គោលនយោបាយ -ការរស់នៅ គោលនយោបាយ

06/11/2023 - 17:13

លោកហូវ៉ាន់ភឿង អនុប្រធានគណៈជនជាតិក្រុងកឹងធើ

បន្តអនុវត្តគោលនយោបាយជាច្រើនលើកស្ទួយជីវភាពជនរួមជាតិភាគតិច

ក្រោយរយៈពេល២០ឆ្នាំក្លាយជាទីក្រុងចំណុះមជ្ឈិម បក្ខភាគ រដ្ឋអំណាចនិងប្រជាជនកឹងធើ បានខ្នះខ្នែងកសាងទីក្រុងស៊ីវិល័យទំនើប។ ក្នុងចំណោមសមិទ្ធផលរួមទាំងនោះ គណៈកម្មាធិការបក្ស រដ្ឋអំណាច រណសិរ្សនិងអង្គការនយោបាយ-សង្គមកិច្ចគ្រប់លំដាប់ថ្នាក់ក្នុងទីក្រុង បានយកចិត្តទុកដាក់គិតគូរជំរុញអភិវឌ្ឍសេដ្ឋកិច្ច-សង្គម ធានាការការពារប្រទេស-សន្តិសុខ ជាសន្សឹមៗលើកស្ទួយជីវភាពសម្ភារៈ ស្មារតីជនរួមជាតិភាគតិច។

 លោកហូវ៉ាន់ភឿង អនុប្រធានគណៈជនជាតិក្រុងកឹងធើ។

ដោះដូរជាមួយកាសែតកឹងធើ លោកហូវ៉ាន់ភឿង អនុប្រធានគណៈជនជាតិក្រុងកឹងធើ បានឱ្យដឹង៖

បច្ចុប្បន្ន ក្រុងកឹងធើមានជនជាតិភាគតិចចំនួន២៧ជនជាតិ ស្រូបអត្រាជាង៣,៧%នៃចំនួនប្រជាជនទូទាំងក្រុង។ សមិទ្ធផលដែលលេចធ្លោក្នុងរយៈពេល២០ឆ្នាំកន្លង គឺក្រុងផ្តុំកម្លាំងអនុវត្តល្អនូវគោលនយោបាយសម្រាប់ជនរួមជាតិភាគតិច ដូចជា៖ ឧបត្ថម្ភដីធារផ្ទះ ជូន២៥៣គ្រួសារ ជំនួយសង់ផ្ទះបាន៣.០១៣ខ្នង ឧបត្ថម្ភផ្លាស់ប្ដូរមុខរបរជូន៩៨៧នាក់ ឧបត្ថម្ភបុលទុនផ្លាស់ប្ដូរមុខរបរជូន៨២គ្រួសារ ឧបត្ថម្ភទឹកប្រើប្រាស់ជូន២.៥២៨គ្រួសារ ឧបត្ថម្ភទិញសម្ភារៈកសិកម្ម (ចំពោះគ្រួសារដែលគ្មានដីបង្កបង្កើនផល) ជូន៥០២គ្រួសារ បណ្តុះបណ្តាល វិជ្ជាជីវៈរយៈពេលខ្លីនិងរយៈពេលវែងជូន១.១១៤នាក់ ចលនាកសាងស្ពានជនបទបាន១១ខ្សែ ឧបត្ថម្ភថវិការៀនសូត្រដល់សិស្ស និស្សិតជនជាតិភាគតិច៤នាក់; ឧបត្ថម្ភទិញបណ្ណធានារ៉ាប់រងសុខាភិបាល ជូនអ្នកមានប្រជាប្រិយក្នុងជនរួមជាតិភាគតិច៨៩៦លើកនាក់។ល។ អាស្រ័យអនុវត្តល្អនូវគោលនយោបាយ ទើបគ្រួសារក្រីក្រក្នុងជនរួមជាតិភាគតិចបានកាត់បន្ថយពីមួយឆ្នាំទៅមួយឆ្នាំ។ ឆ្នាំ២០១១ ក្រុងមានគ្រួសារជនជាតិភាគតិចក្រីក្រចំនួន១.៤៨៦គ្រួសារ ក្នុងចំណោម៨.៦៧០គ្រួសារជនជាតិភាគតិច ស្រូបអត្រា១៧,១៤%។ លុះដល់ឆ្នាំ២០២២ ក្រុងមានគ្រួសារជនជាតិភាគក្រីក្រនៅត្រឹម១១៣ គ្រួសារប៉ុណ្ណោះ ស្រូបអត្រា១,១៤%នៃចំនួនគ្រួសារជនជាតិភាគតិចទាំងអស់។

ឆ្លងតាមរយៈនៃការអនុវត្តនូវគោលនយោបាយជនជាតិ សបញ្ជាក់៖ ជីវភាពសម្ភារៈ ស្មារតី ក្នុងជនរួមជាតិភាគតិចនៅក្រុងកឹងធើ ត្រូវបានលើកស្ទួយជាសន្សឹមៗកាត់បន្ថយភាពក្រីក្រដោយចីរភាព; រួមចំណែកកាត់បន្ថយគម្លាតនៃកម្រិតអភិវឌ្ឍ បង្កើនចំណងសាមគ្គីរវាងជនជាតិនីមួយៗ អនុវត្តល្អគោលនយោបាយសមភាព សាមគ្គីភាព ឧបត្ថម្ភគ្នាដើម្បីការអភិវឌ្ឍរួម។ល។ ទន្ទឹមនឹងនោះ ជនរួមជាតិភាគតិចមានការជឿជាក់ទៅលើការដឹកនាំរបស់បក្ស រដ្ឋ សាមគ្គីរួម ជាមួយប្រជាជនគ្រប់ជាន់ស្រទាប់ ប្រឡងប្រណាំងពលកម្មផលិត រួមចំណែកកសាងទីក្រុង កាន់តែស៊ីវិល័យ ទំនើប។

ពង្រីកសមិទ្ធផលដែលសម្រេចបានក្នុងរយៈពេល២០ឆ្នាំកន្លង គណៈជនជាតិក្រុងបន្តការធ្វើសេនាធិការជូនថ្នាក់ដឹកនាំក្រុង មានកិច្ចចង្អុលការដល់គណៈកម្មាធិការគ្រប់លំដាប់ថ្នាក់ រដ្ឋអំណាច ស្ថាប័នដែលពាក់ព័ន្ធផ្សព្វផ្សាយអនុវត្តល្អនូវគោលការណ៍របស់បក្ស គោលនយោបាយ ច្បាប់របស់រដ្ឋ ពាក់ព័ន្ធដល់ជនរួមជាតិភាគតិច។ ពិសេស គណៈជនជាតិក្រុងរួមជាមួយកម្មាភិបាលបម្រើការងារជនជាតិ បន្តធ្វើសេនាធិការផ្តុំកម្លាំងអភិវឌ្ឍសេដ្ឋកិច្ច-សង្គម លើគ្រប់វិស័យ ឆាប់រហ័ស ប្រកបដោយនិរន្តរភាព ជំរុញការកាត់បន្ថយភាពក្រីក្រកន្លែងដែលមានជនរួមជាតិភាគតិចរស់នៅកុះករ; អភិវឌ្ឍអប់រំ បណ្តុះបណ្តាល លើកកម្ពស់គុណភាពប្រភពធនធានជនជាតិភាគតិច; អនុវត្តល្អនូវគោលនយោបាយឧបត្ថម្ភផលិតកម្មដល់គ្រួសារជនរួមជាតិភាគតិចដែលលំបាកខ្លាំង; ផ្តុំកម្លាំងអភិវឌ្ឍហេដ្ឋារចនាសម្ព័ន្ធសេដ្ឋកិច្ច-សង្គម តំបន់មានជនរួមជាតិភាគតិចរស់នៅកុះករ; លើកកម្ពស់គុណភាពសេវាសុខាភិបាល ថែទាំសុខភាពជូនជនរួមជាតិភាគតិច; ពង្រីកអត្តសញ្ញាណវប្បធម៌ប្រវេណីដ៏ពិសេសរបស់ជនជាតិនីមួយៗ ។ល។ ឆ្លងតាមរយៈនោះ កាន់តែលើកកម្ពស់ស្មារតីភ្ញាក់រលឹកក្នុងជនរួមជាតិភាគតិចនិងប្រព័ន្ធនយោបាយ ទស្សនៈរបស់បក្សនិងរដ្ឋ អំពីបញ្ហាជនជាតិគឺ៖ “បណ្តាជនជាតិវៀតណាមសមភាព សាមគ្គី គោរពគ្នាទៅវិញទៅមក ជួយគ្នាដើម្បីការអភិវឌ្ឍរួម”៕

ថាញធី - លីសៀ

ចែករំលែកអត្ថបទ

ពាក្យគន្លឹះ