សន្តិសុខ - ការពារប្រទេស ការពារប្រទេស

25/07/2023 - 10:04

កង K៩៣-ប្រមូលអដ្ឋិធាតុយុទ្ធជនពលីចំនួន៥១ ធានាសុវត្ថិភាពមនុស្សនិងមធ្យោបាយ

យោងតាមគណៈកម្មាធិការបក្សនៃកង K៩៣ (បញ្ជាការដ្ឋាន យោធាខេត្តអាងយ៉ាង) ក្នុង៦ខែដើមឆ្នាំ ២០២៣ គណៈកម្មាធិការបក្ស-គណៈបញ្ជាការនៃកងK៩៣ បានដឹកនាំ ចង្អុលការសម្រេចជោគជ័យនូវភារកិច្ចដែលបានប្រគល់ជូន។ កងK៩៣ បានបញ្ជ្រាបផ្សព្វផ្សាយអនុវត្តមានប្រសិទ្ធភាពផែនការស្វែងរកប្រមូលអដ្ឋិធាតុយុទ្ធជនពលី ដំណាក់កាល XXII រដូវប្រាំង ឆ្នាំ២០២២-២០២៣ របស់គណៈចង្អុលការលេខ ៥១៥ ខេត្តអាងយ៉ាង; រៀបចំកម្លាំងមធ្យោបាយស្វែងរកនិងប្រមូលអដ្ឋិធាតុនៅខេត្តចំនួនពីរនៃព្រះរាជាណាចក្រកម្ពុជា គឺខេត្តតាកែវនិងខេត្តកំពង់ស្ពឺ ដោយធ្វើការស្វែងរកនៅ១៥កន្លែង គាល់ជីកស្វែងរកនៅ១១.០០០ទីតាំង ដោយបរិមាណគាស់ជីកលុបដីថ្មប្រមាណ ១៣.០០០ម៉ែត្រគុប។ ឆ្លងតាមរយៈនោះ ប្រមូលអដ្ឋិធាតុយុទ្ធជនពលីបានចំនួន៥១ ធានាសុវត្ថិភាពមនុស្ស និងមធ្យោបាយ។

គណៈកម្មាធិការបក្សនៃកង K៩៣ រៀបចំកិច្ចប្រជុំបូកសរុបបណ្ដោះអាសន្ន
ការងារ៦ខែដើមឆ្នាំ២០២៣។

ក្នុងដំណាក់កាលអនុវត្តភារកិច្ច កងK៩៣ បានធ្វើសេនាធិការស្នើ គណៈចង្អុលការលេខ៥១៥ ខេត្តនិងបញ្ជាការដ្ឋានយោធាខេត្ត រក្សាល្អចំណងទំនាក់ទំនងកិច្ចការបរទេសជាមួយនឹងកងយោធពល ខេមរភូមិន្ទ រៀបចំគណៈប្រតិភូទៅសួរសុខទុក្ខនិងជូនអំណោយក្នុងឱកាសបុណ្យទាន បុណ្យចូលឆ្នាំថ្មីរបស់ប្រជាជនកម្ពុជា បង្កសាមគ្គីភាព ជិតស្និទ្ធរវាងកងទ័ព និងប្រជាជននៃប្រទេសទាំងពីរនិយាយរួម និងខេត្តទាំងពីរគឺតាកែវនិងកំពង់ស្ពឺជាមួយនឹងខេត្តអាងយ៉ាងនិយាយដោយឡែក។ គិតគូរកែលម្អជីវភាពសម្ភារៈ ស្មារតីជូនកងទ័ព; ការងារកសាងបក្ស ការងារព័ស្ដុភារ បច្ចេកទេស ត្រូវបានយកចិត្តទុកដាក់ដិតដល់ធានាភារកិច្ចជាប្រចាំក៏ដូចជាភារកិច្ច ត្រៀមប្រយុទ្ធនិងអនុវត្តភារកិច្ចពិសេសរបស់អង្គភាព...៕

យោងតាមគេហទំព័រអេឡិចត្រូនិកខេត្តអាងយ៉ាង- ថាច់ធី

ចែករំលែកអត្ថបទ

ពាក្យគន្លឹះ