សន្តិសុខ - ការពារប្រទេស ការពារប្រទេស

07/08/2023 - 16:53

កងនាវាចរណ៍លេខ ២ កងទ័ពការពារព្រំដែនត្រាវិញ ជាមួយការងារជួយសង្គ្រោះលើសមុទ្រ

កងនាវាចរណ៍លេខ២ កងទ័ពការពារព្រំដែនត្រាវិញ តែងម្ចាស់ការសហការនឹងកងកម្លាំងនានានិងឆ្លងតាមរយៈកម្លាំងអ្នកនេសាទ ក្តាប់ស្ថានភាពតាមតំបន់សមុទ្រ។ ពិសេស ផ្តោតទៅលើការផ្សព្វផ្សាយនូវវិធានការលើកកម្ពស់សមត្ថភាពគ្រប់គ្រង ការពារអធិបតេយ្យ សន្តិសុខតំបន់សមុទ្រ និងភារកិច្ច ស្វែងរកជួយសង្គ្រោះ។

កម្មាភិបាលយុទ្ធជនអង្គភាពកងនាវាចរណ៍លេខ២ កងទ័ពការពារព្រំដែនត្រាវិញ
ថែទាំគ្រឿងអាវុធដែលបានបំពាក់។

តាមប្រសាសន៍វរសេនីយ៍ត្រី ឡេវ៉ាន់ថាយ ស្នងការនយោបាយកងនាវាចរណ៍លេខ២ សម្រេចបានលទ្ធផលខាងលើ អាស្រ័យដោយគណៈកម្មាធិការសាខាបក្ស មេបញ្ជាការអង្គភាពបានចង្អុលការយ៉ាងជិតដិត អនុវត្តល្អនូវការងារអប់រំនយោបាយ សតិអារម្មណ៍ដល់កម្មាភិបាល យុទ្ធជន។ ក្នុងរយៈពេលពាក់កណ្ដាលអាណត្តិកាល(២០២០- ២០២៥) ទោះបីស្ថិតក្នុងលក្ខណៈដែលកម្លាំងទ័ពមិនគ្រប់ចំនួន ព្រោះត្រូវបំពេញភារកិច្ចរយៈពេលច្រើនថ្ងៃនៅលើផ្ទៃសមុទ្រ ប្រចាំការនៅតាមកំពង់ផែនានា និងបង្កើនកងកម្លាំងដល់ខេត្តជិតខាងផង ប៉ុន្តែកម្មាភិបាលយុទ្ធជនអង្គភាពបានអនុវត្តយ៉ាងម៉ឺងម៉ាត់នូវវិន័យ ច្បាប់ រក្សាខ្ជាប់គោលជំហរនយោបាយ លើកកម្ពស់ស្មារតី ទទួលខុសត្រូវឆ្លងកាត់ការលំបាក អនុវត្តនិងសម្រេចបានល្អនូវភារកិច្ច។

ចាប់ពីឆ្នាំ២០១៧ ទម្រង់ “ក្រុមទូកកប៉ាល់ ជួយសង្គ្រោះលើផ្ទៃសមុទ្រ” ត្រូវបានបង្កើតឡើងនិងដំណើរការមក អង្គភាពបានប្រមូលអ្នកនេសាទមានមធ្យោបាយប្រកបរបរនេសាទលើផ្ទៃសមុទ្រ១២គ្រួសារ ពង្រីកស្មារតីសាមគ្គី ទទួលខុសត្រូវទាន់ពេលវេលា នៅនឹងកន្លែង ដើម្បីជួយសង្គ្រោះ ខណៈដែលជួបគ្រោះលើផ្ទៃសមុទ្រជាយថាហេតុ។ ម្យ៉ាងទៀត ជានិច្ចកាលរៀបចំការឃោសនា ផ្សព្វផ្សាយច្បាប់គោលការណ៍ ឯកសារ បទប្បញ្ញត្តិដល់អ្នកនេសាទ ដូចជា៖ ច្បាប់ព្រំដែនជាតិ ច្បាប់សមុទ្រវៀតណាម បទប្បញ្ញត្តិស្តីពីការគ្រប់គ្រងមនុស្ស មធ្យោបាយចេញចូលធ្វើសកម្មភាពតំបន់ព្រំដែនសមុទ្រ៘ ចលនានេសាទករច្បាមដែននេសាទទាញយកផលសមុទ្រ; មិនត្រូវបំពានដែនសមុទ្ររបស់ប្រទេសក្រៅពេលនេសាទលើផ្ទៃសមុទ្រ។ អនុវត្តយ៉ាងម៉ឺងម៉ាត់នូវបទប្បញ្ញត្តិក្នុងការគ្រប់គ្រង និងទាញយកផលសមុទ្រ។ ឆ្លងតាមរយៈនោះ ធ្វើឱ្យកម្មាភិបាល យុទ្ធជននិងអ្នកនេសាទក្នុង“ក្រុមទូកកប៉ាល់ ជួយសង្គ្រោះលើផ្ទៃសមុទ្រ” មានស្មារតីភ្ញាក់រលឹកត្រឹមត្រូវអំពីអធិបតេយ្យសមុទ្រ-កោះ។ ដឹងច្បាស់ពីឧបាយកលធ្វើសកម្មភាពរបស់ពួកជនល្មើស; សកម្ម ភ្ញាក់រលឹកអនុវត្តម៉ឺងម៉ាត់ ច្បាប់ស្តីពីព្រំដែនសមុទ្រ។

នេសាទករ ហ្វិញវ៉ាន់ម៉ឹង ប្រធាន “ទូកកប៉ាល់ ជួយសង្គ្រោះលើផ្ទៃសមុទ្រ” ឱ្យដឹង៖ ចាប់ពីក្រុមទូកកប៉ាល់បានដំណើរការមកបានបង្កើតនូវចំណងសាមគ្គីភាព ផ្សារភ្ជាប់រវាងអ្នកនេសាទជាមួយអង្គភាពនានានៃកងកម្លាំងការពារព្រំដែននិងអ្នកនេសាទ; ស្មារតីទទួលបន្ទុកត្រូវបានកើនឡើង ជានិច្ចកាលយកចិត្តទុកដាក់ ឧបត្ថម្ភគាំទ្រគ្នាទៅវិញទៅមកក្នុងការប្រកបរបរបានល្អជាងមុន។ ទន្ទឹមនឹងនោះ រួមគ្នាការពារដែនសមុទ្រក្នុងខេត្ត ខណៈពេលប្រទះឃើញកប៉ាល់ចម្លែក ឬមធ្យោបាយផ្សេងៗទាញយកផលធនធានរ៉ែខុសច្បាប់ ជូនដំណឹងបានទាន់ពេលដល់កងនាវាចរណ៍លេខ២ និងប៉ុស្តិ៍ការពារព្រំដែនច្រកកំពង់ផែទ្រឿងឡុងហ្វា” ៕

យោង៖ កាសែតត្រាវិញ-ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ