ព្រឹត្តិការណ៍ - នយោបាយ ព្រឹត្តិការណ៍

06/12/2022 - 10:47

មហាសន្និបាតតំណាងព្រះពុទ្ធសាសនាទូទាំងប្រទេស លើកទី IX

ព្រះឧបជ្ឈាយ៍ ធិតថៀងញើុង បន្តទទួលតំណែងជាប្រធានក្រុមប្រឹក្សាភិបាលសមាគមព្រះពុទ្ធសាសនាវៀតណាម អាណត្តិកាលទី IX (២០២២-២០២៧)

ពិធីប្រោះព្រំ គោរមងារអគ្គមហាសង្ឃាធិបតីសមាគមព្រះពុទ្ធសាសនាវៀតណាម។

មហាសន្និបាតតំណាងព្រះពុទ្ធសាសនាទូទាំងប្រទេស លើកទី IX អាណត្តិកាល ២០២២ -២០២៧ ទើបបានបិទបញ្ចប់នៅអគារវប្បធម៌ ពលកម្មមិត្តភាពវៀតណាម-សូវៀត រដ្ឋធានីហាណូយ។ អ្នកតំណាងទាំងឡាយបានឯកភាពអនុម័តលើខ្លឹមសារវាយតម្លៃលទ្ធផលនៃការអនុវត្តសេចក្តីសម្រេចមហាសន្និបាតតំណាងព្រះពុទ្ធសាសនាទូទាំងប្រទេស លើកទី VIII កម្មវិធីសកម្មភាពកិច្ចការព្រះពុទ្ធសាសនា នីតិកាលទី VIII អាណត្តិកាល ២០១៧-២០២២ ដែលបានចែងក្នុងរបាយការណ៍បូកសរុប សកម្មភាពកិច្ចការព្រះពុទ្ធសាសនា ត្រូវបានស្នើឡើងមុនមហាសន្និបាត; ឯកភាពអនុម័ត ទិសដៅ ភារកិច្ចរួមមាន ១២ គោលដៅ និងដំណោះស្រាយ អនុវត្តជោគជ័យនៃកម្មវិធីសកម្មភាពកិច្ចការព្រះពុទ្ធសាសនា អាណត្តិកាល ទីIX (២០២២ -២០២៧) ត្រូវបានស្នើឡើងមុនមហាសន្និបាត។

មហាសន្និបាតក៏បានដំណើរការជ្រើសតាំងក្រុមប្រឹក្សាភិបាលរួមមាន: សមាជិកពេញសិទ្ធិ ២៣៥ អង្គ សមាជិកបម្រុង ៤៥ អង្គ ក្នុងនោះ មាន ៦៥ អង្គជាសមាជិកគណៈអចិន្រ្តៃយ៍នៃក្រុមប្រឹក្សាភិបាល។ មហាសន្និបាត បានឯកភាពជ្រើសតាំងព្រះឧបជ្ឈាយ៍ ធិតថៀងញើុង បន្តទទួលតំណែងជាប្រធានក្រុមប្រឹក្សាភិបាលសមាគមព្រះពុទ្ធសាសនាវៀតណាម អាណត្តិកាលទី IX (២០២២-២០២៧)។

មហាសន្និបាតទាំងមូលបានឯកភាពអនុម័តលើបញ្ជីឈ្មោះ តែងតាំងព្រះតេជព្រះគុណចំនួន ២៦៨ អង្គ ឡើងក្នុងឋានៈជាព្រះឧបជ្ឈាយ៍ ១.១០២ អង្គឡើងក្នុងឋានៈជាព្រះតេជព្រះគុណ ៣៩១ អង្គឡើងក្នុងឋានៈជាប្រធានព្រះថេរៈ និង ១.៥៧១ ឡើងក្នុងឋានៈជាព្រះថេរី។

មហាសន្និបាតបានឯភាពអនុម័តក្រមច្បាប់វិន័យនៃសមាគមព្រះពុទ្ធសាសនាវៀតណាម បានកែប្រែគឺ៖ អារម្ភកថាមាន ១៤ ជំពូក ៨៧ មាត្រា។ ប្រគល់គណៈអចិន្រ្តៃយ៍ក្រុមប្រឹក្សាភិបាល អាណត្តិកាល IX ដំណើរការនូវបែបបទស្នើទៅគណៈសាសនានៃរដ្ឋាភិបាល ផ្តល់សច្ចាប័ននិងដាក់ឱ្យប្រើប្រាស់ច្បាប់វិន័យសមាគមព្រះពុទ្ធសាសនាវៀតណាមដែលបានកែប្រែលើកទី VII។

មហាសន្និបាតតំណាងព្រះពុទ្ធសាសនាវៀតណាម លើកទី IX ក៏បានដំណើរការកម្មវិធី ពិសេសគឺផ្តល់គោរមងារព្រះឧបជ្ឈាយ៍ ធិតទ្រីក្វាងឡើង ឋានៈជាអគ្គមហាសង្ឃាធិបតីនៃសមាគមព្រះពុទ្ធសាសនាវៀតណាម៕

យោង៖ dangcongsan.vn-ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ