គោលនយោបាយ -ការរស់នៅ គោលនយោបាយ

05/02/2024 - 12:51

អភិវឌ្ឍហេដ្ឋារចនាសម្ព័ន្ធតំបន់ជនរួមជាតិភាគតិចនៅគៀងយ៉ាង

គៀងយ៉ាង ជាខេត្តមានជនរួមជាតិភាគតិចរស់នៅកុះករនៃតំបន់វាលរាបទន្លេគឺវឡុង។ ដើម្បីបង្កលក្ខណសម្បតិ្តងាយស្រួលសម្រាប់ជនរួមជាតិភាគតិចអភិវឌ្ឍសេដ្ឋកិច្ច ខេត្តបានអនុវត្តយ៉ាងមានប្រសិទ្ធភាពនូវកម្មវិធីនិងគម្រោងជាច្រើនរបស់រដ្ឋ ក្នុងនោះ មានការធ្វើឱ្យសុក្រឹតហេដ្ឋារចនាសម្ព័ន្ធ។

ផ្លូវចូលទៅកាន់ភូមិដែលមានជនរួមជាតិខ្មែររស់នៅកុះកររបស់ឃុំឌិញហ្វា
ស្រុកហ្គក្វាវ ត្រូវបានចាក់បេតុង។

យោងតាមស្ថិតិរបស់គណៈជនជាតិខេត្តគៀងយ៉ាង គិតត្រឹមដំណាក់កាល២០១៦-២០២២ ខេត្តបានឧបត្ថម្ភ ការប្រកបមុខរបរចិញ្ចឹមជីវិតដល់ប្រជាជន៨៩៩ គ្រួសារ អនុវត្តគម្រោងអភិវឌ្ឍន៍សេដ្ឋកិច្ច អភិរក្សវប្បធម៌ចំនួន៤៩ រៀបចំគម្រោងតាំងទីលំនៅសម្រាប់ជនរួមជាតិភាគតិចនៅតាមឃុំតំបន់ព្រំដែន។ល។ មកដល់ពេលនេះ ហេដ្ឋារចនាសម្ព័ន្ធ ជីវភាពរបស់ជនរួមជាតិនៅតំបន់ព្រំដែន តំបន់ជនរួមជាតិភាគតិចមានការផ្លាស់ថ្មីយ៉ាងច្បាស់ ឃុំតំបន់ព្រំដែនទាំង១០០%មានផ្លូវគមនាគមន៍ទៅដល់មជ្ឈមណ្ឌលឃុំ ភូមិលំបាកខ្លាំងទាំង១០០%មានផ្លូវគមនាគមន៍; ឃុំទាំង១០០%មានសាលារៀនគ្រប់កម្រិតនិងដំណាក់សុខាភិបាល។ល។ សរុបប្រភពទុនអនុវត្តលើការវិនិយោគកសាងហេដ្ឋារចនាសម្ព័ន្ធនៅតំបន់លំបាក តំបន់ព្រំដែនទូទាំងខេត្តគឺ១៣០ពាន់លានដុង។ល។ ផ្តើមពីនោះ ធ្វើឱ្យមុខមាត់ជនបទតំបន់ជនរួមជាតិភាគតិចនៅព្រំដែនមានភាពផ្លាស់ថ្មីជាលំដាប់។ ក្រៅពីនោះ ខេត្តនៅទាំងឧបត្ថម្ភសាងសង់ផ្ទះបានជាង៣០០ខ្នង ឧបត្ថម្ភដីធារផ្ទះជូន៦២គ្រួសារ; កសាងស្ថានីយ ផ្គត់ផ្គង់ទឹកស្អាត២កន្លែង ឧបត្ថម្ភបាសាំងទឹកជាង២.០០០។ល។ ទន្ទឹមនឹងនោះ ក៏បានផ្តល់ដីផលិតកម្មដល់គ្រួសារជនរួមជាតិភាគតិចក្រីក្រដែលគ្មានដីឬខ្វះដីផលិតនៅតំបន់សេដ្ឋកិច្ចថ្មីចំនួន២ គឺរ៉ុកសី និង KH9 របស់ស្រុកយ៉ាងថាញ់។ល។

ផ្លូវពីស្ពានបេនញុឹកទៅកាន់ទីប្រជុំជនយ៉ុងរៀង

គៀងយ៉ាងក៏បានផ្គួបបញ្ចូលនូវកម្មវិធីនិងគម្រោងជាច្រើន ដើម្បីជួយតំបន់ជនរួមជាតិភាគតិចអភិវឌ្ឍ។ មកទល់ពេលនេះ មាន៤២/៤៩ឃុំតំបន់ជនរួមជាតិភាគតិចសម្រេចបទដ្ឋានជនបទថ្មី ក្នុងនោះ មាន៤ឃុំបានទទួលស្គាល់ជាឃុំជនបទថ្មីកម្រិតខ្ពស់។ លោកយ័ញភុក ប្រធានគណៈជនជាតិខេត្ត ឱ្យដឹង៖ នៅឃុំជនបទថ្មី ឃុំជនបទថ្មីកម្រិតខ្ពស់ គឺជីវភាពជនរួមជាតិភាគតិចមានកាពរីកចម្រើន ការងារអភិរក្សវប្បធម៌ក៏ត្រូវបានពង្រីកផងដែរ។

យោងតាមប្រសាសន៍លោកឡេមិញខ្វា អនុប្រធានគណៈកម្មាធិការប្រជាជនស្រុកហ្គក្វាវ ពេលហេដ្ឋារចនាសម្ព័ន្ធមានការអភិវឌ្ឍ ជនរួមជាតិភាគតិចមានលក្ខណសម្បត្តិបង្កើនប្រាក់ចំណូល ឈានឡើងចាកផុតពីភាពក្រីក្រ។ ផ្តើមពីនោះ លក្ខឋានស្តីពីគ្រួសារក្រីក្រនៅឃុំនានា ដែលមានជនរួមជាតិភាគតិចរស់នៅកុះករក៏បានថយចុះ គុណភាពជីវភាពរស់នៅរបស់ជនរួមជាតិជាជំហានៗត្រូវបានលើកស្ទួយ។ អ្នកមីងធីស្វៀង នៅឃុំធ្វីឡេវ ស្រុកហ្គក្វាវ ឱ្យដឹង៖ “បើប្រៀបនឹងពីមុន ការរស់នៅរបស់ប្រជាជនមានការផ្លាស់ប្តូរយ៉ាងច្រើន។ ចាប់តាំងពីរដ្ឋបានធ្វើផ្លូវបេតុងកាត់ភូមិ ឃើញថាមាមីង ក្នុងភូមិខ្ញុំ ផ្ទះណាក៏មានម៉ូតូសម្រាប់ធ្វើដំណើរទៅមកធ្វើការរកស៊ីនិងជួញដូរដែរ”៕

ហាថាញ-មុនី

ចែករំលែកអត្ថបទ

ពាក្យគន្លឹះ