មហាសាមគ្គីជនជាតិ គំរូក្នុងសហគមន៍

31/01/2023 - 08:46

ប្រធានសាខាសមាគមនារីសកម្ម ពូកែធ្វើសេដ្ឋកិច្ច

មិនត្រឹមតែពូកែធ្វើសេដ្ឋកិច្ចនោះទេ បងស្រីគឹមធីង៉ុកហាញ ប្រធានសាខាសមាគមនារីភូមិកោះសាន្ត ឃុំហ៊ីបហ្វា ស្រុកកូវង៉ាង ខេត្តត្រាវិញ នៅទាំងសកម្មចូលរួមរាល់ការចលនារបស់ភូមិភាគទៀតផង។

បងស្រីគឹមធីង៉ុកហាញ កំពុងថែដំណាំប៉េងប៉ោះ ដើម្បីត្រៀមបម្រុងប្រមូលផលលក់ក្នុងឱកាសបុណ្យចូលឆ្នាំថ្មីវៀតណាម។

បងស្រីគឹមធីង៉ុកហាញ ឱ្យដឹង៖ កាលពី ១៥ ឆ្នាំមុន ពេលទើបរៀបការ ប្ដីប្រពន្ធខ្ញុំមានដីត្រឹមតែកន្លះកុងដែលឪពុកម្ដាយចែកឱ្យ។ ហេតុនោះ ពីរនាក់ប្ដីប្រពន្ធខ្ញុំត្រូវធ្វើការឈ្នួលផ្គត់ផ្គង់ជីវភាពប្រចាំថ្ងៃ ហេតុនោះ ជីវភាពគ្រួសារមានការលំបាកខ្លាំងណាស់។ អាស្រ័យជាសមាជិកសាខាសមាគមនារីភូមិ ទើបខ្ញុំមានឱកាសបានទៅហ្វឹកហាត់និងទស្សនា ទម្រង់អភិវឌ្ឍសេដ្ឋកិច្ចនៅលើភូមិសាស្រ្តស្រុក ដើម្បីអនុវត្តតាម។ ឆ្នាំ ២០១៨ ខ្ញុំបានសាខាសមាគមបង្កលក្ខណៈឱ្យបុលទុន ១៥ លានដុង ដើម្បីលក់ដូរជាលក្ខណៈគ្រួសារ និងទិញគោ ១ ក្បាលមកចិញ្ចឹម។ ដីកន្លះកុងរបស់គ្រួសារ ប្ដីប្រពន្ធខ្ញុំបានកែប្រែសម្រាប់ដាំបន្លែរយៈពេលខ្លី រកបានប្រាក់ចំណូលពី ១០០.០០០- ៣០០.០០០ ដុង/ថ្ងៃ។ អាស្រ័យដូច្នោះ ទើបជីវភាពបានលំនឹងបន្តិចម្តងៗ ហើយសន្សែសន្សំទិញបានដី បន្ថែមកន្លះកុងសម្រាប់ដាំបន្លែ”។ ដោយការឧស្សាហ៍ព្យាយាមប្រកបការងាររកស៊ី និងការតាំងចិត្តប្ដេជ្ញាវិនិយោគផលិតកម្ម អាជីវកម្មតាមទិសដៅធ្វើសេដ្ឋកិច្ចចម្រុះ សកម្មបង្កបង្កើនផល ដាំដុះបន្លែបង្ការ និងចិញ្ចឹមគោមេ ចិញ្ចឹមមាន់ មកទល់បច្ចុប្បន្ន ជីវភាពគ្រួសារបងស្រីគឹមធីង៉ុកហាញ ឈានឡើងធូរធារជាបណ្ដើរៗ។

បងថាច់ឋាន ប្ដីរបស់បងហាញ ឱ្យដឹង៖ “បន្ទាប់ពីសងទុនបុលពីមុនត្រូវតាមកំណត់ គ្រួសារខ្ញុំត្រូវបានដោះស្រាយឱ្យបុល ៥០ លានដុងបន្ថែម សម្រាប់អភិវឌ្ឍការចិញ្ចឹមសត្វនិងដាំដុះ។ អាស្រ័យបានទុនបុលពីធនាគារគោលនយោបាយសង្គម គ្រួសារខ្ញុំសម្រេចចិត្តវិនិយោគចិញ្ចឹមគោបន្ថែម។ មកទល់បច្ចុប្បន្ន ហ្វូងគោ បានកើនឡើងចំនួន ៥ ក្បាល។ ដល់រដូវប្រមូលផលស្រូវ ខ្ញុំទៅស៊ីឈ្នួលកាត់ស្រូវឱ្យមាមីងក្នុងភូមិ ប៉ុន្តែមិនយកប្រាក់យកតែចំបើងទុកសម្រាប់ដាំដុះនិងចិញ្ចឹមគោប៉ុណ្ណោះ។ ចំណែកដីមួយកុងសម្រាប់ដាំបន្លែបង្ការ ក្នុងមួយឆ្នាំខ្ញុំដាំបាន ៣ រដូវ ជាមធ្យមក្នុងមួយរដូវរកបានចំណេញ ពី ១០-១៥ លានដុង”។

លោកត្រឹងវ៉ាន់វៀង លេខាគណកម្មាធិការបក្សឃុំហ៊ីបហ្វា ឱ្យដឹង៖ “បងស្រីគឹមធីង៉ុកហាញ មិនត្រឹមតែពូកែធ្វើសេដ្ឋកិច្ចនោះទេ សព្វថ្ងៃ បងស្រីគឺជាប្រធានសាខាសមាគមនារីភូមិកោះសាន្ត សកម្មនិងឈានមុខរាល់ការចលនារបស់ភូមិភាគទៀតផង។ ទើបតែជាង ១ ឆ្នាំទទួលនាទីជាប្រធានសាខាសមាគមនារីភូមិ បងស្រីហាញ រួមជាមួយនឹងសមាជិកនានាជួយដល់គ្រួសារសមាជិកជាច្រើន បានចាកផុតពីភាពក្រីក្រ ឈានឡើងអភិវឌ្ឍសេដ្ឋកិច្ច”៕

សើុងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ