដល់គណៈ ផ្នែក អង្គការមហាជនឃុំ និងសាខាបក្សភូមិនានាច្បាមលើសេចក្តីសម្រេច ផ្តុំកម្លាំងដឹកនាំ ចង្អុលការបង្វែរហេដ្ឋារចនាសម្ព័ន្ធផលិតកម្ម ឱ្យបានសមស្របជាមួយនឹងលក្ខណៈភូមិស្រុក ជាសន្សឹមៗជំរុញការអភិវឌ្ឍដំណាំដាំដុះលើតំបន់ដីដែលផលិតស្រូវផ្តល់ទិន្នផលទាប។ ម្យ៉ាងទៀត ចលនាកសិករអនុវត្តវិទ្យាសាស្ត្របច្ចេកទេស នាំពូជថ្មីផ្សេងៗក្នុងការដាំដុះបង្កើនទិន្នផល។ បច្ចុប្បន្ន ទូទាំងឃុំមានប្រមាណ៨០ហិកតាដីដែលផលិតស្រូវផ្តល់ទិន្នផលទាបងាកមកដាំដំណាំរួមផ្សំ ប្រមូលផ្តុំនៅភូមិដាហ្វា ង៉ាយហ្វា វ៉ាងញ៉ឹក និងដីមួយចំនួនទៀតនៅភូមិត្រាកួង។

កម្មាភិបាលឃុំភឿកហាវ មកទស្សនាទម្រង់ដាំម្ទេសខ្មាំងរបស់គ្រួសារពូគឹមយ៉ាន។

ពូគឹមយ៉ាន នៅភូមិដាហ្វា ឱ្យដឹង៖ “គ្រួសារខ្ញុំមានដីស្រែតិចតួច កន្លងហើយ ដោយសារបានចូលរួមវគ្គផ្ទេរវិទ្យាសាស្ត្របច្ចេកទេសដាំដំណាំរួមផ្សំ ខ្ញុំមិនអល់អែកបង្វែរដីផលិតស្រូវផ្តល់ទិន្នផលទាប ៤,៥ កុង ងាកមកដាំដំណាំ រួមផ្សំដំណាំដែលខ្ញុំដាំភាគច្រើនគឺម្ទេស និងប្រភេទបន្លំស្ពៃ ជីវ៉ាន់ស៊ុយជាដើម ៘ ដំណាំរួមផ្សំរដូវប្រាំងឆ្នាំនេះ ខ្ញុំដាំម្ទេសខ្មាំង៤,៥កុង ចាប់ពីខែមករាមកទល់ពេលនេះ ប្រមូលផលម្ទេសបានជាង ១ តោន លក់ក្នុងតម្លៃពី ១៣.០០០ -២៥.០០០ដុង/គ.ក ចំណេញបាន ២០ លានដុង តាមការប៉ាន់ស្មានចាប់ពីពេលនេះរហូតដល់ចុងរដូវ ចំណេញបន្ថែមបាន ១០ លានដុងទៀត។ ដើម្បីកាត់បន្ថយកម្លាំងថែទាំ ខ្ញុំបានវិនិយោគប្រព័ន្ធស្រោចស្រព ប្រិតសំចៃទឹក ប្រើប្រាស់ជីល្មាក់ល្មម កាត់បន្ថយប្រាក់ចំណាយ។ តាមគំនិតរបស់ខ្ញុំ ដាំដំណាំរួមផ្សំផ្តល់ប្រាក់ចំណូលខ្ពស់ជាងការផលិតស្រូវមធ្យមភាគដាំ ដំណាំរួមផ្សំក្នុងមួយកុងចំណេញប្រមាណ ១២ លានដុង/ឆ្នាំ ខ្ពស់ជាងទ្វេដងបើប្រៀបធៀបនឹងការផលិតស្រូវ”។ ពិសេស ដំណាំនាំមកប្រភពចំណូលខ្ពស់ដល់កសិករមួយចំនួននៅឃុំភឿកហាវផងដែរ។ ដើម្បីដំណាំរួមផ្សំអភិវឌ្ឍប្រកបដោយចីរភាព លោកភុងថាញត្រេវ ប្រធានសមាគមកសិករឃុំភឿកហាវ ឱ្យដឹង៖ “ឃុំកំពុងបង្កើនកិច្ចសហការជាមួយផ្នែកជំនាញ ផ្ទេរវិទ្យាសាស្ត្របច្ចេកទេសដល់កសិករ។ ប្រើប្រាស់អស់ពីលទ្ធភាពនូវប្រភពទុនជំនួយដល់កសិករ ដាំដុះ ចិញ្ចឹមសត្វមានប្រសិទ្ធភាព”។

លោក ង្វៀងវ៉ាន់សឿល លេខាគណៈកម្មាធិការបក្សឃុំភឿកហាវ ឱ្យដឹង៖ “ឃុំកំណត់ច្បាស់បន្តការបង្វែរហេដ្ឋារចនាសម្ព័ន្ធដំណាំ សត្វចិញ្ចឹម ចាត់ទុកនេះជាភារកិច្ចដ៏សំខាន់ ក្នុងនោះ ផ្តុំកម្លាំងផ្ដោតទៅលើធនធាន បង្វែរផ្ទៃដីផលិតស្រូវផ្តល់ទិន្នផលទាប ងាកមកដាំដំណាំរួមផ្សំនិងចិញ្ចឹមជលផល។ បង្កើនកិច្ចសហការជាមួយផ្នែកជំនាញហ្វឹកហាត់ផ្ទេរវិទ្យាសាស្ត្របច្ចេកទេស បង្កើតក្រុមសហការ សហករណ៍ចងសម្ព័ន្ធរកច្រកចេញសម្រាប់ផលិតផល សំដៅផ្លាស់ប្ដូរការយល់ដឹងនិងផ្លាស់ប្តូរការដាំដុះតាមទម្លាប់ចាស់”៕

សើុងម៉ាងល័យ- លីសៀ

ចែករំលែកអត្ថបទ

ពាក្យគន្លឹះ