គោលនយោបាយ -ការរស់នៅ គោលនយោបាយ

30/10/2023 - 16:49

ត្រាវិញ ជំរុញការគិតគូរពីជីវភាពដល់ជនរួមជាតិ

កម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០; ដំណាក់កាលទី១ ចាប់ពីឆ្នាំ២០២១ដល់ឆ្នាំ២០២៥ (ហៅថាកម្មវិធី ១៧១៩) នៅខេត្តត្រាវិញ បានពង្រីកនូវប្រសិទ្ធភាពជាវិជ្ជមាន។

ផ្ដើមពីប្រភពទុនបុលអនុគ្រោះ គ្រួសារបងស្រីថាច់សុផា នៅភូមិសម្តេច ឃុំលឿងហ្វា A
ស្រុកចូវថាញ់ ឈានឡើងចាកផុតពីភាពក្រីក្រដោយចីរភាព។

សមមិត្តឡេវ៉ាន់ភឿក ប្រធានគណៈកម្មាធិការប្រជាជនឃុំថាញ់ហ្វាសើុង ស្រុកកូវង៉ាង ឱ្យដឹង៖ “អនុវត្តកម្មវិធី ១៧១៩ ចាប់ពីដើមឆ្នាំ២០២៣មកដល់បច្ចុប្បន្ន ឃុំថាញ់ ហ្វាសើុង បានជំរុញការកសាងហេដ្ឋារចនាសម្ព័ន្ធ ឧបត្ថម្ភវិនិយោគផលិតកម្ម ជំនួយដីសង់ផ្ទះ សាងសង់ផ្ទះនិងទឹកស្អាតប្រើប្រាស់ជូនមាមីង នៅលើភូមិសាស្រ្ត។ល។ មកទល់ពេលនេះ ធនាគារគោលនយោបាយសង្គមស្រុកកូវង៉ាង បានវិនិយោគជូនគ្រួសារក្រីក្រ គ្រួសារប្រកៀកបន្ទាត់ក្រ និងគ្រួសារជនរួមជាតិខ្មែរជាង៧០គ្រួសារ បានបុលទុនសរុបជាង៦ពាន់លានដុង ដើម្បីអភិវឌ្ឍផលិតកម្មនិងសាងសង់ផ្ទះ។ ក្នុងនោះ ឃុំថាញ់ហ្វាសើុង បានផ្សព្វផ្សាយសង់ផ្ទះបាន១៥ខ្នង ជូនគ្រួសារដែលជួបការលំបាកអំពីលំនៅឋាន។ ចាប់ពីពេលនេះរហូតដល់ដាច់ ឆ្នាំ២០២៣ ជាសារវន្តយើងខ្ញុំខិតខំដោះស្រាយបញ្ហាលំនៅឋានជូនគ្រួសារក្រីក្រ ពិសេសគឺគ្រួសារជនរួមជាតិខ្មែរដែលជួបការលំបាកខាងលំនៅឋាន”។

ក្រោមដំបូលគេហដ្ឋានថ្មី ពូថាច់យឿង នៅភូមិមេរងថ្មី ឃុំថាញ់ហ្វាសើុង ឱ្យដឹង៖ “ពីមុន ប្តីប្រពន្ធខ្ញុំរស់នៅក្នុងផ្ទះចាស់ទ្រុឌទ្រោម។ ដើមឆ្នាំ២០២៣ គ្រួសារខ្ញុំបានរដ្ឋអំណាចពិនិត្យឧបត្ថម្ភទឹកប្រាក់៤០លានដុង និងបង្កលក្ខណៈឱ្យបុល៥០លានដុង ពីធនាគារគោលនយោបាយសង្គមស្រុក រួមនឹងប្រាក់ដែលកូនៗបន្ថែម ជាង៥០លានដុងទៀត ខ្ញុំសង់បានផ្ទះសមរម្យ។ សូមថ្លែងអំណរគុណយ៉ាងក្រែលែងដល់រដ្ឋដែលបានឧបត្ថម្ភគាំទ្រដល់គ្រួសារខ្ញុំ”។

ជីវភាពរួមជាតិខ្មែរនៅខេត្តត្រាវិញបានកើនឡើងឥតឈប់ឈរ នោះគឺជាលទ្ធផលនៃការផ្សព្វផ្សាយអនុវត្តបានទាន់ពេលនូវសេចក្តីសម្រេចចិត្ត និងគោលនយោបាយជនជាតិ។ សមមិត្តកៀងនិញ ប្រធានគណៈជនជាតិខេត្តត្រាវិញ ឱ្យដឹង៖ “ដើរទន្ទឹមនឹងការវិនិយោគកសាងហេដ្ឋារចនាសម្ព័ន្ធបម្រើផលិតកម្ម ខេត្តត្រាវិញបានប្រមូលផ្តុំប្រភពទុនវិនិយោគឧបត្ថម្ភ អភិវឌ្ឍផលិតកម្ម ធ្វើពិពិធកម្មមុខរបររកស៊ី ចិញ្ចឹមជីវិត ពង្រីកទម្រង់កាត់បន្ថយភាពក្រីក្រ; ផ្សព្វផ្សាយអនុវត្តនូវគោលនយោបាយឧបត្ថម្ភ សង់ផ្ទះ ដីធារផ្ទះ ដីផលិតកម្ម បណ្តុះបណ្តាលវិជ្ជាជីវៈ និងដោះស្រាយការងារធ្វើ។ល។ ឆ្នាំ ២០២៣ អនុវត្តកម្មវិធីទិសដៅជាតិ១៧១៩ ខេត្តត្រាវិញត្រូវបានបែងចែកថវិកាជាង៤៥១ពាន់លានដុង តាមផែនការខេត្តនឹងប្រមូលផ្តុំទៅលើការឧបត្ថម្ភដីធារផ្ទះជូនជនរួមជាតិភាគតិច ជាង៤០គ្រួសារ ឧបត្ថម្ភសង់ផ្ទះជូនប្រជាជនជាង៥២០គ្រួសារ ឧបត្ថម្ភផ្លាស់ប្តូររបរប្រមាណ ២៧៥គ្រួសារ ឧបត្ថម្ភទឹកស្អាតរាយប៉ាយជូនប្រជាជន៣៨គ្រួសារ និងវិនិយោគសាងសង់សំណង់ទឹកស្អាតប្រមូលផ្តុំចំនួន២។ល។ ទន្ទឹមនឹងនោះ ខេត្តបានកសាងថ្មី៥៨សំណង់ហេដ្ឋារចនាសម្ព័ន្ធចាំបាច់បម្រើដល់ការផលិត និងប្រជុំជីវភាពរបស់ជនរួមជាតិភាគតិច; បន្តអនុវត្ត១៦សំណង់កាលពីឆ្នាំ២០២២; ជួសជុលនិងថែទាំ៣៦សំណង់; វិនិយោគកសាង កែលម្អ បង្កើនកម្រិតសំណង់ផ្សារនៅតំបន់ជនរួមជាតិ ភាគតិចចំនួន៦សំណង់ជាដើម”៕

យោង៖ qdnd.vn - វិមាន

ចែករំលែកអត្ថបទ

ពាក្យគន្លឹះ