គោលនយោបាយ -ការរស់នៅ គោលនយោបាយ

19/02/2024 - 16:46

បង្កទំនុកចិត្តសម្រាប់បងប្អូននារីអភិវឌ្ឍសេដ្ឋកិច្ច

ប៉ុន្មានឆ្នាំកន្លង ផ្តើមពីប្រភពទុនឧបត្ថម្ភនារីផ្តើមអាជីព សមាគមសហព័ន្ធនារីស្រុកចូវថាញ់ ខេត្តសុកត្រាំង បានជួយដល់បងប្អូននារីនៅជនបទអភិវឌ្ឍសេដ្ឋកិច្ច ដើម្បីលើកស្ទួយជីវភាព កសាងគ្រួសារសុភមង្គល។

ផ្តើមពីប្រភពទុនឧបត្ថម្ភនារីផ្តើមអាជីព បានជួយបងប្អូននារីនៅជនបទមានលក្ខណៈដាំដំណាំរួមផ្សំនិងចិញ្ចឹមសត្វ ដើម្បីលើកស្ទួយជីវភាពគ្រួសារ។

យោងតាមប្រសាសន៍អ្នកស្រី ចូវហ៊ុងហ្វា ប្រធានសមាគមសហព័ន្ធនារីស្រុកចូវថាញ់ អនុវត្តគម្រោង “ឧបត្ថម្ភនារីផ្តើមអាជីព ដំណាក់កាល២០១៧-២០២៥” សមាគមនារីគ្រប់លំដាប់ថ្នាក់ ឧទ្ទេសនាមឱ្យបងប្អូននារីចំនួន ៦៣គ្រួសារបានបុលទុន ជាមួយនឹងកម្រិតបុលពី៣០-៥០លានដុង ដើម្បីអភិវឌ្ឍសេដ្ឋកិច្ច។ ផ្តើមពីនោះ បានលេចឡើងនូវទម្រង់ជាច្រើនដំណើរការមានប្រសិទ្ធភាពដូច៖ ទម្រង់ដាំដំណាំរួមផ្សំ ជួញដូរ ចិញ្ចឹមមាន់ ទា គោ ដាំពោត បណ្តុះកូនឈើគ្រប់ប្រភេទ និងធ្វើនំ។ល។ ជួយឱ្យបងប្អូននារីមានជីវភាពលំនឹង កសាងគ្រួសារសម្បូរសប្បាយនិង សុភមង្គល។

ផ្តើមពីប្រភពទុនឧបត្ថម្ភនារីផ្តើមអាជីព បានជួយបងស្រី ត្រឹងធីកេវលី ពង្រីកទ្រុងចិញ្ចឹមជ្រូក។

បងស្រី ត្រឹងធីកេវលី នៅភូមិយុងកាក ឃុំភូតឹម ឱ្យដឹង៖ “ឆ្នាំ ២០២២ សមាគមសហព័ន្ធនារីឃុំ ពិនិត្យឱ្យគ្រួសារខ្ញុំបុលទុន៣០លានដុង ខ្ញុំសប្បាយចិត្តព្រោះមានដើមទុនទិញកូនជ្រូកនិងពង្រីកទ្រុងបន្ថែម។ ឥឡូវនេះ គ្រួសារខ្ញុំកំពុងចិញ្ចឹមមេជ្រូក៤ក្បាល មេមួយក្បាលៗកើតកូនពី១៥-១៧ក្បាល/ល្បាស់។ កើតបានប៉ុន្មានខ្ញុំទុកចិញ្ចឹមប្រហែលជាង៥ ខែទើបលក់ចេញ។ មធ្យមភាគក្នុងមួយល្បាស់ៗ បន្ទាប់ពីទូទាត់រួច នៅចំណេញបានជាង២០លានដុង ម្ល៉ោះហើយ ជីវភាពបានល្អប្រសើរ។ សមាគមសហព័ន្ធនារីបានបង្កទំនុកចិត្តជួយឱ្យគ្រួសារខ្ញុំឈានឡើងក្នុងជីវភាព”។ បងស្រីលីធីង៉ុកស្វឹង នៅភូមិភឿកធ្វឹង ឃុំភូតឹង ផ្តើមពីប្រភពទុនផ្តើមអាជីព បានជួយឱ្យបងស្រីពង្រីកទម្រង់បណ្តុះកូនដើមទម្លាប់។ បងស្រីស្វឹង ឱ្យដឹង៖ “ដើមទម្លាប់ជារុក្ខជាតិមានឫសចាក់ស្រែះ មែកសាខា ស្លឹកបៃតងខួបប្រាំងវស្សា ស្លឹកតិចជ្រុះ ពុំសូវមានជំងឺ ដង្កូវ ផ្លែក្រអូបឈ្ងុយឆ្ងាញ់ ដូច្នេះ មានអ្នកមករកទិញទៅដាំកាន់តែច្រើន។ ផ្តើមពីប្រភពទុនឧបត្ថម្ភនារីផ្តើមអាជីព ខ្ញុំមានលក្ខណសម្បត្តិពង្រីកកន្លែងបណ្តុះកូនឈើ។ បច្ចុប្បន្ន ខ្ញុំបង្កើតបានក្រុមសហការផលិតដោយមានសមាជិក១០នាក់ ជំនាញខាងទិញផ្លែទម្លាប់មកបណ្តុះលក់។ មធ្យមភាគក្នុងមួយឆ្នាំ ខ្ញុំផ្គត់ផ្គង់កូនឈើដល់ទីផ្សារក្នុងនិងក្រៅខេត្តប្រមាណជាង១០.០០០ដើម ថ្លៃលក់ក្នុងមួយដើមតម្លៃពី២០.០០០-៤០.០០០ដុង។ ហេតុនេះ ទើបគ្រួសារខ្ញុំមានជីវភាពធូរធារ”។

អ្នកស្រី ចូវហ៊ុងហ្វា ឱ្យដឹងបន្ថែម៖ “ប៉ុន្មានឆ្នាំកន្លង សមាគមសហព័ន្ធនារីគ្រប់លំដាប់ថ្នាក់ ផ្សព្វផ្សាយអនុវត្តមានប្រសិទ្ធភាពគម្រោង “ឧបត្ថម្ភនារីផ្តើមអាជីព” ដូច្នេះ បានឧបត្ថម្ភទាន់ពេលផ្តើមអាជីពនិងផ្ដើមធ្វើអាជីវកម្មដល់បងប្អូននារី ជាពិសេសគឺនារីខ្មែរ។ ឆ្លងតាមរយៈនោះ ជួយជំរុញស្មារតីផ្តើមអាជីពដល់បងប្អូននារីនៅជនបទ។ បច្ចុប្បន្ន សមាគមសហព័ន្ធនារីស្រុកកំពុងចង្អុលការដល់សមាគមនារីគ្រប់លំដាប់ថ្នាក់ បន្តការត្រួតពិនិត្យនិងធ្វើបញ្ជីឈ្មោះ ដើម្បីឧបត្ថម្ភទុនដល់បងប្អូននារីផ្តើមអាជីពបានទាន់ពេល បង្កទំនុកចិត្តឱ្យបងប្អូននារីអភិវឌ្ឍសេដ្ឋកិច្ច ធ្វើមាន”។

យ្វីអាញ-មុនី

ចែករំលែកអត្ថបទ

ពាក្យគន្លឹះ