ព្រឹត្តិការណ៍ - នយោបាយ ព្រឹត្តិការណ៍

09/01/2023 - 14:35

គណៈប្រតិភូនៃកងយោធពលខេមរភូមិន្ទកម្ពុជា ប្រសិទ្ធពរបុណ្យចូលឆ្នាំថ្មីដល់ថ្នាក់ដឹកនាំក្រុងកឹងធើ

* គណៈប្រតិភូនៃព្រះរាជាណាចក្រកម្ពុជា អញ្ជើញមកបំពេញទស្សនកិច្ចនិងធ្វើការនៅខេត្តត្រាវិញ

គណៈប្រតិភូនៃកងយោធពលខេមរភូមិន្ទកម្ពុជា ដឹកនាំដោយឧត្តមសេនីយ៍ឯក យឿង សុខុន មេបញ្ជាការរង កងទ័ពជើងគោក មេបញ្ជាការយោធភូមិភាគទី ៣ បានអញ្ជើញមកប្រសិទ្ធពរបុណ្យចូលឆ្នាំថ្មីវៀតណាមគ្វីម៉ាវ ឆ្នាំ ២០២៣ ដល់ថ្នាក់ដឹកនាំក្រុងកឹងធើ។ សមមិត្ត ង្វៀងថឹកហៀង អនុប្រធានគណៈកម្មាធិការប្រជាជនក្រុងកឹងធើ ទទួលស្វាគមន៍គណៈប្រតិភូ។

សមមិត្ត ង្វៀងថឹកហៀង ជូនវត្ថុអនុស្សាវរីយ៍ដល់គណៈប្រតិភូ
កងយោធពលខេមរភូមិន្ទកម្ពុជា។

ឧត្តមសេនីយ៍ឯក យឿង សុខុន ជូនពរសមមិត្តថ្នាក់ដឹកនាំគណៈកម្មាធិការបក្សក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមក្រុង និងប្រជាជនក្រុង ទទួលអំណរបុណ្យចូលឆ្នាំថ្មីប្រកបដោយបវរសួស្ដី សុភមង្គល បន្តសម្រេចបានជោគជ័យថ្មីៗជាច្រើនទៀតក្នុងការអភិវឌ្ឍសេដ្ឋកិច្ច-សង្គម ការពារប្រទេសនិងសន្តិសុខ។ល។ ឧត្តមសេនីយ៍ឯក យឿង សុខុន គូសបញ្ជាក់៖ ការអភិវឌ្ឍរបស់ប្រទេសកម្ពុជានាបច្ចុប្បន្ន គឺមានការរួមចំណែកដ៏សំខាន់ពីបក្ខភាគ រដ្ឋអំណាចនិងកងកម្លាំងប្រដាប់អាវុធក្រុងកឹងធើ (ពីមុន ជាខេត្តហូវយ៉ាង) ពិសេសគឺក្នុងការជួយប្រជាពលរដ្ឋកម្ពុជា ឱ្យរួចផុតពីរបបប្រល័យពូជសាសន៍ប៉ុលពត-អៀងសារី; ទន្ទឹមនឹងនោះ រំពឹងថា ក្រុងកឹងធើនឹងបន្ត មានសកម្មភាពឧបត្ថម្ភ កិច្ចសហការបន្ថែមទៀតក្នុងការអភិវឌ្ឍសេដ្ឋកិច្ច-សង្គមរបស់ខេត្តនានានៃព្រះរាជាណាចក្រកម្ពុជា។ល។

សមមិត្ត ង្វៀងថឹកហៀង អំណរគុណចំពោះមនោសញ្ចេតនា ការយកចិត្តទុកដាក់របស់គណៈប្រតិភូ; ទន្ទឹមនឹងនោះបានឱ្យដឹង ក្រុងមានសកម្មភាពជាច្រើនសំដៅពូនជ្រុំចំណងមិត្តភាពរវាងប្រទេសទាំងពីរនិយាយរួម និងក្រុងកឹងធើជាមួយនឹងខេត្តនានានៃប្រទេសកម្ពុជា និយាយដោយឡែក ជាក់ស្ដែងដូចជា៖ បង្កលក្ខណសម្បត្តិសម្រាប់អាជីវកម្មកម្ពុជាវិនិយោគនៅក្រុងកឹងធើ; ចុះកិច្ចសន្យាលើកម្មវិធីសហការក្នុងការអភិវឌ្ឍទេសចរណ៍ភូមិភាគ; រៀបចំក្រុមការងារទៅសួរសុខទុក្ខនិងពិនិត្យជំងឺ ផ្តល់ថ្នាំដល់ប្រជាជនកម្ពុជា។ល។ រយៈពេលខាងមុខ ក្រុងកឹងធើនឹងមានសកម្មភាពជាច្រើន និងកម្មវិធីដោយឡែក ក៏ដូចជាការអនុវត្តរួមជាមួយបញ្ជាការដ្ឋានយោធភូមិភាគ ៩ សំដៅរឹតបន្តឹងចំណងសាមគ្គីភាពរវាងប្រទេសទាំងពីរ។

គណៈប្រតិភូនៃព្រះរាជាណាចក្រកម្ពុជា ថតរូបអនុស្សាវរីយ៍ជាមួយថ្នាក់ដឹកនាំខេត្តត្រាវិញ។

* គណៈប្រតិភូនៃព្រះរាជាណាចក្រកម្ពុជា ដឹកនាំដោយលោកជំទាវ ម៉ែន សំអន ឧបនាយករដ្ឋមន្ត្រីនៃព្រះរាជាណាចក្រកម្ពុជា រដ្ឋមន្ត្រីទំនាក់ទំនងរដ្ឋសភា ព្រឹទ្ធសភានិងអធិការកិច្ច ប្រធានសមាគមមិត្តភាពកម្ពុជា-វៀតណាម បានអញ្ជើញមកបំពេញទស្សនកិច្ចនិងធ្វើការនៅខេត្តត្រាវិញ។ ប្រធានគណៈកម្មាធិការប្រជាជនខេត្តឡេវ៉ាន់ហាំង ទទួលស្វាគមន៍គណៈប្រតិភូ។

ក្នុងឱកាសជួបធ្វើការ លោកជំទាវ ម៉ែន សំអន បានសម្តែងសេចក្ដីត្រេកអរចំពោះការអភិវឌ្ឍចំណងទំនាក់ទំនងមិត្តភាព សហប្រតិបត្តិការរវាងវៀតណាមនិងកម្ពុជា រវាងខេត្តត្រាវិញជាមួយនឹងក្រសួង ផ្នែក និងអាជ្ញាធរនៃព្រះរាជាណាចក្រកម្ពុជា។ ផ្តើមពីនោះ រួមចំណែកបង្កើនការយល់ដឹង និងសហប្រតិបត្តិការរវាងរដ្ឋាភិបាលនិងប្រជាជនប្រទេសទាំងពីរវៀតណាម-កម្ពុជា រឹតបន្ដឹងចំណងមិត្តភាពជាប្រពៃណី និងភាពជាអ្នកជិតខាងល្អ។ លោកជំទាវ ម៉ែន សំអន បានប្រសិទ្ធពរដល់ថ្នាក់ដឹកនាំ គណៈកម្មាធិការបក្សខេត្ត គណៈកម្មាធិការប្រជាជនខេត្តត្រាវិញ ព្រមទាំងប្រជាជនវៀតណាម ទទួលអំណរបុណ្យចូលឆ្នាំថ្មីប្រពៃណីជាតិ ប្រកបដោយភាពសប្បាយរីករាយ សុខដុមរមនា៘

ស្ថិតក្នុងបរិយាកាសនៃដំណើរទស្សនកិច្ច គណៈប្រតិភូ ក៏បានអញ្ជើញទៅទស្សនានៅមណ្ឌលវប្បធម៌-ទេសចរណ៍គូស្រះស្រី សាលាពុទ្ធិកមធ្យមសិក្សាបាលី-ខ្មែរខេត្តត្រាវិញ និងប្រគេនទេយ្យវត្ថុចំនួន ៦ វត្ត និងសាលាពុទ្ធិកមធ្យមសិក្សាបាលី-ខ្មែរ៕

សើុងម៉ាល័យ-ផាមទ្រុង-លីសៀ

ចែករំលែកអត្ថបទ

ពាក្យគន្លឹះ