មហាសាមគ្គីជនជាតិ គំរូក្នុងសហគមន៍

18/07/2023 - 08:54

អ្នកចូលរួមបរិច្ចាគឈាមស្ម័គ្រចិត្ត ៣១ លើក

អ្នកគ្រូវ៉ធីឡែហាំង គ្រូបង្រៀនសាលាបឋមសិក្សាឡុងភូ A ឃុំឡុងភូ ខេត្តសុកត្រាំង ជាអ្នកចូលរួមបរិច្ចាគឈាមស្ម័គ្រចិត្ត ៣១ លើក។ អ្នកគ្រូហាំង បានចូលរួមកម្មវិធីស្ងើចសរសើរអ្នកបរិច្ចាគឈាមលេចធ្លោទូទាំងប្រទេស ឆ្នាំ២០២២។

អ្នកគ្រូ វ៉ធីឡែហាំង ចែករំលែកអំពីស្នាដៃបរិច្ចាគឈាមស្ម័គ្រចិត្តក្នុងពិធីស្ងើចសរសើរអ្នកបរិច្ចាគឈាម លេចធ្លោរបស់ខេត្តសុកត្រាំង។

ជាមួយនឹងសារ “មួយតំណក់ឈាមដែលបរិច្ចាគជីវិតមនុស្សម្នាក់បានរស់ឡើងវិញ” និងការបរិច្ចាគឈាមស្ម័គ្រចិត្ត គឺដើម្បីចែករំលែកក្ដីលំបាកជាមួយនឹងអ្នកជំងឺកំពុងត្រូវការឈាម ម្ល៉ោះហើយតាំងពីឆ្នាំ ២០១២ មកទល់បច្ចុប្បន្ន អ្នកគ្រូវ៉ធីឡែហាំង តែងសកម្មចូលរួមបរិច្ចាគឈាម។ តាមសម្ដីអ្នកគ្រូហាំង តំណក់ឈាមដែលបានបរិច្ចាគ គឺបង្កប់នូវអត្ថន័យយ៉ាងធំធេងនិងនាំមកនូវភាពរស់រានជីវិតដល់មនុស្សជាច្រើន។ រាល់ពេលដែលសមាគមកាកបាទក្រហមបំផុសចលនាបរិច្ចាគឈាមសប្បុរសធម៌ គឺអ្នកគ្រូតែងចូលរួមជានិច្ច។ ពីព្រោះអ្នកគ្រូយល់ឃើញថា ក្រោយពីបរិច្ចាគឈាម រាងកាយមិនត្រឹមតែផលិតឈាមថ្មីដែលល្អសម្រាប់រាងកាយប៉ុណ្ណោះទេ ថែមទាំងជួយដល់អ្នកជំងឺដែលកំពុងត្រូវការឈាមក្នុងពេលសង្រ្គោះបន្ទាន់និងព្យាបាល។

អ្នកគ្រូ វ៉ធីឡែហាំង ចូលរួមបរិច្ចាគឈាម។

រៀងរាល់ឆ្នាំ អ្នកគ្រូហាំងបានបរិច្ចាគឈាមពី ២ ដល់ ៣ លើក។ អ្នកគ្រូហាំង ឱ្យដឹង៖ “តំណក់ឈាមដែលបានបរិច្ចាគ គឺនាំមកក្ដីជំនឿ ក្ដីសង្ឃឹមរស់រានជីវិតមិនត្រឹមចំពោះអ្នកទទួលប៉ុណ្ណោះទេ នៅទាំងនាំមកក្ដីរីករាយ សុភមង្គលដល់សាច់ញាតិអ្នកជំងឺទៀតផង ដូច្នោះហើយខ្ញុំនឹងចូលរួមបរិច្ចាគឈាមរហូតលុះណាតែសុខភាពខ្ញុំលែងអនុញ្ញាតទើបឈប់។ ជាច្រើនឆ្នាំមកនេះ ថ្វីដ្បិតតែចូលរួមបរិច្ចាគឈាមច្រើនលើកក៏ពិតមែន ប៉ុន្តែសុខភាពខ្ញុំល្អជាធម្មតា។ រាល់ថ្ងៃ ខ្ញុំបង្រៀនដល់ទៅ ២ ពេល និងមើលថែគ្រួសារជាធម្មតា”។ ឃើញដូច្នោះ មិត្តភក្ដិ មិត្តរួមអាជីពនិងមនុស្សក្នុងគ្រួសារមានភាពជឿជាក់ ហើយស្ម័គ្រចិត្តរួមជាមួយអ្នកគ្រូហាំងទៅបរិច្ចាគឈាម។ មធ្យមភាគក្នុងមួយឆ្នាំ អ្នកគ្រូចលនាអ្នកចូលរួមបរិច្ចាគឈាមស្ម័គ្រចិត្តប្រមាណ ១០ នាក់។

ជិត ៣០ ឆ្នាំក្នុងអាជីពជាគ្រូបង្រៀន អ្នកគ្រូហាំង តែងសម្រេចល្អភារកិច្ចបានប្រគល់ជូន។ អ្នកគ្រូហាំង ជាមនុស្សម្នាក់រួសរាយរាក់ទាក់ តែងជួយដល់សិស្សខ្មែរឱ្យហ៊ានបញ្ចេញយោបល់ ឧស្សាហ៍រៀនសូត្រ។ អស់ពីចិត្តពីថ្លើមក្នុងការបង្ហាត់បង្រៀន សកម្មចូលរួមក្នុងចលនាបរិច្ចាគឈាមស្ម័គ្រចិត្ត ម្ល៉ោះហើយអ្នកគ្រូតែងតែជាគំរូលេចធ្លោ។ អ្នកគ្រូហាំង ឱ្យដឹង៖ ”នៅពេលដែលយើងបរិច្ចាគឈាម យើងទទួលបានការពិនិត្យសុខភាពដោយឥតគិតថ្លៃ នៅពេលដែលបង្កើតបានឈាមថ្មី រាងកាយយើងមានសុខភាពល្អជាង។ ខ្ញុំសង្ឃឹមថា អ្នកដែលស្ម័គ្រចិត្តមានសុខភាពល្អបរិបូរ កុំបារម្ភក្នុងការបរិច្ចាគឈាម ហើយសូមគិតថា តំណក់ឈាមដែលបានបរិច្ចាគនឹងជួយអ្នកជំងឺដែលកំពុងត្រូវការឈាមឱ្យរស់រានមានជីវិត ហើយការបរិច្ចាគឈាមគឺទង្វើល្អ មានប្រយោជន៍ជូនសង្គម”៕

លីធាន - ថាច់ធី

ចែករំលែកអត្ថបទ

ពាក្យគន្លឹះ