ព្រឹត្តិការណ៍ - នយោបាយ ព្រឹត្តិការណ៍

05/09/2023 - 16:40

សប្ដាហ៍វប្បធម៌ ទេសចរណ៍-មហោស្រពម្ហូបអាហារណាមបូផ្សារភ្ជាប់នឹងបុណ្យអកអំបុកខេត្តត្រាវិញ ឆ្នាំ២០២៣

តាមប្រសាសន៍ សមមិត្ត យឿងហ្វាងស៊ុម នាយកមន្ទីរវប្បធម៌ កីឡានិងទេសចរណ៍ខេត្តត្រាវិញ សប្ដាហ៍វប្បធម៌ ទេសចរណ៍-មហោស្រពម្ហូបអាហារណាមបូផ្សារភ្ជាប់នឹងបុណ្យអកអំបុកខេត្តត្រាវិញ ឆ្នាំ២០២៣ (ហៅកាត់ថា សប្ដាហ៍) តាមការគ្រោងទុកនឹងប្រព្រឹត្តឡើងចាប់ពីថ្ងៃ២១ ដល់ថ្ងៃ២៧ ខែវិច្ឆិកា ឆ្នាំ២០២៣ លើភូមិសាស្រ្ដក្រុងត្រាវិញ។ សប្ដាហ៍មានសកម្មភាពជាមូលដ្ឋានចំនួន ១១ រួមមាន៖ ពិធីបើកសប្ដាហ៍; បរិយាកាស ម្ហូបអាហារជាមួយនឹងបធានបទ “នំប្រពៃណីនិងម្ហូបអាហារណាមបូ”; រៀបចំក្រុមពិនិត្យ ស្រាវជ្រាវ ឧទ្ទេសនាមពីទីតាំងទេសចរណ៍ថ្មី; ផ្សារណាត់ជំរុញពាណិជ្ជកម្មផលិតផល ឧស្សាហកម្មជនបទនិង OCOP ផ្សារភ្ជាប់នឹងបុណ្យអកអំបុកខេត្តត្រាវិញ ឆ្នាំ២០២៣; ប្រឡងបង្ហាញម៉ូដសម្លៀកបំពាក់ប្រពៃណីខ្មែរ; សកម្មភាពតាំងពិព័រណ៍នានា; បង្ហាញពីរបៀបធ្វើនំប្រពៃណីខ្មែរ ចាម; រៀបចំសកម្មភាពអនុស្សាវរីយ៍ទិវាបេតិកភណ្ឌវប្បធម៌វៀតណាម (២៣/១១); សម្ដែងរបាំតុក្កតាលើទឹក; សកម្មភាពកីឡាអប់រំកាយនិងរាត្រីបុណ្យអកអំបុក។

ទិដ្ឋភាពនៃកិច្ចប្រជុំ។

ការរៀបចំសប្ដាហ៍ សំដៅបន្តការអភិរក្ស ពង្រីកថែរក្សាពិធីបុណ្យអកអំបុករបស់ជនរួមជាតិខ្មែរខេត្តត្រាវិញ ដោយបានក្រសួងវប្បធម៌ កីឡានិងទេសចរណ៍ដាក់បញ្ចូលក្នុងបញ្ជីកេរដំណែលវប្បធម៌អរូបីថ្នាក់ជាតិនិងផ្សព្វផ្សាយទេសចរណ៍ខេត្តត្រាវិញជាដើម៕

ប្រភពៈ កាសែតត្រាវិញ-ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ