សន្តិសុខ - ការពារប្រទេស ការពារប្រទេស

19/06/2023 - 16:54

ធានាសុវត្ថិភាពចរាចរណ៍ផ្លូវទឹកក្នុងរដូវភ្លៀងជំនន់

បច្ចុប្បន្ននៅរដូវភ្លៀងជំនន់ ធាតុអាកាសប្រែប្រួលខុសប្រក្រតី បង្កប់នូវហានិភ័យកើតមានគ្រោះថ្នាក់ចរាចរណ៍ផ្លូវទឹក ទើបការិយាល័យបូ៉លិសជើងទឹក នគរបាលក្រុងកឹងធើ បានម្ចាស់ការសហការជាមួយនឹងកងកម្លាំងសមត្ថកិច្ចនានា បង្កើនការគ្រប់គ្រង ជំរុញការផ្សព្វផ្សាយក្នុងប្រជាជន និងផ្សព្វផ្សាយអនុវត្តព្រមៗគ្នានូវវិធានការធានាសុវត្ថិភាពចរាចរណ៍ផ្លូវទឹកក្នុងរដូវភ្លៀងជំនន់។

កងកម្លាំងបូ៉លិសជើងទឹក នគរបាលក្រុងកឹងធើ បង្កើនការផ្សព្វផ្សាយដល់ប្រជាជននូវវិធានការបង្ការទប់ស្កាត់លង់ទឹកក្នុងរដូវភ្លៀងជំនន់។

បូ៉លិសជើងទឹក នគរបាលកឹងធើ បង្កើនការល្បាត ត្រួតពិនិត្យលើដងទន្លេ។

ជាមួយនឹងទិសស្លោក បង្ការជាចម្បង កងកម្លាំងបូ៉លិសជើងទឹក នគរបាលក្រុងកឹងធើ ម្ចាស់ការសហការជាមួយនឹងគណៈកម្មាធិការបក្ស រដ្ឋអំណាចមូលដ្ឋានគ្រប់លំដាប់ថ្នាក់ និងកម្លាំងសមត្ថ កិច្ច បង្កើនការយាមល្បាត ត្រួតពិនិត្យ ក្រើនរំឭក ផ្សព្វផ្សាយដល់ម្ចាស់កំពង់ចម្លង ស្រឡាង អ្នកបើកបរនិងប្រជាជន ក្ដាប់ច្បាស់សេចក្ដីកំណត់របស់ច្បាប់អំពីសន្តិសុខសណ្ដាប់ធ្នាប់ សុវត្ថិភាពចរាចរណ៍ផ្លូវទឹកក្នុងស្រុក; ល័ក្ខខ័ណ្ឌដំណើរការរបស់មធ្យោបាយនិងអ្នកបើកបរនូវល័ក្ខខ័ណ្ឌនិងទង្វើមួយចំនួនដែលត្រូវហាមប្រាម ពេលចូលរួមបើកបរផ្លូវទឹក; វិធានការបង្ការទប់ស្កាត់ការលង់ទឹក ពិសេសគឺចំពោះកុមារនិងសិស្សសាលា ដែលកំពុងស្ថិតក្នុងរដូវវិស្សមកាល; បំពាក់ឱ្យបានសព្វគ្រប់នូវឧបករណ៍ចាំបាច់ផ្សេងៗ ដូចជាពោងបង្ការ គ្រោះថ្នាក់កើតមានដោយចៃដន្យ; វិធានការនានាសំដៅធានាសុវត្ថិភាពអគ្គិភ័យជាដើម៕

ហូវតាយ-ឡឹមអាញ- ពេជ្រសឿន

ចែករំលែកអត្ថបទ

ពាក្យគន្លឹះ