ព្រឹត្តិការណ៍ - នយោបាយ ព្រឹត្តិការណ៍

28/03/2023 - 08:41

ក្រុមប្រតិភូត្រួតពិនិត្យនៃគណៈកម្មាធិការអចិន្រ្តៃយ៍រដ្ឋសភាធ្វើការនៅខេត្តសុកត្រាំង

ក្រុមប្រតិភូត្រួតពិនិត្យនៃគណៈកម្មាធិការអចិន្រ្តៃយ៍រដ្ឋសភា ដឹកនាំដោយលោក ឌិញកុងស៊ី អនុប្រធានគណៈកម្មាធិការវប្បធម៌ អប់រំនៃរដ្ឋសភា ទើបចុះត្រួតពិនិត្យបធានបទ “ការអនុវត្តសេចក្ដីសម្រេចលេខ ៨៨/២០១៤/QH១៣ និងសេចក្ដីសម្រេចលេខ ៥១/២០១៧/QH១៤ របស់រដ្ឋសភា អំពីការផ្លាស់ថ្មីកម្មវិធីសៀវភៅសិក្សាគោលអប់រំចំណេះទូទៅ” នៅខេត្តសុកត្រាំង។ ចូលរួមក្នុងក្រុមប្រតិភូត្រួតពិនិត្យ មានរដ្ឋមន្រ្តីក្រសួងអប់រំនិងបណ្ដុះបណ្ដាល ង្វៀងគីមសើុង។

រដ្ឋមន្រ្តីក្រសួងអប់រំនិងបណ្ដុះបណ្ដាល ង្វៀងគីមសើុង ចុះត្រួតពិនិត្យការអនុវត្តកម្មវិធីអប់រំចំណេះទូទៅឆ្នាំ ២០១៨ នៅវិទ្យាល័យជនជាតិអន្តេវាសិកហ្វិញកឿងសុកត្រាំង។

ខេត្តសុកត្រាំង ស្នើរដ្ឋាភិបាលពិនិត្យមើលឡើងវិញ បន្តអនុវត្តគោលនយោបាយឧបត្ថម្ភសៀវភៅសិក្សាគោលដល់សិស្សឋិតក្នុងក្របខណ្ឌគ្រួសារក្រីក្រ គ្រួសារប្រកៀកបន្ទាត់ក្រ សិស្សជនជាតិភាគតិច បន្តអនុវត្តគម្រោងធ្វើឱ្យរឹងមាំសាលារៀន ដំណាក់កាលចាប់ពីពេលនេះរហូតដល់ឆ្នាំ ២០៣០។ បន្តការបំពាក់បំប៉ន អំពីការផ្លាស់ថ្មីកម្មវិធីសៀវភៅសិក្សាគោលដល់កងជួរកម្មាភិបាលគ្រប់គ្រង និងគ្រូបង្រៀនក្នុងឱកាសវិស្សមកាលដោយរូបភាពផ្ទាល់; ប្រញឹកធ្វើការបណ្តុះបណ្ដាលគ្រូបង្រៀនទទួលបន្ទុកវិញ្ញាសាវិទ្យាសាស្រ្តធម្មជាតិ ធានាត្រូវតាមបទដ្ឋាននៃដំណើរការឆ្នាំ ២០២៥; មានផែនការបណ្ដុះបណ្ដាលបំពាក់បំប៉នគ្រូបង្រៀន មុខវិជ្ជាពិសេសដោយឡែក មានដូច មុខវិជ្ជាភាសាបរទេស ព័ត៌មានវិទ្យានិងបច្ចេកវិទ្យា។ល។

រយៈពេល ២ ថ្ងៃធ្វើការត្រួតពិនិត្យ អនុប្រធានគណៈកម្មាធិការវប្បធម៌ អប់រំ ឌិញកុងស៊ី បានស្ងើចសរសើរផ្នែកអប់រំខេត្តសុកត្រាំង ទោះបីលក្ខណសម្បត្តិមូលដ្ឋានសម្ភារៈមិនទាន់គ្រប់គ្រាន់ ពិសេស គឺតំបន់ជនជាតិនៅជួបការលំបាកច្រើន ប៉ុន្តែលោកគ្រូ អ្នកគ្រូ បានប្រឹងប្រែងជម្នះ ហើយជំហានដំបូងអនុវត្តសម្រេចជោគជ័យកម្មវិធីអប់រំចំណេះទូទៅឆ្នាំ ២០១៨។ ក្រុមប្រតិភូ បានកត់សម្គាល់នូវការលំបាក ជំពាក់ជំពិនក្នុងដំណាក់ការផ្សព្វផ្សាយ ក៏ដូចជាលើកសំណើរបស់សាលា ភូមិភាគដើម្បីបញ្ចូលក្នុងរបាយការណ៍លើកជូនគណៈកម្មាធិការអចិន្រ្តៃយ៍រដ្ឋសភា សំដៅធ្វើឱ្យល្អប្រសើរគោលនយោបាយក្នុងពេលខាងមុខ៕

យ្វីអាញ - ថាច់ធី

ចែករំលែកអត្ថបទ

ពាក្យគន្លឹះ